السلام عليكم و رحمة الله وبركاته
شلونكم
هذا اول موضوع اكتبه في بوابة لندن حدي مستانسه
و ان شاء الله مو اخر موضوع
كثيرين يبحثون عن السكن الرخيص ... و أنا اولكم ... لاننا ان شاء الله رايحين علاج و من الحين نختار ارخص شي عشان التكاليف علينا
( أعذروني ما اقدر اتكلم عن اي شي عن العلاج .... ممنوع من الاداره )
اللي ابيه منكم ألحين ... سواء من داخل او خارج لندن .... تحطون لنا عناوين و كل شي عن شقق اسعارها مناسبه في لندن ....
و نرفع كلنا مع بعض شعار الحمله ... نعم للرخيص
و أكيد انا و كل الاعضاء اللي راح يستفيدون ما راح ننساكم بالدعاء ...
ملاحظه ...
ممنوع وضع ارقام الهواتف ... اللي عنده ارقام يبي يفيد فيها الاعضاء ... يقولها للاداره و احنا نطلبها من الاداره ... او على الخاص
و يا ليت الكل يتعاون عشان نستفيد
انا ما صرت انام بسبب التفكير بالمصاريف
نسيت اقولكم .. طبعا كل يوم ادور بالنت و اشوف .... و تذكرت هذا الموقع الروعه ...
يوريك الفنادق و انطباع الناس عنه ... و كل فتره يسوي احصاء ل أقذر الفنادق عشان ما احد يروح لها ..
على الرابط : http://www.tripadvisor.com/DirtyHotels
و اللي جربوا فنادق لندن ... سواء عجبتهم او ما عجبتهم ... يكتب لنا تجربته و رأيه بالفندق و عنوان الفندق
الصفحه الرئيسيه : اكتب اسم المدينه و اختار اللي تبيه بالسعر اللي يناسبك
بس اعتقد اسعارهم غاليه .. و فيه خدمات ثانيه غير الفنادق ... فيه مطاعم و ...... الخ
http://www.tripadvisor.com/
و اللي جرب اي موقع و يحس انه اسعاره زينه و رخيصه يعلمنا عليه
ملاحظه ...
اللي نفس حالتنا ... رايحين لندن للعلاج او لاي شي ثاني و رايحين مطولين هناك ...
أحجزوا اول ليلتين في فندق على ما تلقى الشقه اللي تعجبك
احنا ان شاء الله ناويين نسوي جذي
ملاحظه مهمه ... للي يبون يحجزون من النت ... قريت هالملاحظه من احد التقارير في بوابة مصر .. للعضو اسومه ... جزاه الله خير
أقتبس من كلامه :عندما تجد شعار VeriSign Secured هذا معناه أن هذا الموقع موثوق به ويمكنك التعامل معه ولها توصيات عند قراءتها يتضح لك أنه يتم ضمان المبالغ المودعة لدى إدارة الموقع بموجب هذا الشعار وشكله كالآتي:
تلخص البحث فى 3 مواقع هم على ترتيب الأرخص فالأغلى كالتالى:Asia Rooms
http://www.asiarooms.com/
Hotel Travel
http://www.hoteltravel.com/
Otel
http://www.otel.com/
والموقع الأخير أحسنهم لكن ليس أرخصهم من أول وهله . .
.. انتهى الاقتباس ..
يالله انا بانتظاركم ...
اي عنوان شقه او فندق او اي شي ... ممكن يفيد غيرك ... تفضل حطه .. و جزاك الله خير
الموضوع هذا يخص السكن الرخيص ... لكن اوعدكم ان شاء الله ان رحت لندن راح أترس لكم البوابه بالمواضيع المصوره اللي راح تعجبكم
و ناويه ان شاء الله احط يومياتي لكم ... لكن لما اروح
بس ادعوا لي بالذريه الصالحه .. و ان ورقة موعد المستشفى توصل
ربي يشافيكم وجميع المسلمين..
ويسهل اموركم يارحمن يارحيم..
واحنا معااك والله يجزاك خير على الحمله
رااح تفيد الكثير...
اختك