قالي في كينيا يا عزيزي اذا صار المساء ما يطلع السواح بالشارع لوحدهم لازم معاهم احد وبسيارة لان الامان مفقود وبسهوله انك ترجع بملابس الدخلية ياساتر قطعة جبن تتمشي بالليل we3:
اخذني معاه لمطعم يملكه وتعشيت هناك بالقاعه الخاصه vip وجربت اول مره بحياتي عصير فاكهة اسنها باشين فروت تلقون صورتها علي علب عصير الكوكتيل طعمها غريب ولذيذ
نزلت المطعم واذا مملوؤ بالزباين قعدة بالشارع مع البودي غارد كله مطعم ومحل فيه حماية عليه والا ينسرق ؟؟
ضحكت من كل قلبي عندما سالني البودي غارد هل صحيح انكم الكويتين عند كل واحد فيكم بئر نفط في بيته بيعه ويشتري فيه ما يريد معلومه كنت اعتقد انها تذكر علي باب الدعابه تبين انها صحيحه بنظر شعوب اخري
وبوقوفي معه طافت امراة كينيه من امامي ثم رجعت ووقفت مقابلي واخذت تصرخ فيني وتسبني بالسواحيلي (لغتهم العامية ) خليتها تبرد قلبها فيني وانا مو عارف شالسالفه ارتاحت ومشت سالت صاحبنا شموضوعها قالي لا تاخذ في بالك سكرانه ومتضايقه وقامت تسبك لانها تعرف ما راح ترد عليها ولا تدري شنو تقولك
تعملت جم كلمة سواحيليه من لغتهم (جمبو) معناها مرحبا الرد علي التحية ب ( جمبو سانا ) مرحبا فيك
( ميزوري ) انت بخير ردها ( ميمي ميزوري ) انا بخير
رديت الفندق لاخذ كفايتي من النوم لليوم الجديد اللي راح يكون لي فيه رحله الي المتحف الكيني
قمت بال 8 صباحا وذهب للافطار بالطابق الاخير عصير البرتقال والباشين فروت توست محمص زبدة ومربي بيض ونقانق وطبق ما عرفت شنو فيه مع قلقل خليته ما جربته
الاجانب اغلبهم بريطانين وانتوا تعرفون هالشعب كيف اهو جامد ولا يحب التعرف علي ناس وشكاك حاولت افتح حديث معا اللي كانوا موجودين مالقيت استجابة حطيت حرتي بالصحون الموجوده لدرجة انها اشتكت مني واختفت :yab:
قبل 9 صباحا كان صديقي معاه ابنه وشخص هندي بريطاني الجنسيه من اقاربهم وحضر للسياحه كذلك صار بعدها زميل لرحلت السفاري الطويله اللي ذهبنا لها واهي كينيا الحقيقه وليست العاصمة نيروبي
المتحف كما سترون بالصور لاحقا فيه هيكل فيل الماموث الضخم وتراثهم الوثني وثعابين من النوع اللذي يقفز لاعلي
واضعينهم بحوض مرتفع وتنظر لهم وهم يحاولون الوصول لك ولكن الاتفاع حافظنا منهم
ووجدت لديهم فن جميل برسم اللوحات اعتقد قريت عنه مؤخرا يسمي الكولاج ولكن طريقة عجيبه من صفحات المجلات والجرايد يصنعون لوحات فنيه لو لم يذكرون لي هذا الامر ما علمت انها قصاصات
بعد المتحف اللي استمتعنا فيه ذهبنا لزيارة صديق لصاحبي الهندي وهو كيني لكن من الاصول اليمينه والحمدالله يتكلم العربية والصراحة قمة الطيبة والامانه والراحة تحسها من هالانسان
طلبت انه ياخذني بجوله في العاصمه والي بعض تجار الالماس والذهب وهذي بروحها تجربة بوليسيه نفس افلام الاميركان
اريحكم شوي واكمل عن قريب
الرحلة الي الان لم تبداء هذي كلها مقدمات وانشالله الجاي اطيب

رائع أخي الكريم
في إنتظار التكلمة ..

بارك الله فيك رحله ممتعة وننتظر المزيد
ويالله الجنة !

الله يعطيك العافية أخوي man-34
على التقرير والمقدمه مثل ماقلت وبأنتظار القادم من رحلتك الى كينيا

رائع أخوي مان 34 أكمل بارك الله فيك
تجربة جديده تستحق السرد و المتابعه.
تحياتي .........

مشكور ورائعة هالتجربة الفريدة .. ياخوى
وننطر منك البقية باذن الله ...........

اخوي مان .. تقول انك ناشر هذا الموضوع من قبل !!!!!!!!!!!
تدري اخوي فريت ادوره ومالقيت شي غير موضوعين هذا الموضوع والآخر " من بانكوك الي شينغ ماي بالقطار " لكن الحمدالله انك قررت تعيده وماتحرمنا مثل هذه الرحله الشيقه ...
بننتظر البقيه

بومحمد
روان
الباب العالي
الباحثة
بن بطوطة
ya-mas
شكرا جزيلا لكم جميعا علي التفاعل الجميل مع الرحله
وانشالله راح تستمتعون بالبقيه فهيا نرفع الاشرعه ونكمل

تمشيت مع صاحبنا اليمني بالسوق وصار مسيرنا بجانب فندق صاير علي النظام الاوروبي بلكونات خارجية وطبعا كله مشروبات كحوليه والقليل قهوة صاروا يخزون فينا كانهم ما يبونا نمشي حتي بجانب اي مكان موجودين فيه ... ولاهموني مشيت وقمت اطالع فيهم لقافه وكسرة عين لهم
اللي لاحظته علي الشعب الكيني انه شعب كسول جدا يحب الاكل والشرب و..... والنوم فقط لا يحبون العمل ولذالك الشعب الهندي النشيط واليمنين وكذلك القليل من اللبنانين والسورين استغلوا هذي الفرصه وبسطوا نفوذهم علي التجارة هناك بجانب الاجانب طبعا .
قلت لصاحبي اليمني ابي اشوف الالماس الحر يمكن اشتري منه كمية واتربح منها قالي حاضر تعال نمشي وندخل شارع ونطلع من شارع ونوقف شويه عند بقاله ونحرك عند ثانيه
قلت له شنو مضيع شي قاعد تدوره قال لا طول بالك جذي اصول الدخول علي تجار الاحجار الثمينه رحنا عند بقاله شباك صغير 60 ْفي 60 سم وباقيها حديد مسلح كلمه صاحبي فقدم لنا بطلين بيبسي بارد وعلي ما خلصناهم طلع من البقاله شخص هندي معانا ومشينا لشارع طويل الي بناية بنيانها جديد وصعدنا الي المصعد توقف فينا بنصف البنايه وبعدها كملنا باقي الادوار صعودا علي الاقدام ..... لا اعلم الي اليمن اخذنا ام الي الشمال ولكن اصبح امامنا باب حديد مقفول ؟!!! رفع صوته الهندي بلغته بعد قليل نسمع صوت اقدام وينتفح الباب بعد فتح اقفال اسمع صوتها
دخلنا سلم الهندي علي الشخص وكلمه ومشي واقفل الباب خلفه ومشي هذا الرجل ونحن وراءه الي درج عالي اذا لم تتمسك تسقط ومنهاالي ممر وباب حديدي اخر فيه نافذه صغيره ضرب علي الباب كم ضربه فتحت النافذه نظروا فتحوا دخلنا ومشا من اوصلنا اف تعبت شنو داش البنك المركزي قلت لصاحبي قال خلاص ما بقي شي
ورا هذاا الباب كان باب ثاني نادا عليهم سمعت اصوات سلاسل حديديه تفتح الباب دخلنا اخيرا الي مكتب الاستاذ التاجر الكبير
واذا به مكتب حديدي صغير وكراسي اثنين وكنفه صغيره وشخص صغير بالحجم اذا رايته بالشارع لا تعيره اهتمام لعدم هندامه واعتنائه بمظهره ولكن البوابات اللي دخلناها حتي ندخل عليه يجعل له قيمه ووزن مهمه وخصوصا ان الحماية اللي كان واقف معاه مثل ابو اسنان حديديه بفيلم الجاسوسه اللتي احبتني
رحب بنا وهو جالس وبكل ثقه ونظرة عدم مبالات قالي شنو طلبك ياسيد وقبل لاتطلب طلبك كيف اهي احوال الكويت الان ؟؟؟ لم استغرب اذا عرف اني من الكويت او عرف اسم الديوانية اللي اقعد فيهاا يا عم هذا واحد واصل (((:
قلت له الكويت من حسن الي احسن وانا ابي اشوف الالماس اللي عندك ابتسم وفتح الخزانه واحضر رف خشبي ببطانه مخمليه وفيها حفر وكل حفرة فيها حجر من كل نوع وحجم وشكل
لكن كانت باشكال غير متساويه حيث انها خام وقبل القطع ....
قلته كم هذي قال 1000 دولار هم قلت له هذي اصغر بكم قالي 1600 دولار لانه اللون نادر
قمت اقلب فيها واناظر بالضوء وانا بقلبي قاعد اقول هذي الاسعار مع القص وتلبيس الذهب ما راح استفيد الضاهر شغلهم علي مقاس كبير ما ينفع حقي
شكرته علي لطفه ومشينا وانا افكر بالنزله مثل افلام العصابات يمكن تاتينا طلقه بالظهر لانا ما شرينا وكشفت مكان هذي العصابه المتخصصه بالاحجار ولكن بعد فتح السلاسل وقفل الباب خلفنا حمدت الله علي السلامه وعلي هذي التجربة
وسالت صاحبنا اليمني عنهم قالي انت دخلت اكراما لي وثقه فيني كرجل معروف بالمنطقه وقبل لا تدخل عليهم كانت الجوله من مكان الي مكان اهي فترة تضيع وقت كي يتاكدوا من هويتك بالكويت وهنا :wow:
بالنسبة للتجار السعودين اللي تعرفت عليهم بمطار جده بلغوني انهم راح يسكنون بفندق الشيراتون افضل فندق بالعاصمة بذلك الوقت
وطلب مني التاجر ان ازوره حيث انهم ذاهبون بالهيلكوبتر الي مناطق نائية لتوصيل معونات ومساعدات وذلك بمعرفة الحكومه الكينيه
وقمنا بالزيارة وراينا قناصة الفرص متربصين بكل ما يلمع من بعيد كالذهب واسمه سايح
نكمل لكم عن هذي الزيارة والاستعداد للذهاب بسفرة السفاري