نشر في دبي

استفسار عن دبي مول

المهندس يوسف

13-02-2022 - 01:52 pm

السلام عليكم ورحمة الله وبركاته
أخواني وخواتي
بغيت أسئلكم عن "دبي مول"
هل هو مفتوح? وهل فيه محلات كثيرة مفتوحة ولا للحين?
وين تنصحوني أروح .. الإمارات مول ولا دبي مول بالنسبة للمحلات الأكثر المفتوحة حالياً والمطاعم .. إلخ?
وجزاكم ربي كل خير

التعليقات (8)

اليازي-UAE

13-02-2022 - 04:55 pm

وعليكم السلام ورحمة الله وبركاته
دبي مول للحين مافتحت كل محلاته
بس بعد فاتحه فيه محلات كثيره

المهندس يوسف

13-02-2022 - 05:56 pm

جزاج الله الخير أختي
بس بعد حيرتيني ههه
أنا المشكلة رايح يوم واحد .. عشان جيه .. ما أدري أروح الإمارات مول ولا دبي مول
انزين من أكثر محلات (للأغراض والمطاعم) حالياً .. دبي ولا الإمارات مول?

noora_ad

13-02-2022 - 06:57 pm

روح الامارات مول ودبي مول قريبين من بعض

التاج988

13-02-2022 - 07:58 pm

والله كل واحد له ستايله ههه
بس اذا رايح للمطاعم اتوقع مول الامارات افضل
اما اذا رايح تتمشى دبي مول افضل بوجود الاكويريوم فيه

حور الكويت

13-02-2022 - 08:59 pm

هلا أخوي بما أنت يوم واحد بس
الأفضل مول الإمارات فيه سكي دبي ومطاعم كثيرة عد وتخير والمحلات أيضا
ولا دبي مول ما فيه شئ حلو إلا الأكواريوم وتبي تروح المطاعم تقطع مسافة كبيرة لين توصله مطاعمه حتي الحين ما بطلت كلها
لا تعيد غلطتي أول يوم وصولي لدبي رحت دبي مول وندمت

نآصر

13-02-2022 - 10:00 pm

مول دبي مب جاهز , روح مول الامارات افضل وجاهز وفيه كل شي ..
بس دبي مول بعد حلو وفيه الاكواريوم وبيعيبك وايد ..
روح مول الامارات وتوكل على الله ولاتنسى تدخل الحديقه الثلجيه ..

نآصر

13-02-2022 - 11:01 pm

واذا حاب تستانس اكثر روح ل حديقة ( وآيلد وادي المائيه ) الدخول 160 درهم للشخص .. وناسه ع الاخر ..
موقعها : 5 دقائق مول الامارات وهي ملاصقه تماما ل برج العرب ..
رحله سعيده ..

المهندس يوسف

14-02-2022 - 12:02 am

أخواني وأخواتي
جزاكم ربي كل خير على مشاركاتكم الطيبة
والله فرحتوني وفاديتوني وايد ..
خلاص إن شاء الله أروح مول الإمارات .. وعقب إن حصلنا وقت بنروح دبي مول .. وإذا ما قدرنا .. خلاص نخليها بسفرة ثانية بإذن الله .. :_)
بارك الله فيكم أخواني وأخواتي .. :_) :_)

دبي المسافرون العرب

استفسار عن دبي مول