السلام عليكم و رحمة الله و بركاته
مشكور وما تقصر أخى اسد بن ربيعه على مساعدتك ، مع إنه كل ردودك و إجاباتك فيها تنفير إلى الآن
إذا ممكن تقولنا فى أي ولاية إنت متواجد الآن ؟ و سبب تواجدك فى أمريكا هل هو للدراسه أم العمل ؟
شكرا لك

1. اخت بنت الصقور ...

اخت بنت الصقور ...

اول شيء انا قريت ردك في الموضوع امريكا اليوم وكلامك عن التزوير والاشياء اللي ذكرتيها وانا اقول لك انه مو بس العرب ولا هم العرب اكثر شيء بالعكس الاسبان او بالاصح الهسبانك والروس والصينيين هم اكثر ناس يتلاعبون بالحاجات هذي ....
واذكر واحد كولومبي قابلته في ميامي وكنا نتكلم عن المافيا والمخدارت والحقيقة تفاجأت يوم قال لي ان الحكومة الامريكية قامت واعطت بعض تجار المخدرات بكلولومبيا الجنسية الامريكية ليش عشان ملايين المخدرات تجلس في امريكا ولا يتهز اقتصادهم بخروجها برا .... واذا لك ميول للقراءة انصحك بالقراءة عن الحرب الباردة حاجات صارت ايامها جداً رهيبة ... انا يمكن اخذني الكلام وطلعت عن صلب الموضوع اسف على هذا ...
انا والله مو قاعد انفر بس اعرف ربعي وما ابيهم يمرون بنفس الظروف يعني الطريق من اخره انهم لا تعبون
انا اقولك في واحد من الشباب في فلوريدا فلسطيني الله يفك اسره قصته كان ساكن معه واحد سعودي المهم كان عندهم جهاز كمبيوتر الولد ما عمره استخدمه ...
زميلنا السعودي دخل الانترنت مرة وسوى chat مع وحدة عمره 13 سنة من غير علم االمهم الموضوع راح عليه ايام
الشباب ما درو الا الاف بي اي داخل عليهم واعتقلوا الفلسطيني ليش؟
اتهموه انه اغتصب البنت !!!!!!!!!!!
وبعد السجن لمدة 6 شهور اثبتوا عليه القضية والمشكلة انه ما فيه ولا دليل والشباب يعرفون الولد
حتى طالبنا بال DNA ورفضت المحكمة حتى رفضوا طلب المحامي يعني المسألة مطبوخة ووالله العظيم هذا اللي حصل ولكن المشكلة ..............
انحكم على زميلنا الفلسطيني 13 سنة سجن!!!!!!!!!!
الشباب قالوا ما بعد هذا حياة وانا فضلت الابتعاد عن المنطقة بأكملها
يعني الان السعودي تحت المنظار وانا ما قلت هذا الكلام الا من منطلق خوفي على الشباب وتوعيتهم
عموما هذا في فلوريدا ولكن الشهادة لله الولايات الثانية اخف بكثيرة ومعاملتهم جيدة وحتى ان فيه بعضهم يتعاطف مع العرب
انا في ولاية فرجينيا في مدينة صغيرة في الجنوب الغربي من الولاية يعني Rednecks
احس اني طولت
سلام عليكم

اشكرك يا اخي اسد بن ربيعه على هذا الموضوع الشيق عن بلد عزل نفسه عن العالم واصبح الذاهب الى هناك كما يقولون ( دمه على ورقه ) مثل شعبي
ممكن تفيدنا عن الوضاع هناك

هلا اخوي اسعد شاكر لك طرحك للموضوع مع انك على قول الاخت بنت لاصقور تقدم المساعدة مع انك لاتحبذ بالروحه الا امريكا
والحمد لله ربي جابك اسالتي كثيرة خ منها تشيل شوي عن بنت الصقور لاني شكلي ثقلت عليها بالاسئلة
انا ان شاء الله ناوي اروح امريكا بالصيف
وخلاص حطيتها براسي
المهم اخوي ابغاك تقدملي النصائح لاني ارغب في دراسه اللغة في الصيفيه فيها لاتقعد تقلي كندا ولا بريطانيا حاط في بالي امريكا وبس وبما انك متواجد في امريكا الان اتوقع انك بتفيدني باذن الله
اول شي لحد الان محتار في اختيار المدينة امريكا كبيرة وكل بلد في صوب
بالنسبة للفيزة انا سمعت انهم الحين قدمو تسهيلات كثيرة للسعودين حتى في واحد من احدى المكاتب يقول انه راح السفارة وقالوله ان الامور ماشية للافضل
المهم اخوي ايش تعرف عن معاهد اللغة او جامعات تدرس كورسات
لي عودة ثانية باذن الله
الاسئلة اليوم كافية
اخوك
بحر الاسئلة خ

اخوي الناصر ...
مثل ما قلت ... هم اصلا معزولين خلقة يعني بس زودوها شوي ... الوضع مستقر هنا ما فيه مضايقات من الشعب بس اذا فيه يكون من الحكومة لان الشعب اذا شافك ما راح يعرف انك من السعودية والا من الشرق الاوسط غالبا ما يحسبوني من كولومبيا والا المسكيك وانت جاي
..
اليوم نزل ثلج اليم ولحسن الحظ كانت الكاميرا معي وصورة كم صورة قلت اشارككم فيها

سلام

ماشاء الله عليك
صور رائعه جداً
ويا ليت تعطينا معلومات سياحيه عن الولايه اللي انت فيها

وش تسوي في الوول مارت يا أسد
ذكرتنا بالأيام الخوالي ياغالي
أنا طالع لأورلاندوا الصيف وربك يسهل
تحياتي

مرحبا اخوي اسد بن ربيعة
بالنسبه للانظمام للبعثه ماهي الشروط الواجب توافرها
وهل الامر سهل ام صعب اكلمك اذا كان لك واقع تجربه او لزملائك
ياليت تشرح الوضع بشئ من التفصيل
وشكرا لك

الاخ أسد السلام عليكم ورحمة الله وبركاته
أنا أرغب بأكمال دراسة الماجستير في الهندسة بجامعة Yale الامريكية واتمنى ان تحصل لي على قبول مشروط و
شكرا