banderino
23-07-2022 - 01:21 am
السلام عليكم ورحمة الله وبركاته
بكل اسف صارلي موقف في مطار بيروت لايحسد عليه
بعد ماوصلت في يوم 25 فبراير الى مطار بيروت من جدة على طيران السعودية
وكنت واقف بانتظار الشنطتين الخاصة بي وبعد دقايق استلمت شنطة والاخرى تاخرت
اللي استلمتها ماكان فيها اللا جاكيت طويل والثانية فيها كل شي حتى اني حطيت
كاميرا فيديو سوني شريتها قبل الرحلة بيومين وهذي غلطتي واعترف بغلطتي
المهم الشنطة تاخرت و ماجات وتقريبا خرجو كل اللي معاي على الطيارة بعد ماستلمو كامل العفش
وبعدها رحت بلغت ان شنطتي ماجات وتاكدو من الشنطة انها غير موجودة نهائيا (ركزو هنا )
وامضوني على اوراق انو يوجد لدي شنطة مفقودة وراح يتصلون علي ارقامي داخل لبنان في حال وجودها
وبعدها خلاص فقدت الامل خلاص وجيت طالع من المطار وانا افكر اش البس اذا ماجات الشنطة
واللا وانا طالع جاني واحد من اللي يدفون العربات قالي في شنطة في المكان المخصص للاستلا
رحت داعس 220 جري ابغا اتاكد شنطتي او لا ..............
والحمدلله طلعت شنطتي وانا كاني رجعت روحي مو شنطتي لاني فقدت الامل خلاص
وياريت الشنطة كانت تتكلم كان سالتها وين كنتي ؟؟؟!!!
اخذت الشنطة وطبعا مع الاحداث اللي بالمطار تاخرت على اللي كان منتظرني لاكثر من ساعة
الى الان انا مبسوط ومافي شي .............
رحت على البيت حطيت الاغراض وجيت افتح الشنطة وانزل اغراضي من ملابس وعطور و و و
وانا اشوف بيت الكاميرا فاضي !!! ياولد !!!! وانا ادور داخل الشنطة وقلبت الشنطة فوق تحت مافي شي !!!
وانا اقول في بالي معقول اللي كان في المطار فتح الشنطة وقدر ياخذ الكاميرا !!!! ؟؟؟
واللا انا ناسيها حطيت بيت الكاميرا فاضي !!!!
واتا كدت بعد ماتصلت على الاهل وقالولي انت اخذت الكاميرا .
بعدها قلتلهم خلاص خلاص وانا حاط في بالي اللي جاني وقالي لك شنطة او شخص غيره
=============================================
هذا كل اللي حصلي في فقدت كاميرا بسبب غلطتي انا واعترف انها غلطتي انا الاولى
لاني كان المفروض اني احملها يدويا وانا هنا احذر جميع المسافرين ياخذو حذرهم
جميع الاجهزة الالكتونية احملوها يدويا افضل لكم وامن لكم من السرقة
واقول حسبي الله عليك ياللي سرقت كاميرتي والله لايهنيك فيها واوجه اتهامي لشخص من عمال العربات
في مطار بيروت وان شاءالله ربي يعوضني والحمدلله رجعت بالسلامة من كم يوم
الله يعوض عليك ..
لا تضجر يا اخي .. تتعوض خير بإذن الله ..
..