ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
البهبهاني
24-06-2022 - 12:31 pm
  1. ( هل كل رخيص مخيس)

  2. وهذي بعض ابرز النقاط:


السلام عليكم ورحمة الله وبركاته
صبحكم الله بالخير / مساكم الله بالخير (على حسب الوقت اللي تقرون فيه الموضوع)

( هل كل رخيص مخيس)

ماعليكم من المقوله هاذي الموضوع وبختصار انا تخرجت من معهد الادرة العامه دبلوم محاسبه طبعا معهد حكومي ومعروف صارله حول 40 سنه والتقدير ممتاز ولله الحمد طبعا قبل دخولي للمعهد ماحصلي قبول في الجامعات اللي عندنا في السعوديه الملك سعود وغيرها (هارفرد - اكسفورد ) الا تخصصين اللي هم لغات ياباني واظاهر عبري ولا شي زي كذا قلت بلاش دبلوم افضل
لكن انا شخص طموح للغايه فقلت يابو الشباب انا تخرجت وتوني ورع بداية العشرينات ليه ماكمل دراستي طبعاً راسلت جامعتي هارفرد و كمبردج (سعود و فهد وعبدالعزيز) بعد مده ردو علي: مافيه شي اسمه نظام دبلوم يكمل بكالوريوس فوضى هي على كيفيك. الا عبدالعزيز رحمني وقالي يابو الشباب تعال نقد 3000 ريال بالترم وخذ عندنا انتساب وتدرس من اول قلت والله المشوار وبعد ذلك نصحوني بعض الشباب ان التحق بالجامعه العربيه المفتوحه ومادراك مالجامعه العربيه المفتوحه يعني يكفي الحرم حق الجامعه يغطي على حرم ستانفورد (مبنى شقق مفروشه) المهم عبرنا هاذي ودرسنا وهي ينقالك نظام الجامعه التعليم عن بعد لكن ماحولك احد من المدرسين ياللي واحد مايدري وش الطبخه يقلبها انتظام ولا واحد ماصدق يصير عنده ايميل قلبها كلشي على الايميل طبعاً الوضع ماعجبني مره وانواع المشاكل فيه وكل ترم يغلون الاسعار ويقولون حنا جامعه غير ربحية والزبده اني سقطت ومافلحت وزاد عمري سنه ولا سويت شي
فقلت ياولد مابدهاش الغربه يعني الغربه ابغترب فذهبت الى الى التعليم العالي وبكل ثقه اقدم طلبي اني التحق ببعثه حتى لو يبعثوني بافغنستان راضي والله لاكن مالله اراد قالولي بالعربي تبي نبعثك لازم يصير تكون ماخذ البكالوريوس وعندك فيتامين واو طيب يابو الشباب انا ابي بعثه اخذ البكالوريوس تقولي جب بكالوريوس الحين وشلون اجيبه رد علي قالي مو شغلي قلنا حسبي الله والنعم الوكيل وشلت فكرة الغربه من راسي قلت خلاص السنه الجايه نطلع لروسيا ولا مصر ونشتري شهاده
وبعد مرور شهرين ونيف اتاني احد الاصدقاء وقالي ليه ماتطلع اول ترم او سنه على حسابك بعدين تقدم على البعثه من هناك على السفاره والفكره دخلت مزاجي ورحت بعض المكاتب مثل مكتب IDP حق استراليا لكن فيه مجازفه كبيره والصراحه اجور الدراسه لحالها توصل 25000 الف ريال بالسنه غير المصاريف وهاذي ادنى جامعه وتبخرت الفكره من راسي و حمدت ربي اني حاصل على الدبلوم فيه غيري حتى الثانويه ماخذوها
وبعدها بشهر ونيف اتاني نفس الصديق الشرير عرض علي فكره الدراسه في الخارج لكن في ماليزيا وطبعا هو اللي دلني على موقعكم الطيب والجميل والان ندخل بالزبده ترى هاذي كلها مقدمه وحبيت انكم تشاركوني همومي

وهذي بعض ابرز النقاط:

  • انشالله ناوي اكمل من دبلوم الى بكالوريوس باحد التخصصات Markeeting or Management or Accounting وابي منكم مساعده تزودوني بجامعه ممتازه من ناحية هذه التخصصات لكن بشرط تكون الدراسه باللغه الانجليزيه وانها معترف فيها من قبل التعليم العالي بالسعوديه
  • هل فيه امكانيه معادلة الساعات؟
  • ترى انا مطفر

وجزاكم الله خير


التعليقات (8)
amr_abari
amr_abari
السلام عليكم ورحمة الله وبركاتة ,....
والله ياأخوا الجامعة اللي تبغاها و معترف فيها بالسعودية و فيها أي تخصص من اللي تبغاه والدراسة بالإنجليزي هيه الجامعة حقي ... وهية جامعة الملتميديا Multimedia university فأنصحك تتدرس فيها مع العلم إنه لو عندك دبلومة وتجيب الشهادة والمقرر اللي درستة بالإنجليزي يعادلوا لك سنة وهية السنة التحضيرية ... ورسوم الدراسة فيها بالسنة 12000 ريال سعودي غير السكن ومصاريفك ... المهم إذا تبغاني أسجلك ما يهمك قلي وأنا أسجلك فيها ...
والسلام عليكم ورحمة الله وبركاتة ..

البهبهاني
البهبهاني
شكراً على ردك اخوي
لكن المشمله الجامعة اللي انت فيها اهليه
طيب هل الجامعة تدرس تخصص ال MIS
Manegment Information System?

البهبهاني
البهبهاني
واذا ماعليك امر عندي كم سؤال هنا
  • كيف التدريس بالجامعه؟ وش الفرق بين الحرم Maleka وا Cyberja

وكيف مناهج تخصصات الادراه هل المناهج + التدريس + الاختبارات باللغه الانجليزيه
  • كم عدد الطلاب التقريبي؟ والاجانب؟

وبالله عليك ممكن تسفسرلي عن هذا التخصص
Manegemnt with multimedia
واذا كان عندك اي معلومات زياده بالله لاتبخل علينا
والله يجزاك خير

amr_abari
amr_abari
الجامعة أهلية ولمعلوميتك الجامعات الأهلية فقط في ماليزيا هيه اللي تدرس الدراسة بالإنجليزي لكن الجامعات الحكومية تدرس بالماليزي و موجود فيها هذا التخصص و لمعلومات أكثر عن الجامعة هذا هو موقعها على الإنترنت
http://www.mmu.edu.my

Ra7el
Ra7el
الجامعة الاسلامية في ماليزيا ممتازة جدا ً و معترف بها من التعليم العالي و تدرس باللغة الانجليزية و كل التخصصات اللي ذكرتها موجودة فيها و اسعارها معقولة جدا ً و يوجد برنامج للغة الانجليزية يؤهلك لدخول الجامعة

البهبهاني
البهبهاني
الله يجزاكم خير على ردودكم
والله مثل ماسمعت عن الجامعه الاسلاميه ان مستواها متدني واسمع ناس كثار مايمدحون فيها
والله شكل مثل ماقال الاخ عامر بنقدم على جامعة ملتي ميديا
بس الان وش الاوراق المطلوبه والرسوم كيف اسعارها؟
وعلى حسب ماقريت بورقة اعتراف الجامعات الماليزيه وزارة التعليم العالي السعودي مكتوب عن جامعة ملتي ميديا (التخصصات المعتمدة من قبل الهيئة الوطنية للاعتماد الاكاديمي بماليزيا) هل تخصص ال
Manegment with Multimedia معتمد من الهيئه
وش الفرق من الحرم Maleka و Cyberjya ووش افضل برايك؟
وشكرا لكم

الهزبر
الهزبر
السلام عليكم ورحمه الله وبركاته
هذي أول مشاركة لي في هذا المنتدى الرائع . فجزا الله القائمين عليه خير اً .
بالنسبة للدراسة في الجامعة الإسلامية هذي قائمة بالجامعات الموجودة والأسعار شاملة السكن الجامعي . أخذتها من القنصلية الماليزيه في جدة وأنصح أخوي البهبهاني أن يذهب إلى أقرب سفارة أو قنصلية .
عنوان القنصلية في جدة حي الرحاب شارع المؤلفين بجوار السفارة الإندنوسية .
هذين الجدولين توضح الجامعات والأسعار .

ملاحظة مهمة : على كل من يرغب في الدراسة في الخارج . لابد من موافقة وزراة التعليم العالي , وهناك نموذج خاص للدارسين على حسابهم الخاص ومن الممكن أن ينظم الى البعثة الحكومية لاحقا ً
اتمنى لك التوفيق .

الهزبر
الهزبر
جدول اسعار الجامعة الإسلامية .

أخوي البهبهاني لو تروح الى اقرب سفارة او قنصلية ماليزيه يكون افضل , القنصلية الماليزيه في جدة فيها مكتب خاص بالتعليم ومنها اخذت هذي الجداول .
ملاحظة هامة يجب الحصول على موافقة وزراة التعليم العالي على الدراسة في الخارج حتى تكون الشهادة مقبوله اذا تم النجاج إن شاء الله .


خصم يصل إلى 25%