السلام عليكم
اتمنى ان اختصر حتى لاتملوا من السرد الممل ..
الحقيقة انني قررت السفر للمغرب وكنت متردد لإنها تقريباً اول سفرة لوحدي ...
حجزت واتجهت للمطار وقصيت البوردينق .. في صالة الانتظار ترددت وفكرت اترك الرحلة واعود!!
بين تردد و تحفز قررت الصعود لطائرة طبعاً ( المغربية) المهم طلعت الطيارة المقعد ( الضيافة)
ولا يزعلوا مني المغاربة الطيارة اشبه بالنقل الجماعي كراسي صغيرة وضيقة ...
المهم وانا جالس ومتردد ..
دخلت عائلة مغربية وشكلهم حجاج بعد انتهاء حجهم ... وجلسوا بأماكن غلط !!
جت المضيفة تقومهم وبدون فائدة ..
جاء كبير المضيفين وهو رجل كبير بالسن وطلب منهم ان كل واحد يجلس بمكانه وبعد ان تستقر الطائرة
بالجو كل واحد يغير مكانه بكيفه المهم رفضوا وهم كبار بالسن ويبدوا عليهم البداوة...
المهم وحده من الركاب رمت بكلمة قوية على كبير المظيفين فغضب غضب شديد وعصب وطلب البوليس
ورفض تتحرك الطائرة حتى يجي البوليس وكانوا الناس يهدوه وهو يقول انتم ماتعرفوا اش معنى كلمتها ؟
المهم
بعد اخذ ورد وصياح قال واحد سعودي معاه عائلة .... هذا شكله أرهابي :36_1_17: وكان يقصد واحد مغربي عجوز من ضمن العائلة الي مسوية شوشورة
انا كبرت براسي وشككت ان الموضوع جد
لان الشخص السعودي رددها اكثر من مره وقلت شكلي ترددت في نفسي حاسة ان هذي آخر رحلة لي
وشكلها رحلة مخطوفة !!!!!!!!!!!!
فكرت شوي قلت لازم انزل من الطائرة !!!!!!!!
المهم شلت نفسي وجيت نازل وقفني على باب الطائرة حارس امن سعودي:11sted_co من موضفي امن المطار
وقالي وين رايح ؟
قلت بنزل هونت
قال ليه قلت كذا
قال ترى بيصير في الموضوع تحقيق
قلت مو مشكلة
قال ياخي وهمس في اذني قال المباحث بتقبض عليك وبيصير معاك تحقيق طويل عريض ومايفكوك الا بعد يومين وبعد وصول الطائرة لانك بتكون مشكتبه انك حاط شيء بالطائرة !!!!!!!!!!!!!!!!!
طلعت انا ارهابي!!!!
المهم بين اخذ ورد
جوني الملاحين المغاربة وتجمعوا حولي وقالوا وشفيك
قلت ولا شيء هونت
هم توقعوا انوا بسبب الدوشة الي سووها بالطائرة مع الركاب
وماهم دارين اني انا اساسا متردد من البداية وزاد الطين بلة الي قال : شكل واحد بالطائرة ارهابي
المهم حاولوا في وجوني تقريباً كل طاقم الطائرة الا يمكن الطيار
وحاولوا في وانا معاند واخرت الرحلة
المهم شكلي خربتها
حضني و احد مسؤول كبير والله ماني عارف وشو رتبته او عمله لكن شكله مسؤول كبير
وجلسني درجة أولى !!!:sofa:
وحسيت اني لازم اسافر بالقوة عاد هونت وسكت
وبالرحلة سويت فيها ((( اضراب عن الطعام ))) :36_1_51:
قدموا لي عشاء ورفضته
المهم سويت نفسي نمت وحسيت انهم مهتمين فيني وبيناضروني من بعيد
وبيهمسوا عني وهم رايحين وجايين
وعيونهم ماتغيب عني
المهم جاء الصبح وحسيت اني جوعان
وجابوا لي فطور .... ولاتنسوا بالدرجة الأولى ..... المهم اخذت الفطور وافطرت الا وارى البشاشة
في وجوههم وجاني كبير المظيفين وهو يضحك
قالي يااخي وشفيك ؟ اقلقتنا عليك .. يحاول يفهم شو فيني
قلت لاعادي بس انا بخاف من الطائرات قال يااخي الطائرة اكثر وسيلة مواصلات سلامة انا لي 30 سنة
مانزل من الطيارة
وبالعكس قلت والاهتزازات فاخذ يشرح لي وتخيلوا وهو جالس جنبي بالممر (بشكره على قمة تواضعه)
ومر شخص يبدوا انه مسؤول كبير وهو نفسه الى جلسني بالدرجة الاولى فقاله كبير المظيفين
ابشرك الرجال افطر واخد يحكيله عني المهم جاني المسؤول واخد يدردش معي ويسليني بكم كلمة حلوة
والله المغاربة طيبين
المهم انا استانست .. والخدمات متواصلة معي ... وحسيت اني رئيس موزنبيق
المهم وصلنا مطار كازا (( حبيبة قلبي )) وكانوا الناس نازلين وبيناظرون فيني باستغراب وكل واحد يكلمني
شوي يبون يعرفون شو سالفت هالشخص !!
وشو سر هالاهتمام فيه
المهم وهم ينزلون ... مر من جنبي الشخص السعودي الي كان يقول في ان في واحد شكله ارهابي
وناظر فيني _ وعلى فكرة اطفالة طول الرحلة بيبكون_ ناظر فيني بحسرة وقال ...........
(ماستفاد من هالرحلة الا أنت )!!!! ولا عرفلهم الا انت
عاد نزلنا بالمطار والشباب يحاولوا يتعرفوا علي
شكلهم صدقوا اني شخصية مهمة !!!!!
ع العموم بكملكم غدا قصتي بعد نزولي بكازا وعجائب قصتي بمراكش (( مع الثعابين )) ونقلي للمستشفى
ورحلتي بالقطار وانهياري وسقوطي بعد تعرضي ل ..... أخليها لكم بكرة .