المغرب المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
sahhaar
01-11-2022 - 10:12 pm
اخواني الأعزاء السلام عليكم ورحمة الله وبركاته ..
نحن هذه الأيام نعيش حالة من الركود السياحي وشح التقارير ..
فما رأيكم نستعيد ذكريات تلك الأيام الخوالي التي قضيناها بالمغرب ونسترجع تلك المواقف الطريفة
التي لن تنسى من الذاكرة واعتبروها استراحة مسافر ؟..
أنا واثق من وجود الكثير منها سواء من بداية الرحلة او خلالها شدوا حيلكم يامزاعيط المغرب ومنتظرين
مواقف تفطس من الضحك ...


التعليقات (9)
albshri
albshri
سم باسم الله وابداء...
انا انتظرك تبدا ..في جعبتك الكثير اباعبدالله فلا تبخل علينا
ولي عوده باذن الله
بحفظ الله

كرم2005
كرم2005
طيب شكلي انا اقتتح الردود يخبر بدايه كتاب الله القران
هذا سلمكم الله اول جمعه اصليها بالمغرب كانت نتطوان
دخلت الجامع في بلدة المضيق وكانو الموجدين بالمسجد كبار بالسن
وحصلت مكان في الصف الاول وسننت ركعتين ولاحظت انه لا يوجد الا
مصحف واحد وقمت اخذه الا والجميع عدلو من جلستهم
كانو الامام طلع على المنبر
والكل يناظر لي والله استغربت الموقف لكن رجهت مكاني
ما كلمواني وبدات اقراء وحسيت انهم مازالو مركزين علي
المهم يادوب خلصت صفحه الا ولد يمكن عمره 12 سنه
يطلب مني المصحف
استغربت قلت بنفسي وش الموضوع لا يكون داخل مكان بالخطاء
اعطيته من غير كلام الايوم راح في المحراب وجلس مقابل الجماعه
وبدءيقراء بصوت مرتفع حتى طلع الامام
وبعد الصلاه خذ يا سلام علي وكل واحد يسئل انت منين والي يعزم
والي يعرض اي خدمه لا يوم خرجت قد الخبر انتشر
والقى العجايز على الباب ما بقي ال يتمسحون بي الي توصيني بالدعاء
لها ولعيالها والي تبي الحج والي تبي العمره
المهم من باب تغير الموضوع قلت ابي اتزوج ما تخبرون لي عروسه
ههه المهم ما خرجت من الحي الي فيه المسجد الا قريب العصر
والله ناس طيبين بالفطره لكن يوم من الابام التي لا تنسى

بلاد الغربة
بلاد الغربة
ننتظركم...مالدينا ذكرناه ماعدا زيادة بسيطة لعلها تخرج بعد مانرى مالديكم

نرجس المغرب
نرجس المغرب
فكرة رائعة أخي sahhaar
في انتظار الإخوان
يالله يا إخواني نريد أن نضحك و نفرج عن أنفسنا
في انتظار أن تحكو لنا عن مواقفكم الطريفة بالمغرب

sahhaar
sahhaar
كرم2005

الله يسعدك قول آمين الأخ عايش جو ولي من أولياء الله الصالحين ههه
كويس أنهم ما أعتقدوا البركة في ملابسك والا كان يافشيلتاه ههه
هؤلاء نعذرهم لجهلهم وكثر الله خيرهم أنهم على الدين ..
الله يسعدك يالغالي واشكرك شكرا جزيلا لمداخلتك وتعيش وتاكل غيرها ..
دمت بخير ..

هستره
هستره
بصراحه الموضوع اعجبني
بس باقول لكم احد المواقف الطريفه اللي حلصت لي ولكن المتابع لموضوعي بيعرف الاماكن اللي اروح لها ..
مره من المرات كنت استعد للخروج لمكان لاسهر فيه..
المهم كنت في الشقه وولبست ملابسي وكل شي
دخلت دوره المياه ( اعزكم الله ) وكنت لابس الشبشب
المهم خرجت بسرعه و وطلعت ولا ادري عن نفسي الا انا في المكان اللي ابي اسهر وانا لابس الشبشب ..
الا واحد من الاخوان الخليجيين اول ما دخلت يأشر لي على الجزمه حقته ويقول لي شووف وش انت لابس ...
طبعا كان الموقف جدا محررج ووطرريف وطلعت بسررعه وبدت الحداذاء حقي وغيرت المكان...
مع التحيه

sahhaar
sahhaar
albshri
والله يابو الوليد ما انا الا قطرة من بحركم وكل المدة اللي قضيتها بالمغرب لا تتجاوز الاسبوع
انت ما شاء الله عليك منذ 94 م

albshri
albshri
طيب وعندك وحده على الطاير
ندمت عليها كثير...
كنت طالع من كازا رايح للمطار بسافر..وكان معي دراهم مغربيه..واقول وش اسوي فيها.. !!! واشوف ذاك الشايب ..
مسكين وضعيف على دباب ..يالله يمشي والدخنه وراه...قلت خلني اوقفه واعطيه المقسوم بدل ما تروح عليه بالمطار..
وقفته والله وقف..وجلس يدف الدباب برجوله لين وصل عندي...سلمت عليه رد السلام..واطلع من جيبي المقسوم واعطيه
قال شكون...قلت رزق من ربك..ويبكي المسكين ..قلت الله يحفظك...ويمشي المسكين ويطق بمرايه السياره..ويطيح عليه الدباب...وتتعور رجله ....يالله...وش ذي المصيبه....قلت اكيدرجله اتكسرت.....اللي يشوف شكله المسكين..يقول قلم
من ضعفه...شلت عنه الدباب...وهو يقول ما كاين والو...اقول تبي المشفي وهو يقول لا بخير....قمت وعطيته الباقي وزود..وهو راح عني.....
بعدها والله اني ندمت...قلت الله يستر لا يكون صار فيه شي..
بعدين اجيب المواقف المضحكه..بس خلني اغثكم بالحزيني
بحفظ الله

sahhaar
sahhaar
هستره
والله ما تنلام
بس ليش انت مستعجل هالقد ؟؟؟
المهم يالغالي اسعدني مرورك وسلم لي على بورنموث ترا صار لي مواقف كثيرة هناك
شاكر مرورك الكريم ..


خصم يصل إلى 25%