الحمدلله على النعمة
بخصوص الحلوى اخوي انصحك تروح الى بركاء ... تقريبا 40 كم من السيب على الطريق المؤدي الى صحار
اول ما توصل بتشوف لائحة كبيرة مكتوب عليها مصنع بركاء للحلوى العمانية واختار اللي تبي
بخصوص التمشيات في المطر عندك الشواطئ مثل القرم ... الكورنيش.. سوق مطرح ... منطقة يتي وبندر الخيران
ويفضل المراكز التجارية اذا زاد عليكم المطر مثل السيتي سنتر والبهجة ... عندك سينما الشاطئ فالقرم وسينما البهجة في مركز البهجة .... وبالليل عليك بقهوة المكان مقابل السيتي سنتر وجنب مجلس قناة الكاس ..جلسه حلوة يلتم فيها الشباب من كل دول الخليج ... خذلك لفه على منتجع بر الجصة "شانغريلا" ... ايضا بالليل يفضل تروح مطعم كارجين في مدينة قابوس ... جلسات رائعة وتقدر تحجز لك خيمة مع ربعك ...
اوقات ممتعة

عندك سوق مطرح الشعبي، لا تفوتونه عالكورنيش، عندك الجامع الأكبر، عندك شانغريلا بر الجصة، عندك وادي بني خالد "ساعتين من مسقط"، وعندك مقاهي منطقة شاطئ القرم وخصوصا عند مركز جوهرة الشاطئ ومركز بريق الشاطئ مافيها شي غير المقاهي العالمية، وعندك سوق السيب وسوق الخوض ، توقف سيارتك اول السوق وتمشي وعلى يمينك ويسارك اسواق صغيرة صغيرة يم بعضها كانها تشاينا تاون، واخر سوقين ذكرتهم بالمرة روح شوف زينة خليجي 19 فيهم

أقترح تروحوا تزوروا الأودية اللي هبطت جراء نزول المطر و تأخذوا عدة الشوي و ياكم
بتكون رحلة ممتعة
اتمنى ان مكشكلتكم انحلت ..و قدرتوا تتمشوا زين
سلامي^_^

تسلم يمين كل من كتب بهالموضوع ..اخذنا بشوركم وعافاكم ربي ..واذا امكني ان شاء الله احط صور للرحلة
الشكر لكم جميعا ومبارك عليكم الكاس
little lulu
سكنت على شورك في دلمون ,,,وياويلك مني ؛)

online
فيه احد ضربك على ايدك وقالك تسمع شور الحريم لا وبعد لولو الصغيرة ههه زين ما شارت عليك مرح لاند بالقرم
امزح معاك اخوي تقبل تحياتي

online
يحليلهم الحريم ويش فيهم
اصبر انت بس ....بنتعاون عليك أنا و مسقطية :112:...ما أظن في حريم غيرنا فالبوابة
ااخ عااد لا تقول مرح لاند ..إلا هذه الحديقة...
ههه تقبلنا مزاحك خيو ..
سلامي