السلام عليكم جميع الاخوة والأخوات بالبوابة
كثير من الاعضاء لما يفكروا بالنزول لسوريا أول سؤال يبحثوا عنه هو السكن :11_horrorوغالبا السكن يعتمد عليه نجاح الرحلة بمعدل 80%
فيبدأ العضو سؤال من حوله او من سافر عن اماكن السفر بسوريا وتبدا سلسلة من الاسماء...
لكن هل اسماء المناطق تناسب الشخص؟
يعتمد الاخ على المنطقة وينزل ليتفاجا اما انها لاتناسبه كعائلة اوانها غالية عليه او أو أو
لهذا فكرت أن اضع لكم رؤوس أقلام عن المناطق بدمشق وريفها لكي تسهل عليك اختيار طلبكم
بالبداية دمشق مدينة عاصمة سوريا لهذا تجد فيها كثافة سكانية عالية للأسف فلا تستغرب ان تجد من كل القرى والمحافظات والاقليات
وتسمى دمشق بالعامية الشام ...فلو احد قال لكم رايح الشام يعني رايح دمشق:bounce8:
اسعار السكن بالشام تتفاوت بشكل كبير وحابدأ معكم من أجملها وأغلاها بالتدريج
المنطقة الاولى يقصدها السياح بس بريف دمشق منطقة بلودان شمال دمشق وهي منطقة جبلية هواءها بارد بالصيف وشتاء فيها ثلوج على ارتفاع 1550 متراً فوق سطح البحرالمنطقة مليئة بالمطاعم والسوق والمنتزهات والفيلات والشقق والفنادق متل فندق بلودان الكبير وجوليا ومانويلا باعلى الجبل
الاسعار تتراوح حسب الفيلا او الشقة وموقعها انما بيتراوح بين 5000 ليرة باليوم ل12 الف ليرة باليوم الاسعار
تعتبر الأغلى لان معظم المتوفر فيلات وفيها مسبح وناطور عند الباب
من بلودان ننزل لسهل الزبداني وهو موقعه تحت بلودان واسعاره اقل بشوي من بلودان
وبنفس الاتجاه بتمر على مضايا ونبع بقين وبحيرة زرز وهدول اسعارهم معقولة اكتر من بلودان والزبداني
وبمضايا متوفر سوق منوع فيها بس اسعاره اغلى من اسواق دمشق
بنفس طريق شمال دمشق باتجاه الشمال الغربي بتمروا على عين الفيجة وعين الخضراء وهي مناطق مليئة بالمنتزهات الشعبية والمطاعم والاراكيل وأسعارهم معقولة
وبعدها بالطريق اتجاه دمشق ممكن تمر على منطقة الصبورة وقرى الأسد
وهدول من اغلى المناطق السكنية لاهل دمشق وهنيك غالبا يسكن المسئولين او العائلات الكبيرة والمنطقة كلها فيلات واجار الفيلا فيها باليوم متل اسعار بلودان
بعدها ندخل بدمشق من طريق المزة والمزة فيها 4 اقسام
فيلات شرقية
فيلات غربية
وفيهم السفارات والقنصليات
اتوستراد المزة وفيه مطاعم وكافيهات كتير وعدة جامعات ومناسب للسكن العائلي جدا والاسعار فيها بتتراوح بين ال3500ل7000باليوم وبنهايتو موجود هوتيل الشيراتون
مزة شيخ سعد وهي منطقة شعبيةجدا واسعار الاجار فيها بسيط
المناطق التالية تعتبر بمستوى متقارب الاسعار فيهم ويصلحوا للسكن العائلي
والاسعار فيهم تتراوح بين 3000-5000باليوم
أبو رمانة - المالكي
الميسات - المزرعة - شارع برنية وبساحة الميسات في مجموعة مطاعم وكافيهات وتعتبر من افضل المناطق تناسب السياحة العائلية بسبب موقعها وسط البلد وقربها من الاسواق الصالحية - الحمرا
العدوي - شرقي التجارة - بنايات برج الروس - القصور وهون قريبة من اسواق القصاع - باب توما وبيبقوا فاتحين يوم الجمعة وبيسكروا يوم الأحد
كمان في مناطق الزاهرة - الميدان - وهي للعائلات المحافظة جدا منااسبة والاسعار فيها متفاوتة حسب مستوى الشقة
للاسف ما لقيت ولا صورة عالنت هنيك واضحة
نتابع بدمشق
هي صار عندكم فكرة عن اغلب المناطق المناسبة
وبقية المناطق بتعتمد فيها على مستوى الشقة الا انو في منطقة مساكن برزة - - حي تشرين هي المناطق غير مناسبة ابدا لسبب بسيط انها كلها شقق مشبوهة وهنيك باختصار يتواجد كل انواع الاستغلاليين

بالنهاية حاولت وصللكم فكرة تقريبية عن دمشق لسهولة البحث
للزائر
وتحياتي للجميع وان نسيت شي ذكروني وبانتظار اضافاتكم وملاحظاتكم