الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ساره2007
22-08-2022 - 04:29 am

مرحبا الشيوخ
شلونكم شخباركم يا اهل الرياض . .
فزعتكم تكفون ، ،
انا من قطر ، ،
واول مره ابزور الرياض . . دايم في الشرقيه . .
المهم . .
ابي احسن محلات الكاكاو الي عندكم ، ،
و التوزيعات والحلاو ، ،
واشياء غريبه وتوزيعات للاعراس . .
.
.
.
.
.تكفون . .
حطوا لي كل الاماكن الي تطرى على بالكم . .
و موقعها لو تتذكرون ، ،


التعليقات (9)
lipstick
lipstick
حياك الله حبيبتي
فيه عندك شارع الثلاثين فالعليا كله محلات شوكولا مرا حلوا يعني ماراح تتعبي كل المحلات تقريبا عندك في هذا الشارع
تحياتي

ام نواف ونورة
ام نواف ونورة
اهلين عزيزتي ,,
حياكم الله في الرياض يالغلا ,,
محلات الحلويات العجيبة عندك لتين وموقعه شارع الثلاثين ,, خلي الفيصلية على يدك اليمين لفي مع الاشارة يسار ,, لمحل بيجيك على اليسار ,, الكيلو ب 170 ريال ,, والطعم خيال ,,
جوي حلو برضو وهو بعد على الثلاثين لكن بيجيك على يدك اليمين بعد الاشارة ,,
وجنبه بشوي محل مرينون ,, وفيه محل اسمه عسل وسكر عند مخرج 15 او 14 بالضبط مو عارفة ,,
فيه محل هارت تو هارت في مركز نجود خلف فندق الانتركونتنينتال ,,
فيه محل اسمه ببلرز poplars في الفيصلية فوق جوى هارفي نيكلز بالدور الثالث اعتقد ,,
غير باتشي وانوش على شارع التخصصي
هذي اللي تعجبني وفيه غيرها كثير ,, عندك شارع الثلاثين مليان محلات حلويات مختلفة ,,
منورين

معن @ الرياض
معن @ الرياض
ننتظر أهل الخبرة في الاعراس يردون ...
وذا ما حصل نسألك أن شاء الله

نوف2008
نوف2008
حيا الله اختي ساره
هاه بشري عساه توزيعات عرسك
شوفي كل البنات ذكرو اغلب المحلات وخصوصل بشارع الثلاثين ركزي عليه خليك فيه لمدة يومين لان المحلات مره كثيره
وفي محل بطريق الملك فهد ببناية الملك عبدالله محل اسمه البينا مره ممز وذوق
وبعد في درة الصالحيه بطريق الملك فهد جنب المملكه في اشكال وتمريات وحلويات عجيبه

مهند
مهند
حيالله سارة نجمة البوابة العامة
شرفتي بوابة السعودية
وتشرفين الرياض وهذي الساعة المباركة
عاد الله يعينكم الرياض كبيرة وبتتعبون بزيارة المحلات
لكن مثل ما قالوا الاخوات ممكن تركزون على الشوارع الشهيرة
مثل شارع الثلاثين
وهذا واضح لأنه مقابل مبنى الفيصلية تماماً
وفيه شارع ثاني عليه محلات حلويات كثيرة اللي هو التخصصي
بعد شارع معروف ومشهور وقريب من الثلاثين
ومحلات الحلويات كثيرة جداً في الرياض بكل حي عشرات المحلات
أشهر محلات الحلويات عندنا
طبعاً باتشي معروف وشوكولاين
وفيه محلات حلويات منوعة مثل القباني
وسعد الدين وجهينه وغيرها كثير ...
بالنسبة للأشياء المتعلقة بالأعراس
تلاقونها أكثر بمحلات الورد والهدايا

فتاة الخليج
فتاة الخليج
أهلا و سهلا بك يا ساره في الرياض
شرفتينا
عندك جوي رائع هو موقعه في شارع الثلاثين
و عندك لابونير و شوكلاين في طريق الملك عبدالله كمان رائعيين
موفقه

قضت الاسامي
قضت الاسامي
حياك الله في الرياض
هارت تو هارت في نجود حلو مرة وتقريبا هو الاغلى روحي له اخر شيء
مري شارع الثلاثين كله بتلقين كل المحلات جوي ، واو ، سو ...
الله يعينك واذا تبين شيء معين لايردك الا كيبوردك ..
عاد هالايام انا خبرة عندنا نفاس وقلق

مجرم سفر
مجرم سفر
حياك الله سويره
منوره وحياك الله بوطنك الثاني بأي وقت
ذبحتك الحلويات انتي شوي شوي
دام الطاري عليها .. يوم الجمعه الماضي مريت محل جنبا اسمه ملك الحلويات بحي المروج على نفس شارع الخطوط السعوديه
عنده الكنافه والاشياءالي زيها الخرابيط هذي

حول بس مركز
حول بس مركز
عسل وسكر لايفوتك وهذا رقمهم
4452277


خصم يصل إلى 25%