ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Abo Halah
12-11-2022 - 10:55 pm
السلام عليكم
انا موجود في كولا من يوم 14-12-2008 واشوف التجهيزات في الاسواق والمحلات والفنادق لعيد الكرسميس وحقيقة تعجبت كثير من هذة الاستعدادات في دولة اسلامية
وكنت ناوي اكتب تقرير بعنوان
" استعدادات مميزة لدوله اسلامية لعيد المسيحية"
بس الي خلاني اكتب هذا الموضوع اني وانا راجع اليوم من الوندر لاند الساعة 10 م اخذت تاكسي وقلت له ودني لفندق الجي دبليو ماريت
قال لالالالالالا
قلت ليش
قال زحمة
قلت يارجال بسيطة كل يوم زحمة
قال لا اليوم غير
المهم انا وياه لين وافق يرجعني ب 50 رينجيت ( طبعنا انا رحت العصر بالمونريل والقطار ب 1.2 للمونريل و 2.2 للقطار ارخص ) بس الرجعة تعبان وقت التاكسي اسرعوكان الطريق ممتاز مافية زحمة الى ان وصنا منطقة التايم سكوير بدت الزحمة وانتظار في انتظار لين مليت واشوف محطة المونريل لي قبل التايم سكوير قلت له بس وقف ونزلت ومشيت للمحطة ودفعت 1.2 رنجت ركبت المونريل وخمس دقائق وانا في شارع العرب وانظر تحت ولا زحمة مهب طبيعية
نزلت من المونريل والله لا يوريكم وش شفت
شفت العجب العجاب الهبال الهبال
اتركم مع الصور

والى الان مستمر الهبال وانا اكتب لكم هذا التقرير انظر من غرفة فندق الماريوت
باقي الصور بحملها لكم بكرا
ان شاء الله
الحقيقة انا استغرب ان يتم مثل ذلك في دولة اسلامية


التعليقات (9)
بوكا2
بوكا2
مشكور على المجهود الطيب ...
و الله يهنيكم و رحله سعيده ...

مـزون
مـزون
لا حول ولا قوة الا بالله ...
الصراحه شي غريب وزحمه مو طبيعيه..
عموما ماليزيا صحيح هي دوله اسلاميه بس فيها كذا طائفه والمسيح وايد

blues11
blues11
اخوي انا راح اطب ماليزيا تاريخ 1-1 يعني اتهقه شنو راح يصير بشارع العرب بهالتاريخ

بندر 999
بندر 999
لا تستغرب اخوي من هالتصرفات لأن الأغلبيه هم من الشعب الصيني وهم اللي مسوين هالزحمه لكن الشعب الماليزي المسلم مااتوقع إنه يحتفل بعيد المسيحين ... وسبب تخريب سمعة الشعب الماليزي هم الصينين .... وحتى الهنود لهم نصيب من الاحتفالات ....
ومشكور أخوي على هاللفته للشارع العربي في ماليزيا ....
لكن الله يبعد الصينين عن ماليزيا ... قولو آآآآمين ...

alkuwaity
alkuwaity
الله يعطيك العافيه علي النقل الحدث مباشر
وان شاءالله ربك يعز الاسلام والمسلمين ونقضي عليهم

طالب القرب
طالب القرب
السلام عليكم .انا استغرب من كلام كاتب الموضوع ان كيف يشاهد الامور في دولة اسلامية .يا جماعة انا سافرت الي ماليزيا اكثر من 5 مرات ولم اشاهد شي مميز يجعلني اقول ان ماليزيا دولة اسلامية انا اعتقد ان ماليزيا مغربة كحال دول كثيرة اسلامية.فلا نبالغ كثيرا في هذا الامر ,وللعلم اثناء وجودي هناك من النادر ان اسمع الاذان .لكن اصبح مشهور عند الناس ان ماليزيا دولة اسلامية.

مجنن هوليوود
مجنن هوليوود
خ مساكين يحطون بخاخات ثلج ماعندهم ثلج زي اوربا ومشكور بالغالي

الكرزة
الكرزة
احنا الان في ماليزيا في فندق تريدرز ورحنا شارع امس الليل واليوم ايضا شارع العرب وفعلا كانت الزحمة خيالية وفضيعة لدرجة الاختناق كنك في حج وفي وسط هذا التجمع لاحظنا نظرات الاستحقار البشعة لنا بشكل فظيع الكل يطالعني من فوق لي تحت بعباتي وزوجي الله يحفظه ودهم يضربونه الصراحة ماتوقعت ماليزيا تكون بهشكل

sami195
sami195
من الطبيعي حدوث مثل هذه المظاهر في دول خارجية وحتى وان كانت اسلامية
ولا تروح بعيد حتى في بعض دول الخليح تجد مثل هذه الأمور
والحمد الله على نعمة الاسلام
وسع صدرك ولا عليك منهم
تحياتي


خصم يصل إلى 25%