اصـيـلــه
13-12-2022 - 12:24 am
السلام عليكم ورحمة الله وبركاته
كان بودي اكتب التقرير من رجعنا من مصر بس كانت حالتي النفسية مش والا بود لاني رجعت من مصر وتركت مصر وانا بهالحال لسا حالتي تعبانة وودي ارجع بس ان شاءالله جريب..
طبعا انا هذي الرحلة تعتبر الولى لاني رحت من قبل وكان عمري 3سنوات يعني افتكر الصور بس..
وندخل بالموضوع
حجزنا على الطيران المصري والتذكرة كانت بحدود ال175دينار بحريني..
وكلمونا بنفس اليوم وخبرونا ان الطيارة تغيرت لان كبروها فتغير الوقت وتاخرت ساعة هي ساعة بس اناتضايقت لاني كنت مشتاقة لمصر عموما رحنا المطار والحمدالله تيسرت امورنا وركبنا الطيارة..
وكنا مجموعة والحمدالله ماقصرو كنا قاعدين قريبين من بعض والمظيفات كانو خدومين واسلوبهم حلوو وصحيح اللي قال حسيت اني دخلت مصر من دخلت الطيارة..
وانا من نوع اللي اتعب فالطيارة وادوخ بس الحمدالله ماتعبت كثير بس بآخر ساعة شوي تعبت بس رااح كل هالتعب من هبطت الطيارة..
ونزلنا وخلصنا الجوازات وكان فنتظارنا اصحاب ابوي مصرين ورحبوو فينا بحرارة وركبنا الميكروباص اللي ماجرينا لنا يكون برفقتنا طول الرحلة وكان بين الميكروباص وبين الفان وكانت السيارة جديدة ونظيفة والحمدالله توفقنا فيها وحتى السايق كان محترم وحليوو..
وصلنا الشقة وكانت حلوة وعلى النيل والمنطقة حلووة وامان,, طبعا كانت على النيل.. وصلنا الشقة ورتبنا اغراضنا وتعشينا ونمنا..
قعدنا اليوم الثاني وكانت السيارة واقفة فنتظارنا جهزنا ونزلنا احترنا نبتدي من وين بس اخترنا حديقة الحيوان عشان الاطفال..
نزلنا وياريتنا مانزلنا كان الجو حار والمكان ماكان على ذوقنا خذنا جولة سريعة ومشينا..
وبعدها رحنا كزينو او مطعم على النيل وكاان حلوو نفس اللي فالمسلسلات
واكلة بعد حلوو.. والاحلى جو النيل..
وبعد كذا رجعنا الشقة عشان نرتاج شوي واللي تعب منا يبقا والباقي رحنا على شارع جامعة الدوول..
تسوقنا شوي وبعدها رجعنا الشقة..
بالليل رحنا مع الستي ستار.. وصراحة ماعجبني نهائيا كبير واسعارهم غريبة جدا مع ان هالمحلات عندنا والاسعار غير بس مادري..
كنا بندخل سينما بس مالقينا موعد يناسبنا.. بس احلى شي الطريق لستي ستار كان الجو راايق وتقريبا مافي زحمة لان جمعة..
وخلصنا من المجمع ورجعنا الشقة ننام..
باحاول انزل صور ان شاءالله المرة ياية
ابي اشوف ردود عشان اكمل او مافي تجاوب..
رحلتي الى مصر
دمت بود