1. السلام عليكم اخواني في الله

السلام عليكم اخواني في الله

راح ادخل بالموضوع مباشرة لعلي اجد الحل عند احد الاخوة الكرام او يدلني على طريقة انهي فيها هالمأساة
اخوكم في الله من دوله عربية لكن انا مقيم بدولة خليجية واعيش منذ ولادتي فيها والحمد لله وضعي فيها كان مستقر جدا ولله الحمد ... كان لي صديق ايام الجامعة بحريني والله ما شفت بطيبه واخلاقه ابدا ... تخرجنا انا اشتغلت بالسعودية وهو بالبحرين وحبينا نكمل دراستنا ماجستير وسافرنا لخارج البلدين ... وهناك كان صديقي يقولي تعال البحرين ... اشتغل ... الحياة عندنا ابسط ورغبني بكل ما تحمله الكلمة وانا لانه اخوي والله ويعز علي كثير ... قلت خلني افكر بالموضوع وارد لك خبر ... جزاه الله خير اخذ هو السي في بدون ما اعرف من جهازي ووزعه على كم شركة ودقوا علي اكثر من شركة وانا متردد بالاخير قلت بستخير والله يكتب الخيرة وطلعت من السعودية ودخلت البحرين ... وارتحت فيها كثير يشهد الله ان اهلها اهل جود وكرم ... واجرت لي شقة واثثتها كاملة ونيتي الاستقرار بل تعدت ذلك بأن نويت الزواج طلبا للعفاف
طبعا وصلت وسلمت جوازي للشركة اللي انا فيها على انهم يخلصون موضوع الاقامه لان دخلت بجوازي بأقامه لمده اسبوع ... كنت وللاسف اقمت لمدة 3 اشهر قبل عيد الفطر وكل ما اسأل الشركة ويش صار بجوازي قالوا المعاملة شغاله بس تاخذ وقت ... وصلت اجازة العيد ابي ارجع للأهل طلبت جوازي قالوا اوك ومن هالامور لدرجة ما باقي على السفر غير كم ساعه بالاخير قالوا ان مخلص المعاملات الجزاز معاه ووبيقابلك بالمطار وفعلا قابلتع عند جوازات المطار وسلمني الجواز وسافر
المشكلة الحين ان يوانا راجع لقيت علي بلوك ................... والسبب اني 3 شهور اقامة بطريقة غير نظامية !!!! شلون وكيف انا تابع هالشركة وو و و وهذا العقد معي قال ما سولك اي شي وعطوك بلوك من دخول البحرين ... يا رجال وحد الله عندي شقتي وكم شهر بتزوج وغيره ... قال والله ما تقدر تدخل لانك بلوك ... ويش السوات !!! واخوك يرجع من المطار
صديقي حاول ووصل لواحد من الشيوخ وكتب رساله يشيلون البلوك ... السؤال الحين الموضوع له حدود الشهر وللحين ما صار شي ... هل فعلا يصير هالنوع من التأخير ؟؟؟؟
والسؤال الاهم انا عفت هالشركة وبكل صراحة ابي اقاضيهم شلون ... يعني كنت كافي خيري شري ازور صديقي ازور البحرين الحين ولا شي ....
رجاء لو كان احد عنده معلومات يفيدي لا هنتوا
تقبلوا خالص ودي