سوريا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
target1
07-12-2022 - 11:06 am
كل عام وانتوا بخير للجميع نساء ورجالا كبارا وصغارا
وعدتكم صورلكم الاماكن يلي زورها وانا عند وعدي صورت لما طلعنا بالعيد بس ما ئدرت صور كتير الا الارض السعيدة لانو ماحدا فاضي ينتبه لحدا اما بائي الاماكن اخطف صورة سريعة مواكتر
اليوم الاول طلعنا الارض السعيدة على طريق المطار والمشوار حلو وغليظ نفس الوئت العاب الصغار بسهولة توصل لها اما العاب الكبار لازم تنتظر على دور طويل وممل وخاصة سيارات السباق تكسروا رجلينا ونحن عمننتظر وطبعا انا ما ركبت
المهم حبلش لكم بكم صورة كرمال عيون عيوش لانو قرأت انها ما بتحب صور الطريق فانا صورتو لهاهي اعضاء الرحلة اولادي ال2 ماشاء اللهوحاترككم هلا مع صور الالعاب مشان يلي بيحب ياخد فكرة عنهم
الالعاب بتناسب اما اعمار صغيرة متل اولادي او اعمار كبيرة متلي بس لاعمار 10 و12 مافي بصراحةهون بنتي واقفة تراقب اللعبة بالاول لتتطمن انها للصغار ههههي للكبار طبعاوهي لعبة بيركبوها شباب وصبايا وبتسمع صراحخ الاتنين هههيتبع


رحلتي الى سوريا
التعليقات (9)
smartdealer
smartdealer
تقرير رائع
متى الجزء الثاني

target1
target1
هي كان مشوار اول يوم العيد بس كان ئبلو في مشوار مائدرت صورلكم كتير وهو رحنا تعشينا بمطعم الخوالي بسوق مدحت باشا بالشام القديمة وهالمطعم ما بمل الروحة عليه
ما ئدرت صور كتير لانو المطعم صغير والكل بينتبهالخوالي بعتبره هو والبيت الشامي من اطيب المطاعم وانظفها يلي بروح عليها واسعارو مرتفعة عن غيرو بس بيستاهل وحتشوفو هنيك صور الرئيس بالمطعم والخدمة فيه ممتازة اولادي جننوني بالطلبات يومها وهنن يتحملوهم وبكل سعة صدر يبدلوا ويغيروا بينما بغير مطاعم متل مطعم السلام بالربوة كنا هنيك مرة وغلبوني الاولاد فصاروا يتاففوا ما عجبهم:112: بينما هدا كان العكس تحملونا
باقي اعترفلكم اعتراف خطير وماكنت حابة بس امري لله اني رحت فطرت بست الشام واول ما فتحت المنيو شفت مكتوب فتة نخاعات بالصنوبر فما قاومت وطلبتها وصورت صورة سريعة بس خطف كانت وصور كاميرة موبايلي غالبا بالمطاعم يلي فيها لون احمر بتعكس هيك
ملحوظة صغيرة وانا طالعة من ست الشام شفنا الممثل سامر المصري ابو شهاب جاية يفطر بالمطعم وسلمت عليه انا والاولاد وسلم عالصغار سلام حلو كتير فئلتلهم لاولادي عرفتوا مين هدا ئالولي اي رفيئه لابو شهاب
وبس خلصت الصور يلي عندي واي صور جديدة حنزلها لكم مباشرة

عز الرفيق
عز الرفيق
كل عام وانتي بخير.
ومشكورة على التقريرالجميل.

smartdealer
smartdealer
الله يسعد مساكم
التقرير حلو بس ماشفنا الثلج ؟ والا ماكان نازل لسه
احس العيد بس مطعم بسوريا خ
تحياتي

رواف 999
رواف 999
مشكورة على التقرير وربي يخليلك اولادك ويحفضهم انا ابي اسئلك ايهم احلى مطعم الخوالي او البيت الشامي او بوابة دمشق وانتي ماتوبي من اكل النخاعات

ابن سينا
ابن سينا
تسلم ايديكي على هالتقرير الجميل والصور الأجمل وكل عام وانتي وكل من يعز عليك بخير وصحة وعافية وربي يخلي لك اولادك ويتربو في عزك ودلالك يارب

ابوالشهيدين
ابوالشهيدين
كل عام وانتي بصحه وعافيه والاولاد وابوهم بخير وسلامه
العيد هو عيد الاطفال فقط هو فرحتهم وبهجتهم
اختيارك موفق لمطعم الخوالي بس عيبه مثل ما حكيتي سعره شويه غالي عن بعض المطاعم الاخري

سعيد الحمادي
سعيد الحمادي
الله تقرير جميل
لكن
أسوأ خاتمة للموضوع على مستوى العالم:112:
يعني قفلوا موضوعك اللي أثار المشاكل
وانتي باقي فرحانة باكل النخاعات
لا وفي العيد كمان
وفي الصباح الباكر
على فكرة سامر المصري من رواد ذلك المطعم وسبق أن قابلته يتعشى هناك لكن ماريحوه المعجبين

احلى من العقد
احلى من العقد

يا سلام واخيرا نزل شي جميل ... يعطيج العافيه يا تارجوته وناطرين المزيد ...
وصورة الشارع حلوه


خصم يصل إلى 25%