البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الماسة السوداء
14-10-2022 - 11:41 am

مع حلول فصل الشتاء الي نتريا جيته على احر من الجمر
فان اغلب العوايل البحرينيه تتريا موسم التخييم في منطقه الصخير لنصب الخيام والاعمال الشاقه في التحفر والتطقطق والتنافس في حجز المناطق الزينه والي مافيها حصى>>ويه ابوي
وبمجرد الاعلان عن الموسم تلقى البر يعج بالرجال والنساء والاطفال
كل من شايل قشه وياي يحوش ..الحق ماتلحق
وطبعا غير برنامج اليمعه مع الاهل في الخيمه والشواي اخر الليل يمي يمي
في برامج ثانيه سواء حق شباب ولا اطفال ولا كبار
وحاليا الويك اند او الاجازات ماشاء الله ينترس البر بالناس
ولما تبتدي عطله الربيع اتوقع ماتم بقعه ارض خاليه
وللي يحب هالاجواء على فكره في خيام للايجار واغلبها شغل عدل ومجهزه بكل شي
واعلاناتهم تارسه الجرايد والمجلات ومنهم الوسيط...
هذي جولتي لكم وان شاء الله تعجبكم
اول شي وصلنا لمخيم القلعه لتاجير الخيول والبوني والمكان حلو حق الياهال
ومكانهم باول الصخير يعني مو داخل مقلقص عند الزحمه

مصلي

حمام عزكم الله

وهذي محلات مثل بقاله او كوفي شوب

تابع


التعليقات (9)
الماسة السوداء
الماسة السوداء
نواصل
محبوب الاطفال

الوفد البحريني فوق قمه جبل ايفرست خ

خدمات المخيمين فيه مركز شرطه واطفاء واسعاف

مخيم متعوب عليه بالشجرتين
هذي مخيم بعد لتاجير الخيول والبيت الهزاز

جفت الناس زحمه قلت نروح وراهم يمكن يوزعون اكل ببلاش
طلعو الشباب كل واحد يستعرض سيارته وعضلاته >>شدخل خ

محاوله الصعود لجبال الهمالايا البحرينيه

استعراضات الشباب

كل من ملمع موتره
وبعد التفرفر في البراري رجعنا حق خيامنا
هذي مجلسنا

حبذا تتغاضون عن تناسق الالوان خ حق البر كلشي يمشي

عشق الاطفال الابدي
الغوص في اعماق التراب >>اخذو التسبح بعدين اهي حشرات وديدان وحيايه تطلع من شعورهم خ

وبعد تجمع الشابات والشباب يصير التنافس على الفوز

ياكثر مايغشون الشباب
وفي الاخير من غشنا ليس منا
وبتدى وقت اشعال الفحم

الوالده الله يطول في عمرها يابت بوفروه ...حمبصيص ...كستناء >>جميع اللغات خ
وحطته على الفحم وكلناه مشوي يمي يمي

عده الشواي

اصياخ التكه

وسمحولي عند البطون تعمى العيون
حذفت كيمرتي ودبيج على السفره
اتمنى تقريري السريع يعجبكم وان شاء الله اي صور اخرى في الايام المقبله
راح احطها في هالموضوع يزعم ابديت على الموضوع

ابوحمد.
ابوحمد.
مشاء الله خوش طلعه الله يعطيج العافيه الماسه السوداء
منطقه الصخير هي الوحيده فيها بر؟
وانا لاحظت المكان مزدحم حيل الخيام شبه قريبه لبعض هل هي منتزه يعني ؟ او مخيمات للايجار؟

الماسة السوداء
الماسة السوداء
مستر كويتي
الله يعافيك اخوي
ومنطقه الصخير اهي الوحيده المسموح فيها بالتخييم
وارض الله واسعه مكان ماتبي تخيم حط خيمتك وانصبها تبي قريب من المخيمات ولا بعيد براحتك
والتخييم يعتبر عندنا مثل المنتزه خصوصا بالويك اند
وعطله الربيع بشهر فبراير
وعموما تلقى ناس تخييم من نفسها باخيامها وناس تستاجر خيمه بالملاحق اذا ماكانو دايم يروحون
يعني انت والي تفضله والي اخبره انه اسعار المخيمات للايجار على 25 دينار وفوق لليله على حسب مميزات كل مخيم
من تلفزيون وستلايت والعاب بلي ستيشن وغيرها وهم فيهم مطبخ وعزك الله حمام واسره للنوم
وحياك الله

نوف2008
نوف2008
ماشالله روعه ورحله ممتعه
بس الجديد عندكم العاب الاطفال والنطيطات .. حركه
احنا مخيمات ودبابات وتطعيس

فاررسه
فاررسه
وانا اقول وين ماسووه هاليومين اثاريك طالعه للبر
حركات والله يجنن ماشاء الله عليكم عليكم بالف عافيه شكله الجو ولااحلى منه جونان وصورك واضحه مثل عين الشمس
تسلم الايادي حبيبه قلبي

الغالـــية
الغالـــية
هلا والله بالماسة ومواضيعها الحلوة ...
كل شتا وانتي بخير ...
تقرير جميل وممتع وحيوي ... وشامل ماشاء الله ...
بس كسر خاطري المونكي اللي في القفص ...
ألف ألف شكر لج حبيبتي ... والله لا يفرق جمعتكم ... ودوم مجتمعين في الفرح ...

الماسة السوداء
الماسة السوداء
نوف
هلا حبيبتي منوره الموضوع واحنا برنا بتاع كلو تلقين ناس فارشه البسطه وتبيع اكل وناس فارشه يزعم كوفي شوب ومحلات ثانيه تبيع وتصلح وتسمكر مابقى الا صالون للحين محد فكر يفتحه خ
والتطعيس ماقدرت اروح يمه خفت على سيارتي ...شوي الا واحد مضيع وكافخني ذيج الحزه اشبينفعني التصوير خ
فروس
هلا وغلا حبيبتي
اي والله كل ويك اند اطامر في البراري جني غزال شارد خ >>ياخوفي الا فيل يتدربح خ
تغيير جو ويمعه الاهل والجو الحلو
يبيلج تمرين تجوفين الاجواء البريه عندنا
الغاليه
حبيبتي حضورج ومتابعتج اهي الجميله
ولايقص عليج المونكي يزعم يسوي تمويه خ رحت يمه زين مامقر يدي اسود الويه خ
والله يعطيج العافيه على المتابعه المستمره والتشجيع الفعال

مـزون
مـزون
الماسه تسلمين عالتقرير الخفيف و انه خبري فبر البحرين من 4 سنوات >> وحشني
بس محد يشجع اذا تشجعو راحو النعيريه >> اخر الدنيا عشان بر والله حاله
عليكم بالعافيه والله لايغير عليكم جمعتكم الحلوه

..كوكو شانيل..
..كوكو شانيل..
ما شاء الله رحله روعه
واحلى شي البوفروه والشوي خ
عاد احنا كلش ما نحب روحة البرر
يعطيك الف عافيه حبيبتي


خصم يصل إلى 25%