طبعاً وقفنا مع رجعة الشباب وكان الوقت تقريباً أبو 9 بالليل ... أول ماوصلو نط عصويد يشيك على المقاضي ( بطنه وخابرين وش يبي ) قعد يشيك لين لقى الأمور 100% ولا فراخ الجمعيه .... الشباب ماشاءالله عليهم كل قام يساعد بالتنزيل أول ليله ولعى بلاهم شقرديه .... عاد albinsaad صاكه راسه ويبي خلاص ومافيه .... مالقى غير هالسكري وماله غيره المهم أننا أرغمناه على السكري ... تقهوو الشباب اللي راحو يجيبون المقاضي ... وقريب من عندنا فله وشكل اللي فيها ثلاثه لأنه حسب مخبرينا DeLaila والزعيم ... وكل شوي واحد طالع وواحد داخل .. وصوت الستريو يلعلع شكلهم توهم مشترين سي ديات وفرحين بهن ... المهم farbf صكه راسه من هالأصاوت .. قال بقوم أهاوشهم (يحسبه في بيتهم) قلنا وين وش تبي كل واحد يغني على ليلاه ... لا يكفخونك الحين ماحد منا راح يساعدك .. أنثبر بس ... والله وجت الساعه 11 الا والله DeLaila والزعيم موب عندنا ... وينهم يمين ويسار .. راح عصويد و bagus يدورونهم ولا جو ... راح اخطبوط اندونيسيا و ya-mas وأثر الدعوه مسنترين عند الفله اللي جنبنا وعالم تناقز ... خير أن شاءالله يالله ارجعو .. عاد تحسبونهم عطونا وجه .. والله ولا جابو خبرنا ... بس بيني وبينكم لو ماهاوشني Awal_7abib كان مارجعت ... ودي اجلس ... قلنا ماعلينا منهم .. بس راح يطالهم عقاب ... ووكلنا كل من المرهف و majed بأصدار عقوبات صارمه عليهم ... واولها مايذوقون المشوي حقنا ... بكرا .... والفله بتتقفل لو جت 12 وهم مارجعو ... غير بكرا وش بنسوي فيهم ... طبعاً راحو الشباب لمهم وخبروهم ... بس الحمدالله طلعو راعين الفله الثانيه نشامى وطردوهم لأنه بهالطريقه راح يلزقون بهم لحد بكرا وبينامون عندهم .. رجعوا الشباب وجاهم من farbf و الباقين تهزيئ يحبه قلبكم ... كل راح لغرفته ومن التعب قلنا بنام .... طبعاً السواقين راحو لبيوتهم لانهم من سكان الجبل وواعدناهم الساعه 7 يجون عندنا ....
اول صباح على أحلى جو ماشاءالله تبارك الرحمن ... ضباب وبراد ورذاذ بحق جو يرد الروح .... أول من صحى الشيبان عندنا farbf و albinsaad و ya-mas و صحينا اللي في فلتنا majed و المرهف ... ولقينا الشغاله على الموعد وهذا كان الساعه 7 تقريباً ... اول شي فكرنا فيه وش بنسوي فطور علشان الأكاله حقنا عصويد ... راح majed والمرهف يصحون الباقين على بال ما أحنا نساعد الشغاله بتصليح الفطور ... عاد خذ مطاق معهم وتقويهم .. زبايل نوم .. ألا أنه أخطبوط أندونيسيا بحق أسم على مسمى صاحي ماشاءالله عليه وقاعد يصلي ... طبعاً صار مطاق بين الشباب مع DeLaila و bagus و الزعيم .. مايبون يصحون .. أنواع السعابيل والشخير ... عصويد بس قالوله الفطور وهو ينط ذيك النطه ولا أروع ( كينق فو ) Awal_7abib على أسمه حبيب بس مادري ليش فاتح أفمه وهو نايم ... ولقينا فيه أشياء متجمعه وقريبه من فمه ;) ... الله يستر ... على بال ماغسلو واللي تروش وبعدها صلو الفجر .. جو عندنا ... والله وطلع farbf طباخ يحبه قلبك ... راعي شكشوكه بس بتفنن ويحكر الكبده بطعم ولا أروع ... وأحسن واحد يفك المعلبات albinsaad ... فطور يالله لك الحمد ... أحسن من فطور الفنادق حتى والأتريوم ... كل مالذ وطاب وشطة كريستال بعد ...
بعد الفطور قلنا نطلع في الحديقه علشان نتقهوى ونقرر وين بنروح بوجود السواقين ... والله ونشوف راعين الشقه اللي جنبنا .. وفيه واحد منهم جاي لمنا .. قلنا الله يعين البارح راحو لمهم الشباب وشكلهم بيلزقون للآخر ... سلم الرجال .. وردينا عليه .. وقهويناه ونادينا باقي ربعه وهم ثلاثة .. وتعرفنا عليهم ... وصار واحد أسمه saud و الثاني malam و الثالث ابوريما ... ياهلا والله بالرجاجيل الطيبه ... قالو وين بتروحون قلنا والله لحد الحين ماقررنا .. قالو وش رايكم نتخاو لحديقة الحيوان ( تامان سفاري ) قلنا شوركم وهداية الله ... والله أرتحنا شوي يوم جلسو معنا .. حسينا برجولتهم الحقيقة مع أن farbf حاقد عليهم من مسجلهم ... يالله وشغلنا سياراتنا ... عاد الكل طاق الشورة ( هالأوروبيين ) وأنواع الزبرقه باللبس خاصه من DeLaila و majed و الزعيم ... فيها نوع من انواع الشكشكه ... أما farbf و albinsaad ( خط البلده ) و عصويد و Awal_7abib و ya-mas على بالهم متكشيخ وكلهن ولا ب 20 ريال ... والباقين من بايعين الشنطه ... أرخص شوي ....
يالله خلونا نكمل مع الشباب اللي تعرفنا عليهم أن شاءالله في الحلقة القادمه وأنتظرو للي حصل مع الزعيم في الحديقة ... و DeLaila و bagus مغير يمشون ويتعرفون على هالخلق وبنشوف من تعرفو عليه بعد ...
تحية وتقدير