مايحتاج انك اتروح دبي . ابوظبي فيها كل المولات

وش اللي حادك على الترانزيت 15 ساعة !؟

طويل العمر مافي داعي تروح لدبي ..عندك 15 ساعة أنا أفضل أنك تاخذ تكسي من المطار وترتاح في فندق وتيلس تتحوط في أبوظبي .. عند أبوظبي مول .. المارينا مول .. روح قصر الامارات وتغدى أو تعشى فيه مع العلم انه اسعاره غالية بس راح تكون تجربة حلووه ..لا الاستاجار أبدا لاتاخذ سيارة التكاسي معبيه المدنية وأحسن لك..
حاضرين لأي استفسار
تحياتي جريح القلب

NASRRMTR
يعطيك العافية ,, بس كان ودي تفيدني اكثر عن ابو ظبي.
الفضائي
ظروف الرحلة كذا ,,الوصول الساعة 7,30 صباحاً ابوظبي الأثنين القادم والمغادرة من ابوظبي للجنيف الساعة 3,20 فجراً .
جريح القلب
لا خلا ولا عدم ,, ومشكور اخوي وماقصرت ,,بس مافهمت ليش تفضل اني اخذ تكاسي عطفا عن استئجار سيارة ,, والأكيد المولات الي ذكرتها فيها سينمات ,, واتمنى تفيدني بأماكن اكثر يمكن زيارتها في ابوظبي.

أبوبظبي مول والمارينا فيهم سينمات عندك الراحه مول قريب جدا من المطار مركز صغير .. لكن في سينمه وفي فندق كبير وفيه مطاعم حلوه..انتةماراح تقعد اكثر من 15 ساعه فالتكسي احسن لك وعشان ماتضيع ..وتوفر الوقت عليك..روح تمشى على الكرنيش بالليل الجو عجيب رومانسي

ياهلا فيك اخوي
انا اشوف ماله داعي تروح دبي
احجز لك في فندق واذا حاب استاجر سياره براحتك او استخدم تاكسي
الاماكن في ابوظبي متنوعه تقدر تروح المارينا مول رائع وحلاته كثيره ومطاعمه متنوعه وتدخل سينما فيه
واذا حاب تتمشى على كورنيش ابوظبي المميز
وتقدر تمر على ابوظبي مول
او الوحده مول
او الخالديه مول

جريح القلب
اليازي-UAE
الله يعطيكم العافية وماقصرتوا ,, وشاكر لكم افادتي,,, على العموم حجزت في ابو ظبي في فندق الريجينسي ديار,, ما أعرف عن بعده ولا قربه من المطار وعن المولات الي ذكرتوها ,, وأنا فيني الرغبة اني ازور المارينا مول لأن كثير يمدحونه لي بالإضافة لأبو ظبي مول بس ممكن تخبروني عن موقع هالفندق لو عندكم معلومات عنه من حيث قربه وبعده عن امطار وعن المارينا مول وأكون لكم من الشاكرين.