الممل ....الطريق سهل جدا....مايحتاج الملل.... انت طالع من الخبر على طريف الهفوف بحيث يكون مجمع الراشد على يمينك وخذ الطريق مستمر لايمين ولاشمال خط مستقيم.....قرب الهفوف راح تواجهك اشارة بعدها مفرق اما تسير للامام -خط سريع- او تأخذ يسار.... يأخذك داخل الاحساء .....نصيحتي تأخذالخط السريع ولا تدخل الاحساء لانك راح تضيع ووقتك يضيع والطريق به اصلاحات .
اذا اخذت الطريق السريع راح تمشي فيه وبعدين راح تواجهك لوحة مكتوب عليها الامارات و قطر راح تخرجك من الخط السريع بحيث تكون تحته واللفة تكون على اليسار ..... تمشي شوي وراح تواجهك مطبات ومركز تفتيش واعتقد اشارة- مو متأكد- عموما الطريق سالك امامك ان تصل الى دوار ...يمين يأخذك المطار ويسار يرجعك الاحساء انت خلك متجه دائما للامام الى ان تصل خط الأحساء سلوى ...الطريق خطين رايح جاي وبه اصلاحات للتوسعة انتبه في هذا الشارع مليان شاحنات .... طبعا الطريق يستمر بك الى ان يصل بك الى منعطف يأخذك يمين ويكون البحر امامك .....المنظر جميل جدا.....وتقدر تشوف قطر من هنا.... تكمل مشوارك الى ان تصل محطة سلوى للمحروقات .... ريح شوي وعبي بنزين واكمل طريقك ....عدة كيلومترات وتصل الى مفرق-الان به اصلاحات لتحويله الى دوار- ...اذا اخذت يمين راح تروح الامارات انت خلك زي ماقلت لك من البداية خلك بخط مستقيم راح تواجهك مطبات وثم المركز السعودى اذا انتهيت راح تمشي مسافة مو قليلة الى ان تصل المركز القطري لما تنتهي خذ الخط ايضا مستقيم وماراح توقف الا بالدوجة .....والطريق ايضا داخل قطر به اصلاحات..... اتمنى ان يكون الوصف واضح لك....والاخوان اللي عندهم وصف افضل لايبخلوا به