المغرب المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
خالد الاول
11-09-2022 - 11:11 pm
  1. أغادير

  2. ومطعم ماكدولندز الوجبة تطلع عليك ب 45 درهم

  3. ويا غريب خلك اديب


في البداية احب اعتذر عن التأخير لكن صدقوني ثم صدقوني ثم صدوقني وبالصاح ان كنت مشغول بالزاف الى درجة ان عندي شسمه و لا حتى رديت علي شي
المهم نرجع لمحور حديثنا في البداية قررنا نسافر للمغرب وطبعا خذت كل المعلومات من هنا ولكن بصراحه احترنا وين نروح 18 يوم على اغادير واجد
فاحترنا بين ان حنا نروح الرباط واغادير او طنجه واغادير كانت المشكله في الروحه الى طنجه هي المسافه والتكلفة فقررنا ان حنا ناخذ يا سياره او قطاره او طياره على حسب وقت وصولنا والتكلفة
المهم رحت انا ادربي راسي واشوف اسعار التذاكر وقعدت اقارن بين طيران الخليج وبين الامارتيه طبعا السعودية غاليه والخطوط المغربيةي حلوه لانهم يعطونك الرحله الداخلية مجانا بس صراحه ما جربتها ولا اعرف احد جربها فقلت يا ولد خلك على طيران الخليج علشان مافيها توقف من البحرين الى كازا على طول وانا رايح احجز علممني واحد ان حتى في الحجز في درجات غير الي نعرفها حنا السياحية والافق والاولى يعني في نفس السياحية فيها درجت ويختلف السعر واسمها vector او labor يعني في اكثر من نوع ويفرق معاك السعر الى 50 دولار بالراحة المهم حجزنا وعلى فكرة ترى طيران الخليج توفر التوصيل مجانا من السعودية الى ابحرين مجانا ذهاب وعودة عن طريق باصات ومكانا خلف فندق كارلتون المعيبد المهم خذت كل المعلومات من هالموقع وسجلتهم بورقة حتى اني حفظت كم كلمة فرنسيه ههه ايه مو انا قاطين سري ودافنينه تحت برج ايفيل ههه المهم جيت ادربي راسي واخذ كل شي احتاجه الا شي واحد اها قلتوا لي وش هالشي يالله فكروا شي ما يجي على بالكم نسيت فيش الكهرب علشان مكينة ا لحلاقه نصيحة لا تنسون هالشي المهم وادربي راسي وادقوا على الشباب يالله مشينا مشينا هب حنا ف في المطار قبل الرحلة بربع ساعه بس ههه تعرفون كبار الشخصيات لازم ناخرهم شوي
المهم كنا ماخذين ارقام ناس هناك علشان السكن ومكلمينهم من هنا تعرفون لازم الواحد ييضبط نفسه بعدد نروح ما نحصل سكن مشكلة المهم وصلنا كازا الساعه 8 بالليل وانقزز لمحطة القطار طلع القطار يمشي 12 بالليل يعني يوصل طنجه الفجروالسياره تقريبا تاخذ 4 ساعات وفي طياره بتقلع بعد ساعه ونص وقيمة التذكره كانت1100 درهم يعني تقريبا كانت 450 ريال ها شباب وش قلتوا قالوا طياره يالله ما تفرق معانا خذنا طياره ووصلنا طنجه على 11وفي نفس الوقت حجزنا لعودتنا لان العودة راح تكون الة كازا بس يعني خذنا رحله من كازا الى اغادير يعني رحلتين منفصلتين J.
المهم في مطار كازا ومطار طنجه انا الوحيد الي عندي هاند باق يعني شنطة يد والي يفتشون يبون اكراميه وكل ما يكلمني واحد اقوله شكرا او اسوي نفسي ما اسمع لين ما مللتهم واخوياي يضحكون ههه
المهم اتصلنا على خوينا راعي السكن وجاب الساق وشفنا الفيلا فيلا تخيلوا 3 طوابق مو ترمح فيها الخيل الا ترافس فيها الديناصورات ههه فيها طنطعش غرفة نوم واجد مدري كم خذناها ب 1800 درهم بس والسياره مع السواق ب 400 درهم
المهم ثاني يوم قرنا نغير الفيلا لان هالفيلا هذي وحشه شويوفيها بعوض ==نامس==mosqetoوفيها الله يعزكم كلب ههه
المهم شفنا فيلا ثاني طابقين فيها خمس غرف نوم وصالة كبيره وحوش يفتح النفس فقررنا ننتقل الى هالفيلا وخذناها ب 2400 درهم بعد نقاش طويل ادى الىزيادة المودة والترابط بين الشعبين من خلال روح التفاهم المشتركJ :x1:
المهم الفيلا لاي سكنا فيها في حي الغولف كانت مرتفعه شوي ومافيها ناموس بس كان قريب منا مقبرة للكلاب خ لا وشجر وفيها ظل يعني الكلب يقدر يموت وهو مرتاح نفسيا ههه
ومن خلال التمشيات لاي قمنا فيها ان حنا طلعنا على تطوان وتمشينا بالخط وشفنا سبته والجزيرة الخضراء من الطريق ووقفنا في منتجع اسمه اذا ما انا غلطان مارينافي مقاهي على كيفك وسمعت ان اجار الشاليه الواحد ب 30000 درهم لشهر واحد بس بس فعلا الكاميرا كانت ماخذه جو والاشرطه منوعات مسويهم لكم الدي جي شليويح :x1: ههه على كيف كيفكم غلطتنا الوحيده في طنجه ان حنا ما اخذنا فيزا للاسبانيا والا كنت نقدر نروح للاسبانيا بالباخره كانت التذكره تقريبا 450 ددرهم ولو فكرنا نتاذخها من المغرب راح تاخذ وقت كثير وخطتنا كنت 6 ايام في طنجه فقط لا غير
ومن الاماكان الحلوه بعد مغارة هيرقل وقت الغروب فعلا منظر ولا اروع منه ومكان ثاني بعد وهو ملتقى المحيط الاطلسي بعد البحر االابيض المتوسط
باختصار انطباعاتي عن طنجه
مدينة هادئه فيها البساطه مافيها مشاكل اهلها طيبين وجوها حليو مو حلو مثل اغادير

أغادير

المهم قبل لا نطلع من طنجه قررنا ان حنا نسكن في فندق كرم الجديد او فندق اماديل فاختاروا الشباب كرم الجديد بما انه فندق جديد وخذنا الغرفة ب 650 درهم وفي نوعين من الغرف يا كبير فيها جلسة صغيره مره او غرفه صغيره بدون جلسه ويفرق بينهم 50 درهم اما الجانح السويت صراح ما يسوى ريال والا بيشوفه بيعرف ليش ما علينا نرجع لمحور حديثنا
اغادير مدينة فيها حركه بكل وقت جوها من احلى ما يكون الكورنيش فيها وقت العصر او وقت الغروب مع شاهي مغربي ما ودك انك تخليه ههه بالنسبه للاكل في مطم اسمه اسماعيل عرفته من هذا الموقع يقع خلف فندق اتلنتك كويس طبخه بس غالي يعني الشخص يمكن يكلفه 200 درهم وفي مطعم عراقي للبيتزا ومدري ايش في اخر الكورنيش وفي بفندق كرم مطبخهم اكله كويس لا باس فيه يعني يكلف الشخص ب 120 درهم

ومطعم ماكدولندز الوجبة تطلع عليك ب 45 درهم

من الاشياء الحلوه في اغادير اللي للاسف ما سويتها هي طلعات البحر يعني رحلات بحرية هذي للاسف اني ما رحتها لان الي معي ما يحمسون ابد ايه نسيت صح لستئجرنا سياره ف 400 درهم كانت صني وعلى فكره ترى اغادير صغيره مافيها الا كم شارع وتدلها خلاص يعني ما يحتاج سواق والتاكسي هناك كل مشوار ب 50 درهم
وفي الليل ب 100 درهم بالنسبه للهداايا الي وده يشتري يروح سوق الاحد السوق الشعبي راح يحصل كل شي يبيه وانا انصح اللي يبون يشترون جلابيات لا ينغشون فيهم لازم يكون معه احد خبره ههه يعني مثلي كذا يعني خذنا الجلابيه الي عليها الكلام ب 650 درهم ايه صح ولا تنسون تشترون الثوب المغربي اهم شي يكون ثقيل ويدفي وسعره يكون ب 180 دهرم الى 200 درهم بس اهم شي يكون ثقيل للبرد ههه
طبعا لو صارت لك مشكله مع الدرك ==شرطتهم يعني كلها 100 درهم اكراميه ويمشونك عادي
بس يقول المثل امشي سيده يحتار عدوك فيك

ويا غريب خلك اديب

ودايم خل الابتسامه على وجهك واذا فرضا احد غلط عليك لا تحط عقلك بعقله ابتسم له ووخر عنه J
ايه وحاول لا بغيت الشي قبل لا تشتريه تاكسر بالسعر وتشوف المحل الي جنبه وهذي باختصار رحلتنا الى المغرب ولا تنسون تشترون خبز وجبن وتخلونه بالثلاجه علشان لا صحيتوا تفطرون على شي بدال ما تطلبون وتخسرون ههه
والحين اليكم بعض الصور على فكره لا تقولون الصوره مو واضحه تراني مصورها بجوالي ههه
هذا اذا احد وده يتقهوى قبل لا نبدى رحلة الصور بس انتبه ترى فنجالك حار ههه
ايه وهذي صورة للفيلا كنت كل يوم صباح اشوف البحر ههه ايه وشعندي شكسبير على غفلة ههه
وهذي صوره للفلل الي حولنا طبعا
وهذي الصوره كنت بنافس عليها في المسابقة هالصوره في منتجع مارينا الي بين تطوان وبين طنجه
بس ما بغيت احطمهم واخذ الجائزه ههه
وهذا شارع فرنسا في طنجه بس وشاريكم بتصوير الجوال الباندا خطير ههه
وهذي الفيلا الي في طنجه الي حوشها يفتح النفس
شوفوا انا قضيت على هالرمان ههه الي فيها
عاد هذا مدري وش يبي تفاهموا معاه انتم ههه
تتذكرون مقبرة الكلاب الي قلت لكم عنها الله يعزكم هذي هي
وهذا في الطريق الى تطوان في تشوف الناس الي تبيع خضره اشتر منهم تراه فرش ورخيص
هذا الشعب الخليجي وين ما راح الكبسه معاه ههه علامة الجودة
وهذا يوم اقولكم عن الخبز والجبن الفطور ههه علشان بس تعرفون قيمتي ههه وان اخاف على صحة حسابكم في البنك
ههه
هذي طبعا اذا انا ماني غلطان سبته
ومن هنا تدرعم على اسبانيا مع ان هالارض في حدود المغرب بس اسبانيا خذتها
وهذي مغارة هيرقل شوفوا هنا كان هيرقل يدق الثوم ههه
وهذي صورة مطار محمد الخامس في كازا وحنا بالطياره طبعا انا الي كنت اسوق ههه والناس تصفق لي :x1:
وهذي صوره مو واضحه لكورنيش اغادير
وهذي صورة للجو في اغادير ضباب وغيم ورشة مطر خفيفه من اروع ما يكون
وهذي صورة للغرفتي بفندق كرم كل شي كان نظيف ومهتمين بالنظافه هم
وهذي الطياره للحرلات الداخليه ومن قرادة حظي اني كنت قاعد عند المروحه وطول الرحله افكر لو فكت المروحه بتصقع وجهي والا تطيح ههه
في اعلى الجبل مو واضحه بس مكتوب الله الملك الوطن بالابيض هذا المنظر تشوفه وانت في الكورنيش
وهذي صورة وحنا راجعين للمطار
ودمتم
وعاد اسمحوا لي على التاخير وعلى ان الصوره مو واضحه
وشاكر لكم وشكر خاص للخ المسافر الي رفع الصور لي


التعليقات (9)
البحــر
البحــر
مشكور ياسي شليويح على القهوه
رحلة رائع واسلوب مميز :x1:
وصور رايقه من مصور محترف
تسلم الايادي والكيبورد
والله يعطيك الصحه
وتحياتي

TMEEM
TMEEM
ياسلام عليك ياخوي ...
صراحه اما كذا ولا بلاش .
بس التاكسي في اغادير بالعداد ورخيص بعد , ممكن بعد 12 ليلآ يزيد لكن اذا كان المجموعه كثيره اجر تاكسي باليوم ...
شكرأ اخي على تفاعلك مع طلب الجماهير

الكابتن فهد
الكابتن فهد
بصراحه ما قصرت
وكنت اتمنى اني معاك
بس احسن بوصفك للرحله اني معاك فعلا
وحمد لله على سلامتك

المسافر
المسافر
أخي شليويح بن جاكسو
مشكور على الشرح الرائع والطريقة الجميله في السرد ، وأكيد الجميع يطمح بأكثر بعد ، ولكن الجايات أكثر من الرايحات ، وأبد يا خوي ما سوينا إلا الواجب ، وتحت خدمة الجميع في أي وقت........
تقبلوا تحياتي
المسافر

الفيصل
الفيصل
أخي شليويح بن جاكسو
مشكور على سردك للموضوع ا لرحله الموفقه ماشاء الله عليك وصور جميلة

ولـد الـدرب
ولـد الـدرب
أخوي شليويح بن جاكسو
رحلة منسقه ، طنجه ، اكادير ، أقصى الشمال واقصى الجنوب ، ياخي كان وقفتو فكازا كم يوم ، مشكور أخوي على التقرير ، ومشكور أكثر على الصور ، صراحة أشتقت لطنجه لي مدة مارحت لها ، على فكره وش هالشغل أكل على الأرض وسماط ، كنكم بالأستراحه
لا حظت من تقريرك انك ماجربت الأكل المغربي ؟ حرام عليك :112: له نكهه مميزه ، الرجال ابو طربوش وده يقولك شي بس انت ما عطيته فرصه

قطر9111
قطر9111
الصراحه كفيت ووفيت الصراحه اصابع رجلك توحي بانك قضيت رحلتك كعابي يا شليويح ههه
يعطيك الف عافيه على الصور الحلوه

المكتسح
المكتسح
اليه ينصرك ويسهل عليك ياشليويح يابن جاكسون
ماقصرت على الشرح والصور
والصراحه له درك شارك وهذا صوتي لك من الحين واحلا صوره الكبسه
بس ودي اسفسر منك اخوي بحكم تجربتك وبحكم ان قريبا راح اكون متواجد هناك
وش رايك نحجز من هنا بخصوص الرحله الداخليه ونريح انفسنا ولا راح نلقها متوفره هناك ولا راح يكون فيها مشاكل مع الزحمه مع العلم اني رايح في اجازة الحج؟
والاستفسار الثاني ودي الله لا يهينك ياشليويح تفزع لنا برفيقك الي ضبط لك السكن هناك اذا امكن طبعا؟
مع تحيات المكتسح

خالد الاول
خالد الاول
  1. اخوي الفيصل شاكر لك مرووك يالغالي والتوفيق للجميع ان شاء الله


اخوي البحر يعطيك العافيه على مرورك ببس اي محترف ولا في كاميرا يعني انا مثل رونادلينو بدون كوره ههه
تشكرات افندم اخ تميم بس انا لاحظت اغلب التكاسي الي عند الفنادق ما يبون عداد كل بالمقاطع على العموم كانت عندنا سياره وشاكر لك الف على المرور وتسجيل حضورك ويالله ترى العشاء جاهز فوق بالصوره غسل يدك بس ههه
سوسو ههه ولا يهمك عطني فلوس وانا اروح ومن فلوسك راح تعتبر فعلا انك معاي ههه صدقني
المسافر عاد انت لحالك يسلمو ويسمنو على هيك مجهود شوكريا

اخوي الفيصل شاكر لك مرووك يالغالي والتوفيق للجميع ان شاء الله

ولد الدرب شفت شلون من الشمال الى الجنوب الكل كان يقول انها متعبه طلعت لا متعبه ولا بطيخ ههه
ببصراحه طنجه روعه روح لا تفوتك اما كاز ماكن في وقت علشان كذا خليناها طنجه واغادير والمره الجايه بعد كم شهر الرباط وكازا ههه اما من ناحية الطبخ اوه فاتك جميع الطبخات الخليجيه بس اقول ليش انت مستحي قم غسل يدك وتعشى معنا يالله لا تستحي ههه اما من ناحية الاكل المغربي بصراحه جربته بس ما عجبتني غير الحريره اما ابو طربوش بصراحه كان يسئلني عنك ههه ;p
قطر 911 اما عاد انت خليك على جنب هه لك االف وميتين عافيه وثلاثة كرتون مازولا ههه
المشكله مو كعابي المشكله الطياره ما كان فيها بريك فكنت اضطر افتح باب الطياره واحط رجلي علشان اوقفها ههه
مو كانها قوية شوي ههه
العفو اخوي المكتسح امر تدلل انت امر وانا اطامر شدعوه صرت كنغر كذا ههه
بعدين وشفيكم على الكبسة ههه غسل يدك ومد يدك لا تستحي ههه
اما بالنسبة للرحله الدخليه لا تخاف من هناك ارخص بتحصلها بواجد وبعدين خلها في بالك
بعد كل رحله من الخليج العربي لا بد من توفر رحلات داخليه لاغادير والرباط والي حولهم
اما بالنسبه لاي ضبطني بالسكن فهو في طنجه مو في اغادير؟؟ظ في اغادير سكنت في فندق كرم الجديد
اذا هذا قصدك قولي وانا ارسلك رقم المكتب يالغالي
نحن هنا من اجل خدمتكم
شعارنا منكم واليكم والسلام عليكم


خصم يصل إلى 25%