fhd004
11-07-2022 - 05:10 am
الإخوة أعضاء المنتدى وفقهم الله .
عندي زيارة عمل إلى لبنان في أول ديسمبر والبلد أول مرة أروح له .
عندي كم استفسار وأنا متأكد إن شاء الله بتجاوبوني عليهم ، واللي يعرف بعضها يجاوب اللي يعرف .. مع شكري الجزيل مسبقا لكل من تفاعل ورد علي ..
1- بالنسبة للوضع الأمني هل هو مناسب أو فيه مشاكل ؟ ووين المشاكل بالضبط عشان الواحد يتجنبها .
2- بالنسبة للتسمم قريت في المنتدى كم سالفة عن التسمم أبغى الكلام النهائي ووصايا حول الموضوع هذا .
3- عندي نية آخذ عيالي معاي ( زوجتي و3 بنوتات ) هل الوضع مناسب للعوائل من حيث وجود أماكن حلوة تستاهل الزيارة وينبسطوا فيها والا ما ينفع ؟ .
4- أبغى برنامج سياحي مرتب لمدة 10 أيام بطريقة مجدولة ويا ليت أهل البلد لأنهم أدرى بشعابها وبما ينفع الخليجيين والسعوديين بالذات .
5- بالنسبة للسكن العمل موفر لي أحد الفنادق الآتية ( ) فهل هي مناسبة ؟ أو تنصحوني بأفضل منها ؟ أو شقة تكون أنسب ؟ وما هي الأسعار المتوقعة ؟
6- هل الأفضل والأوفر آخذ سائق يوصلني للأماكن الحلوة باليومية ؟ والا أعرفها لوحدي وأروح تكاسي ؟ وكم تقريبا يومية السائق المتفرغ ؟
7- لو قررت السفر منفرداً فما هي الأماكن السياحية والتراثية الجيدة التي تستحق الزيارة ؟
عندي ثقة كبيرة في أعضاءنا الأكارم يردوا على هذه الأسئلة أو كلها ..
والسلام عليكم
هلا حبيبي الغالي بيروت باريس العرب
بالنسبه لبيروت فهي امان بمى تعنيه الكلمه لاتحاتي اذا فيه مشاكل فهي ليست في بيروت
اما بالشمال في طرابلس قبل فتره واما بالجنوب وقليل ايضا..
انا ايام حرب طرابلس بالصيف كنت متواجد بطرابلس ولا احد كلمني لاني كنت موجود ولا ادري ان فيه حرب
الا بصوت المدافع..
بالنسبه للتسمم فتأكد ان بيروت من ارقى وافضل المطاعم بالوطن العربي
وانصحك العشاء بالسوليدير والغداء مطعم منير برمانا ...
يعني الغداء بالجبل فوق في اي منطقه لاكن العشاء صعبه بسبب البرد
واسكن وسط بيروت لان البروده تكون اقل من خرج بيروت
اذا عائليه اسكن بشقق بشارع الحمراء افضل لان المحلات اغلبها بجانبكم
واا تحب الفنادق اسكن بالروشه لانها حلوه
بالنسبه للمواصلات الافضل انك تستأجر سياره وانت تسوقها..
لان السواقه غير صعبه وكل الطرق واضحه... او تستأجر سواق يومي وانتبه لمسأله البترول مب كل شوي
بقول لك خلص لان البترول غالي جدا احتمال باليوم 100 دولار اذا هو حرامي لاكن اذا هو يخاف الله
بيكون تقريبا 40 دولار بالكثير وانت قبل لاتنزل بين كل فتر وفتره تأكد من نسبه الوقود بالسيار وقوله
علشان يعرف انك مب غبي
واسعار السيارات بالسائق على حسب موديل ونوع السياره اذا موديلها من 2003 وتحت يكون سعرها
اليومي بالكثير 90 دولار
وبالتوفيق ولاتنسى تطلع للتلفريك بجونيه