مرحبا اختي
الشهر القادم في دبي يعتبر من اغلى الاشهر على قولتهم الهاي سيزون
الفنادق اسعارها مرتفعة وكذلك التذاكر
ارخص خطوط للطيران :
طيران ناس من جدة الى الشارقة
طيران ناس من جدة الى الشارقة
طيران العربية من جدة الى الشارقة
اما لو حبيتوا مباشر من جدة الى دبي في طيران الخليج والامارات والاتحاد والسعودية لكن كلها اسعارها غير اقتصادية
طبعاً كل ماكان تاريخ الحجز مبكر كل ماكانت التذكرة ارخص
بالنسبة للفنادق تعتمد على حسب الميزانية بس عموماً الفنادق غالية ونادر اذا لقيتوا شي نظيف وحلو ب 400 مثلا في الليلة
ومن وجهة نظري 10 ايام كثيرة على دبي لوحدها يعني لو بتزوروا امارات ثانية ممكن اما دبي فيكفي لها 5 ايام وميزانية 5 ايام في دبي للتذاكر والسكن وغيره في حدود 7 الى 8 الاف ريال
وان شاء الله البقية يفيدونك اكثر ممن لهم خبرات
بالتوفيق

أم جاد
هلا اختي
احنا مو الشهر الجاي نفكر نسافر يمكن بعد ثلاث شهور بس بحضر من بدري
الزيارة مارح تكون لدبي وحدها افكر نزور كذا امارة بس مو عارفة ايش افضلهم للزيارة
وكم التكلفة الاجمالية للسفرية
يعني ياليت القى احد يعملي برنامج اقتصادي لمدة عشرة ايام

بالنسبة للتذاكر .. ما قصرت أم جاد
بس هي كان قصدها طيران سما .. بس كتبت ناس مرتين
بالنسبة للفنادق
يعتمد حسب ميزانيتك
بس بشكل عام مش اقل من 400 درهم في اليوم
نصيحتي لك انك تركز على دبي
باقي المدن مافيها اشياء وايد
وممكن تسكن في دبي وتروح اي منطقة وترجع في نفس اليوم
ممكن يوم للعين (أفضل مافيها جبل حفيت ومبزرة الخضراء)
ويوم لابوظبي (أفضل مافيها الكورنيش مارينا مول)
ويوم للشارقة (أفضل مافيها بحيرة خالد وقناة القصباء)
والباقي مافيهم شي
والميزانية اليومية .. أعتقد في حدود 250 درهم .. اذا بتشمل المواصلات (ايجار سيارة + بترول) والاكل في مطاعم حلوة

The Watcher
الغالي دبي اغلب ما فيها مولات وفنادق والحدايق معدوده على اصابع اليد
ابوظبي فيها الكورنيش مارينا مول والكاسر و ابوظبي مول والوحده مول
الشارقة فيها بحيرة خالد وقناة القصباء والمتحف المائي وفيها متاحف حلوه ومركز الاستكشاف للاطفال حلو واذا تطلعون صوب المناطق الشرقيه وايد حلوه وبالذات كورنيش خورفكان من الاماكن الحلوه
عجمان فيها سيتي سنتر ومتحف عجمان بس ما يستاهل حد يروحلها
ام القيوين مافيها شي يذكر
راس الخيمه فيها منطقة عوافي طبعا منطقه صحراويه حلوه وفيها عين خت تسبحون في الماي الحار بس غالي الدخول ب 50 درهم واحلى شي واللي انا انصحكم تسوونه تطلعون من راس الخيمه الى سلطنة عمان محافظة مسندم منطقة خصب روعة المناظر الخلابه بحر وجبال ترد الروح صدق شي خيالي كانك في اليونان طبعا وقت الطريق من دبي الى خصب حدود الساعتين
العين احلى ما فيها متحف العين وحديقة الحيوانات و المبزره وحديقة الهيلي و العين مول و جبل حفيت وعين فايضه
الفجيرة بحرها حلو نوعا ما وتكون في طريقكم الى مناطق الشارقة الشرقيه
والسموحه

طيب هل تكفي 20 الف سعودي ميزانية للفنادق والمصروف اليومي في دبي في حدود عشرة ايام دون الاسراف في التسوق

لشخصين .. أكيد تكفي وزيادة
أنصحج تشوفين تقارير الأعضاء عن الفنادق
في فنادق نظيفة وحلوة وأسعارها معقولة
كل ما وفرتوا في السكن كل ما كان أحسن
لأن اغلب ميزانية دبي تروح للسكن
وبعدها التذكرة
وبما انها 10 أيام .. ممكن تروحون أكثر من فندق .. اذا كان تنقلكم سهل

هلا اختي
اول شي الميزانيه 20 الف وايد اوكي على الاقل
0للسكن اذا قلنا اليوم ب 500
0للمواصلات والتسوق
0الاف خلوها احتياط للظروره
هاذي صفحه لحجوزات فنادق دبي http://www.fendeq.com/results_w.php?city_id=-782831&arrival_date=&departure_date=&order=class_asc
وانا من رأيي اختي انكم تسكنون في دبي ومنها تروحون يوم واحد ل
ابوظبي - والمسافه 180 كيلو...فيها الراحه مول و الوحده مول و المارينا مول
العين - والمسافه 130 كيلو... فيها جبل حفيت والعين الفايضه والمبزرة الخضراء وقصر الشيخ زايد القديم والعين مول والجيمي مول... وما انسى ملاهي الهيلي ,,, وذكريات طفولتي فيها
الشارجه قريبه من دبي - فيها مولات وكورنيش بحيرة خالد حلوه الجلسه هناك بالليل
خورفكان والفجيره مناطق جبليه روعه وفيها شاليهات حلوه وراقيه

مشكورين جداا عموما انا رح استفسر عن طريقكم اكثر شيء
وبالنسبة للفنادق وش تنصحوني القريبة اكثر من الأسواق وسعرها مناسب
وافضل اماكن العوائل للتنزه والسكن في الطبيعة

الله يقدرنا نشوف كل هالمناظق الحلوه ... مشكوريين