ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مسافر ماسافر
02-12-2022 - 06:19 pm
  1. يسعد مساكم جميع

  2. كيف الحال وش الاخبار ........... وش لون من يعز عليكم


يسعد مساكم جميع

كيف الحال وش الاخبار ........... وش لون من يعز عليكم

يالكم وحشه جميع ................ من زمان يقدعان .............. كيف المدارس كيفكم بعد رمضان ......... عسى لابشمه ولا كروش متدليه .................... توني راجع من ماليزيا وسنغفوره ............... احس عندي كلام واجد ودي اقوله .......... ماني عارف من وين ابدا ............... طبعا بعد الشكر لهذا المنتدى وارشاداته ............ ودي اخص بالشكر ناس واجد ....... ولكن لن اذكر اسم احد ولكن عندي يقين تام ان كل واحد توقع مني شكره وفيه شي هالحين قاعد يقرقع بصدره ويقول اكيد مسافر ماسافر يقصدني بالشكر صدقوني ان احساسه صحيح ................. الصور انشا الله راح انزل صور واي استفسار سواء داخل موضوعي او خارجه راح احرص على اجابته ................. بس ماودي احد يقول عندي استفسار واقول وش هو ثم يقولي لقيت بقلاوه اهناك اولا ...... او يقول البيض حقهم حلال او لا ........... السفره كانت ممتعه ......... والوناسه لما تكون طالع من الفندق الصباح ومعبيها بيض بانواعه وتركب التكسي ويقول لك وين الوجهه وتقول ابي الشلالات ......... وانت بالطريق تشوف شايب او مره مودين ورعانهم للمدرسه وانواع البكلات والشباصات وانواع الشرابات تكرمون وانواع الدقش " عيون غير مغسوله " وانت حاط رجل على رجل انت والمدام وتقول خلوني ابرد حرتي ايام سادس ابتدائي الله لايعيدها ............. ايام يوم امي تسويلي خبز بفول او جبن بحمص اسف قصدي جبن بعسل ويروح من نصيب اقوى واحد بالفصل .......... ثم يجي اليوم الثاني تعطيني امي نفس الموال وارميها بالطريق لاني متاكد انها من نصيب غيري ............ لاتصدقون تراني امزح عليكم ......... لايغركم تراني كنت قوي ومكفخ ايعال حارتنا كلهم " ايه هين مصدقينك "
المهم مالكم بالطويله ................. علوم السفره بتاخذونها .............


رحلتي الى ماليزيا
التعليقات (9)
JedYan
JedYan
اولا حمدا لله على السلامة
ثانياً من طول الغيبات جاب الغنايم
ثالثا شكلك مره مبسوط
معناها الرحله كانت مره اوكي
منتظرين تقريرك وعلومك
تحياتي

مسافر ماسافر
مسافر ماسافر
الله يعطيك العافيه على مرورك وردك ................. الحمد لله الرحله كانت روعه من فضل ربي ثم توجيهات هذا المنتى الرائع

رواف 999
رواف 999
الحمدللة على السلامة وبسرعة عطنا التقرير ترانا مشتاقين لماليزيا

ألمعي
ألمعي
حمدا لله على سلامتك
ترى توني جاي من ماليزيا وشكلي شايفك هناك يعني عطهم التقرير ولا تلف يمين ولا يسار ولا تزود ولا تنقص
نحن بانتظار تقريرك
دمت بخير

بوكا2
بوكا2
الحمد لله علي السلامه يا عادل ....
اخيرا جيت و بتعلمنا اخبارك واخبار سفرتك مشاء الله عليك .....يالله نستنا اعلومك و قفشاتك مع ماليزيا ....
وهاه لقيت النمله والفيل حقين لغزك وعساك لقيت لهم المفتاح خابرتك وليده ما احد يغلبك ابد ابد ابد...

مسافره مختبه
مسافره مختبه
تكفى عطنا واحد فول بالصامولي.. وكثر المربى..
وواحد سن توب حار.. (نكهة الجح البري) بشفاط صاحي

المملوح
المملوح
في انتضارك اخوي
شكلك عريس ومتشقق من الفرح

مسافر ماسافر
مسافر ماسافر
  1. علوم سفرتي


رواف شكرا لمرورك ............... وش الي بسرعه .......... اركد شوي وانا اخوك
المعي ............ هلا بخويي ....... اجل تقولي شفتني بماليزيا هاه....... ههه ..... ليش لا ....... والله يخوك شفت سعوديين واجد مدري اي واحد منهم انت .... ولو قابلتك وقلت لي انك انت المعي صدقني لعزمك على الفطور " شي ببلاش " ههه ....... تستاهل اكثر وانا اخوك
اغلب السعوديين كان عليهم حركات تدل على قمة التخلف وانعواج حاد من كمية المخ الى الاسفل .... وإلا بالله عليك قد شفت شي اسمه عباه قصيره مع برموده او كشف الوجه في الاماكن العامه واذا مر السعودي ارتبكو وغطوا الوجه ............. او لبس عباه مع قبع ونضارات شمسيه والشعر الوان ............. حسبي الله عليكم كفي تخلف وتشويه للدين ............. اسف اذا تماديت لكن والله العضيم اني اقول واقع
بوكا ............... لحد الحين على موال عادل ......... مانسينا ......... الله يسلمك ..... ابشرك لقيت النمله متعلقه بشوشة عجوز هنديه عند الباتو كيف حاولت انقذها واشدها من شوشة العجوز ..... وبعد تفكير عميق قررت اروح للعجوز واقول لها ممكن اتمسك بشعرك عشان البركه انا جاي من بلد بعيد وسمعت عنك كثير ان عندك قدرات خارقه ومني بعطيكي 10 رقنت ............ قالت تعال اليوم بعد غروب الشمس عند الشلالات ولاتجيب معك احد والبس لبس هندي " وزره وفنيله علاقي بنيه كلها طين وريحة كاري " طبعا منين يجي الطين " عرق واغبار ..... مقرف صح " ........... المهم انا شلت عمري واستعديت للرحيل بكل ماوتيت من قوه ويد ماسك بها المدام ويد شديت بها شوشة العجوز وانقذت النمله ومعها كم شعره بيضا تميل للصفار .......لقيت يدي تصب دم شوشة العجوز كانت يابسه ........... الحمار تكرمون لقيتهم محنطينه وحاطينه تمثال قدام فندق الخيول البنيه قصدي الذهبيه يزعطون صن وي لاقون ............. الفيل مسكين سألت عنه قالو لي مسكين صابه انفصام بالشخصيه من شدة الضغوط وراح لحديقة الفراشات يبي يسكن معهم على باله انه فراشه ...... الله لايبلانا
مختبوه ............ هلا والله ومرحبا ...........وش تبين بالفول مع الصامولي ............. لا وسنتوب بعد .......... يابنت الحلال ....... بطلي دب بالعيشه وخففي اشوي " امزح " .......... ترا سمعت الخطوط السعوديه ياخذون ضريبه على الوزن الزايد ........ الله يسلمك انا بخير ورحلتي كانت روعه ابشرك..... يختي ليش النكد ....... صحيح طفشان مع جو العمل بس الوقت يروح والنكهه تبقى مع لبتن
المملوح ......... لا والله وانا اخوك انا عريس لي اربع اسنين ........ بس ياربي لك الحمد الصدر وسيع

علوم سفرتي

رحت من هنا ياطولين العمر وعلى سنغفورا مباشره من الرياض انا والمدام والشنط بس ............. على الخطوط السعوديه ..... بدون تاخير ولا عرقله كان سعر التذكره 2750 للشخص الواحد يعني المجموع 5500 ريال كان الوقت ليل على الساعه 10 و مدة الرحله 8 ساعات والوصول 11 الصبح بمطار سنغفورا الرائع مع انه صغير شوي بس رايق ونضيف ومنضم ومافيه ريحة وجبات سريعه .... المهم نصيت كونتر الجوازات وخلصو جوازاتي بدقايق مع كم سؤال ماله داعي ثم قالو لي تفضل ........ كان همي العفش وينه وشناطي حبايبي كيف استلمهم ماني فاضي اروح اشتري بدلات من جديد وملابس داخليه ... وبراقع للمدام.. الا يالاقي براقع ........ نفسي اشوف شرق اسيويه لابسه برقع ... المهم جيت قسم الحقايب ولقيت الدنيا زحمه وانا اخر واحد يجي ........ الشعب كلهم جايين من السعوديه بس ولا واحد سعودي غيري ..... لقيت اشناطي وسلمت عليهم وشلتهم بالعربيه والتفت على المدام وقلت مرحبا بكي في سنغفورا ومتوجهين ندور تكسي ومشتاق اشم هواهم واحس بحرارة شمسهم .......... ويا التكسي خذني معك يا التكسي
هنا يتم تخليص الجوازات وممنوع تتعدى المكيت الي قدام الكونتر والموضف معه مسافر اخر
صور متنوعه من المطار وهو عباره عن ثلالث محطات ترمنال 1 و 2 و3
وهنا التكاسي وانت مخير مابين وبين
تقبلو موضوعي وعندي ملاحضه ماهو كل الصور من تصويري .......... اتمنى عجبكم الموضوع وتابعوني وطولو بالكم

*صوت السهاري*
*صوت السهاري*
واوبدايه خطيره لرحله مثيره ...وباين عليكم إنكم أنبسطتوا بها السفره
والصور خطيره وحلوه ولكنها كبيره شوى هذه من الوناسه طلعت كذا
وبصراحه أعجبنى التاكسى الأخير...


خصم يصل إلى 25%