أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
انا توني راجعة من اسبانيا ..
ولا حظت ان مدريد مافيها مجمعات كبيرة مغلقة زي اسواقنا محلات ومطاعم ..
فيه الكورتي انجليس في كل مكان منتشر ..
وفيه مجمعات صغينونة تدخلينها من برا كأنها محل واحد واذا دخلتي تلاقينها دورين فيها خمس ست محلات والباقي كافيهات ....
بس فيه شارع كله محلات ماركات اذا ودك ماركات كبيرة ديور وشانيل وبرادا واخواتهم ...
والمحلات العادية تلاقينها بكثرة على امتداد الشوارع خصوصا في شارع قران فيا كل شي حولك عشان كذا انصحك تسكنين في هالمنطقة انا والله انزل من الاوتيل والف المحلات قمة الوناسة لانها متنوعة تلاقين الغالي والرخيص العادي والفخم
اتمنى لك رحلة ممتعة واذا تبغين اكتب لك اسم شارع الماركات ومحطة المترو بعد "" مسوية فيها خبيرة ""
أم جود2007
مشكورة اختي ام جود وماقصرتي
ماقلتيلي شو رايج في مدريد عجبتج؟ ووين سكنتو؟
وياريت تكتبيلي اسم الشارع والمحلات الحلوة
والاشياء الحلوة اللي الواحد ممكن يشتريها كهدايا وتكون مميزة
مرحبا اختي بنت الامارات ... مدريد مرة روعة ووناسة مع ان المحلات التجارية تسكر الساعة 9 بس الحركة والوناسة ما تنتهي في شوارع مدريد خصوصا شارع Gran Via والجو ولا احلى منه هالأيام يميل للبرودة يعني خذي لك حاجة تدفي لانه هواء بارد بالليل مع المشي.. وبالنسبة لي سكنت في فندق Hotel Regina حلو ومرتب واثاثه نوعين اول مرة سكنت فيه كانت غرفة بالدور الثاني عاادية جدا بس مو وحشة ... ورحت ماربيا 4 ايام ورجعت لنفس الفندق في مدريد واعطونا غرفة بالدور الرابع اثاثها مرة واو حلو وانيق وبنفس السعر الاول الليلة ب 755 ريال ... اغلى شي عندهم التكاسي عشان كذا نصيحة اسكني في منطقة قران فيا لانه كل شي حواليك وتمشين وتوصلين اهم الساحات في مدريد لو حبيتي .. في منطقة Sol الساحة اللي فيها تمثال دب واقف تحت شجرة "" تبعد 3 دقايق مشي عن الاوتيل "" كله محلات تتعبين ما خلصتي منها فيها كل اللي تبغينه وفيها الرخيص وفيها الغالي وفيها محل ملابس اسمه "modalisa" عنده اشياء مميزة واسعاره معقولة ما تزيد عن 30 يورو ... وفيه محلات جزم بالهبل ... تذكرت فيه محل على امتداد شارع قران فيا بعد مطعم "zahara" في الزاوية محل جزم وشنط صغير اسمه " Carmen" بس عنده جزم روعة والله العظيم اشتريت منه حوالي 10 جزم وصنادل اسعارها 5 يورو و12 يورو لا اكثر .. المحل فيه وحدة مغربية محجبة هي وبنتها وتتكلم عربي .. وبالنسبة للماركات القوية لازم تروحين شارع Serrano ويتقاطع مع شارع Ortega Y Gasset وكل الشارعين مليانة ماركات يحبها قلبك وفيها ماركات جديدة حلوة وتروحين لهالشارع بالمترو عند محطة Colon ... اول ماتطلعين من المحطة ممكن تسألين اي احد عن اسم الشارع ويدلك على وين تتجهين او انتي بنفسك باستخدام الخريطة ترى ضرورية خريطة مدريد وخريطة المترو احنا ماشين عليها ومن اسهل ما يكون .. طولت بالحكي بس من حماسي والله ودي تنسطين وتستمتعين بمدريد لانها حلوة بس لازم تعرفين متى تطلعين مثلا الساحة الكبرى "plaza Mayor " مرة رهيبة كلها كافيهات واستعراضات غريبة وممتعة ماتروحين لها الا السبت او الاحد لان وسط الاسبوع تكون شبه فاضية مافيها حركة .. اذا تذكرت اي اجة مفيدة بأرجع واكتبها والعذر على الاطالة ما عندي اسلوب الاختصار هذا احب التفاصيل ... ههه
هناك عدة أسواق أهمها
plaza norte 2
xanadu
corte ingles