احلى من العقد
12-07-2022 - 08:17 am
يا جماعة الخير
خاطري اروح تايلند بس احتاج مساعده
ابي كل واحد منكم يعطيني 1000 ريال عشان اجمع فلوس السفره
لالالا
لاتصدقون كنت حابه استضرف
الي احتاجه مشوره ومساعده
انا افكر اروح تايلاند بدون حجز وبدون بطيخ .. ومن هناك اتفق مع شركة سياحية تحجز لي الفنادق والجولات وكل شي .. طبعا الي محتاجته انا الحين شيئين :-
1- هل هالحركه تنفع ولا تعتبر حركة خطيرة
2- اذا عندكم رقم لشركة سياحية في تايلاند عشان اكلمهم واتفق معاهم واعرف كم بتكلفني الرحله واروح واشوفهم مجهزين لي كل شي بس ينطروني
3- انا اعرف ان كل واحد يصرف بطريقه غير ومن هالكلام .. بس اذا كنت ناويه اروح تايلاند 10 ايام ومخططه اروح شانغ ماي + فوكت + بانكوك كم بتكلفني الرحلة مع شركة السياحه طبعا انا مااقصد مصروف اليد .. الفنادق والرحلات .. بختصار ابي اعرف كم احتاج اجمع عشان اروح تايلاند
اختي العزيزه كونك تروحين اول مره لتايلند افضلك تحجزين عن طريق مكتب سياحي بقطر الحبيبة الى بانكوك مع الاقامه ليومين هناك في احد الفنادق القريبه من الحي العربي وثم تقدرين ترتيبلك رحلات داخليه وعلى حسب ميزانيتك من احد المكاتب المنتشرة بالحي العربي بالقرب من المطاعم العربيه فهناك مكاتب عديدة ومجربه منها على سبيل المثال مكتب موسى البانكوكي ومكتب شابانا وغيرها.