الدهمشي
14-07-2022 - 03:02 am
(أنا) يآخي ما أعرف شيء عن المغرب وشلون أروح....
(أبو محمد) الموضوع أسهل مما تتخيل مايحتاج عرف...بس متى مابغيت تروح عطني ألو..وأنا أكلم لك السواق اللي أنا من زمان وأنا أتعامل معه يجيك في المطار ويآخذك وبعد كذا أنت تحدد الوجهه اللي تبيها....سواء كازا أو أقادير أو مراكش اللي هو جاي يآخذك من المطار منها؟؟؟؟.
(أنا) طيب خلني أشاور "زملاي"....
أخوي الدهمشي
وين البنادول تكفا أبي حبتين صدعت من اولها .
ياساتر ياساتر من وين الواحد يبتدي معك :upset: ، ماخليت شي حرام عليك لازم للواحد :icon_stud يذاكر علشان يجاوب على استفساراتكأخوي كلامك من ناحيه يبيلها تعاون صحيح وانشالله بتلقى أجابات على كل اسألتك مني والأخوان كل على حسب استطاعته ، والجميع ماراح يقصرون معك انشالله ، مع العلم ، وانت ادرى ، أن بعض الأسئله موجود لها اجابه في مواضيع سابقه ، فياحبذا تشغل محرك البحث وتبدي من الأن الجوله . .
2.الطيران وش رايكم وش أفضل خطوط ممكن اروح عليها...علماً بأن وقت الاقلاع والهبوط يهمني كثير(الواحد وده يكسب أكثر وقت ممكن)...وماعندي مشكلة من ناحية سعر التذكرة (السعودية ، المغربية ، الاماراتية) .
الأجابه: بالتجربه الخطوط الأماراتيه أفضل لا من ناحية السعر ولا من ناحية الوقت ، الأقلاع 7،45 صباحا والوصول 12,30 بعد الظهر ، والرحلات شبه يومية .
4. كازا بصراحة عندي انطباع سيء عنها (بس لا تزعلون) بحيث إن كل من سالته عنها...يقولون حرامية وأنواع النصب "والاستهبال" هذي من عندي خ... على السواح...خصوصاً إني سمعت برضه عنها إنه مافيها مناظر حلوه....طبعاً قد أكون غلطان......وإذا كنت غلطان ياليت توضحون لي الأماكن اللي تستحق الزيارة والمدة المقترحة كم يوم...علشان الواحد يعطيها حقها...وهل أسكن شقق أو فنادق وايش بالضبط تنصحوني فيه.
الأجابه: أخوي كل واحد له انطباعه وتجربته الشخصية ، وصدقني اللي يمشي صح يحتار عدوه فيه ، ومافيه مكان في الدنيا ما فيه نصب واحتيال ، وكازا مثلها مثل اي مدينه كبيره في العالم فيها الزين والشين وفيها الصالح والطالح ، بس خلك حذر وابعد عن اماكن الشبهه صدقني ماراح تلاقي مشاكل . أما عن سالفه مافيها مناظر حلوه ، وش تقصد بالمناظر الحلوه البحر فيها منطقه الشاطئ في عين دياب ، و الطبيعه ، هي مدينه كبيره وين بتلقى الطبيعه؟؟؟ لكن فيها اماكن قريبه بتستمتع فيها بالخضره .
وكازا زاخره بالأماكن اللي تستحق الزياره عين دياب ، طماريس ، المحمديه بعد قريبه ، توين سنتر سوق للتسوق ، الحبوس سوق شعبي ، بالنسبه للحمامات فيه الزياني والباشا ، وكوفي شوبات واجد منها فينيزيا وديانا والروبير ، و ، واماكن واجد كثيره .
أما المده (لو علي أقيم فيها ) حسب رغبتك وارتياحك والمده المقترحه لرحلتك ، وياحبذا تكون هي المحطه النهائيه للرحله أفضل لك .
بالنسبه للسكن بعد يعتمد عليك ورغباتك فيها الشقق والفنادق والمنتدى فيه مايغني عن الشرح بالنسبه للفنادق والشقق بتلقى شقق ممتازه تتراوح اسعارها بين 600 الى 800 درهم لليوم للشخص حسب المكان وفخامة الشقه على اني انصحك بمنطقة (دو مارس) ولا (معاريف) .
7. الوجهه الرئيسية أو على قولتهم الزبدة طنجة.....