السلام عليكم:
.
.
.
.
.
.
حبيت أدردش وياكم عن موضوع المشكلات ألي تواجه الساحية في الكويت ودي كل واحد يطرح سبب من الأسباب أو المشاكل ألي تعطل الكويت في الجانب السياحي المهم ذكر المشكلة مع الحل هذا هو المطلوب وليس المطلوب فقط جلد الذات والعويل والصراخ وأنا راح أبدي :
بصراحة أنا أشوف إن المشكلة هي في الحكومة أو بمعنى أصح القطاع الحكومي ومشكلاته وذلك يتمثل بعدم إشراك القطاع الخاص في المشاريع الحكومية بالله عليكم روحوا للمدينة الترفهيه وشوفوا الالعاب شلون مصدية لا والالعاب الجديدة ياخذون عليها تذكرة ما أدري ليش ياخذون 3:500 تذكرة دخول ويقولون شاملة وبعدين ياخذون تذكرة حق اللعبة الجديدة وقارن المدينة الترفهية مع حولي بارك على صغرها ومع إناها جديدة لكن خدماتها متكاملة الدخول مجاني مطاعم محلات مكتبة جرير وشوفوا حديقة الصباحية شلون طورها القطاع الخاص وغير إسمها وحطوا لها مدخل بروحها وغيرها من الامثلة ألي تعرفونها وترى على فكرة المارينا وسوق شرق والسليل والكوت والافنيوز كلها قطاع خاص (هذي المشكلة)
(الحل) فتح الباب أمام القطاع الخاص....وبخصوص المدينة الترفهية في أيام الدخول مجاني أوبسعر رمزي ممكن الواحد يدخل فيها عشان مايدفع تذكرة دخول ويدفع بعد تذكرة على الالعاب لأنه بصراحة شي يقهر تدفع 3:500×7 =24,5 هذا المتوسط العوايل ألي تروح 7 أشخاص من غير تذاكر الألعاب الجديدة .
والحديث له بقية إن شاء الله...."