خليجيه
07-12-2022 - 04:30 am
السلام عليكم ورحمة الله وبركاته
اخواني وأخواتي الأعزاء ادعوكم لملفي
وانا متأكده انه بيعجبكم
كل سنه انوي انزل موضوع واتكيسل لأنها شبه مكرره
ومعظم الصور لقيتها موجوده
بس هالمره الرحله تستاهل
في البدايه كنا نبحث على اي معلومه عن ولاية رودايلاند ولم نجد معلومات كافيه
اخذنا معلومات من خارج المنتدى ومن خارج النت
لعدم توفرها بشكل الي تعودنا عليه كل سنه في رحلاتنا
اول شي الفيزا كانت اسهل من ماتوقعنا المقابله بس للشغاله وأسألتهم عاديه جداً
عكس السفاره البريطانيه الله لا يوفقهم :112: ختموا على جوازها انها ماتدخل بريطانيا قال ايش
بما انها مو بيبي ستر او طباخه ماله داعي
في بريطانيا ممكن تحصلون على عامله
بس الي تعبنا الحجز زحمه واحنا ماشاء الله عددنا حلو 5 اشخاص والدرجه الأولى بس تكفي ل8 أشخاص
انتظرنا اكثر من شهر
عموماً رحلاتنا مثل ماخبرتكم من دبي الى نيويورك مطار jfk
ومنها الى مطار بوسطن وبما ان الانتضار بيكون في المطار قررنا نكمل بالسياره
الى رودايلاند 3 ساعات بالسياره
والآن تفضلوا معانا بالصور واتمنى لكم المتعه مثل ما استمتعنا في الرحله
وحياكم الله
رحلتي الى امريكا
رحلتي الى الولايات المتحد
مع انها 14 ساعه والفضل لله ثم لزوجي العزيز الله يحفظه ثم طيران الامارات
اول شي صورة السياره الي ارسلتها طيران الامارات لنقل الشنط وبما ان نحن ماشاء الله
ارسلوا لنا سيارتين من هالنوع
هنا مطار دبي وزحمة على الديوتي فري
بطاقة دخول الطائره
الحين دور صور الكباين مع انها بتكون مريحه لي بس كنت متخوفه منها بنسبه للصغار كيف بيقفلون عليهم
وكيف بطمئن عليهم وكيف بنام وكيف وكيف
وكنت ابحث في النت بس ما شفت شي يطمني الى ان خضت التجربه وأطمنيت
لذلك حبيت انزل صور الكباين حتى ماتفكرون وتحاتون مثلي
هنا التصوير من كبينتي ومبين الكبينتين الي فيها العيال
كبينة وليدي مفتوحه كنت خايفه عليه ان مايعرف يفتح الباب
بس ماشاء الله على عيال هالايام مخ ماشي مع التكنلوجيا ماشاء الله اللهم بارك
هنا الكبينه مغلغه اثناء النوم وفيها خصوصيه ومريحه خاصه للنساء
مادروا عني طير ان الامارات عن الدعايه الي عاملته لهم
شاشه على اليمين وهي ريموت ويبين فيها التحكم بالباب والأضائه والكرسي
والتلفزيون وطلب المساعده من المضيفه وغيره الي مبين بالصوره واهم شي المساج رائع
والشاشه في الامام وفيها افلام بكذا لغه وافلام الدزني والعاب وغيرها بس انا ماجاب راسي الا هالحلوين
هنا كريمات ومهدئات للنوم وغيرها
ثلاجه صغيرونه للمشروبات
وهنا من قريب تفضلوا
وماننسى السناك موجود ويشيكون كل شوي ويجبون الي خلص
هنا التوزيعات الي وزعوها اول ماركبنا وهي بيجامه وشحاطه او نعال او سليبر كل واحد ولهجته
وعدة النوم وشنطه
واعتذارات لأن ماعندهم بيجامه للأطفال كأن احد لبسها عاد
وهنا ودعنا اماراتي الحبيبه
البقيه تأتي انتظرونا ستجدون ما يسركم