البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الماسة السوداء
17-10-2022 - 08:43 am

موضوعي هالمره يبيله مشاركه من الكل واتمنى انكم ماتخيبون ضنوني فيكم
ياكثر مطاعمنا وكوفي شوباتنا
ولما تروح المطعم تقعد لك ساعه تتمقل بالمنيو يا يكون حظك كذا
او تقعد تبجي على البمبره وتبجي على التينه
فقلت ليش مانحط صور اطباقنا المفضله واسم المطعم او الكوفي شوب
ومنه يكون موسوعه حق احلا الاطباق وافضل المطاعم
بس مانبي اسم الطبق من غير مانمقل عيونا بالطبق>>ادريبكم تسوونها
بسم الله راح ابتدي انا
جيكن سيزر سلط يمي يمي من قلب

جيكن ماشروم ساندويش

كوفي شوب كوكوز موقعه في العدليه ورا فندق الخليج
كل اكلاته يمي يمي واسعاره

اوريجينال جيكن

مطعم فدريكرز في العدليه وله فرع ثاني في سند اغلب اكلاته سندوبشات وفي ستيكات وسلطات ومقبلات
اسعاره مرتفعه شويه بالنسبه حق اسعار الفاست فود

جاكيت بوتيتو مع جيكن

جريل جيكن ستيك

هذي شي فيه سبانخ بس نسيت اسمه

كوفي شوب كاباتشينو له فرع في الدانه مول والفرع الثاني بسار
بس الي بسار اكلاته احلا واكثر واسعاره عموما معقوله مثل الكوفي شوبات الثانيه
اتمنى المشاركه من الجميع:8888:


التعليقات (8)
مـزون
مـزون
الماسه حرام عليج صج مختاره وقت مميز تحطين فيه الموضوع
الناس صيام اتقي الله فيهم
الله يعطيج العافيه على هالمجهود

بحريني2007
بحريني2007
يسلموا على الموضوع انا أحب
اوريجينال جيكن

مطعم فدريكرز في العدليه وله فرع ثاني في سند اغلب اكلاته سندوبشات وفي ستيكات وسلطات ومقبلات
اسعاره مرتفعه شويه بالنسبه حق اسعار الفاست فود
لم اروح اي مطعم ويعجيني اي نصف اكل بيكون التقرير عندكم وبلعافية الماسة السوداء

الماسة السوداء
الماسة السوداء
مزون هلا حبيبتي
مو كل يوم اتوهق شاتسحر قلت مالي الا انتوا تساعدوني بزحرتي
وكل مازاد صبرج وانتي تجوفين ما لذ وطاب كل ما زادت حسناتج >>الشيخ الطنطاوي على غفله
بحريني 2007
حياك الله اخوي الاوريجينال حلو وانا اضيف عليه المشروم حق تكتمل العده
بس اخر سطر ياخوي مافهمت منه شي شكلت ماخذ دروس موزمبيقيه

@ مير @
@ مير @
صورة لذلذة واضح انك لديك خبرة مطاعم 0
نريد بقية الاعضاء المشاركة بالموضوع

الاستشهادي
الاستشهادي
حرام عليج احنا صايمين و جوعانين و نشوف هذي المناظر
لا وفوق هذا انا مسوي رجيم و صارلي شهرين ونصف ما اكلت سندويش او رز او بطاطس او وجبات مطاعم فاست فود ( )
حرام عليج الي تسوينه فيني اتقي الله فيني
تسلمين على هذا الموضوع المميز و ما قصرتي
ان شاء الله مشاركتي قريبه (بعد الفطور)
شكرا

الغالـــية
الغالـــية
هلا وغلا ...
حيا الله ماستنا المتميزة ....
موضوعج اليوم ... وقته غلط ... الحين باقي تقريبا ساعه عالفطور ...
والأشياء اللي حطيتيها لنا ...خطيرة ... الله يسامحج ....
انا بشارك بشي بسيط ...
الأول.. فنجان القهوة التركيه ... هذا محلها بيتنا .... وحياج بسويها لج ... وشرط بتقولين أحلى قهوة ذقتيها .. ثقة!!

الثاني ... مب في البحرين ... تشلو كباب من مطعم في دبي ...
بس فيه البديل ... كلستان أو الأبراج .. أو أصفهاني أو الحديقة الفارسية ..

الثالث .. بعد مب في البحرين .. شوربة ال سور دو ...
كأني سمعت إن كافيه فرندا عندهم هالشوربة .. وايد لذيذة ..

وبالعافية على قلبج

الماسة السوداء
الماسة السوداء
مير
حياك الله اخوي وانا ذبحتي اكل المطاعم
وبما اني اخاف اجازف بمطاعم ماعرفها قلت نتشارك على الاقل اتجرأ واجوف الامكان الي مازرتها
الاستشهادي
ياخوي اول جملتين حسيت بتأنيب الضمير
قلت اما واحد يفطر ويكون برقبتي >>يزعم ضميري يصحى برمضان خ
ونتريا مشاركتك بعد الفطور:8888:
الغاليه
تسلمين يا ام الذوق على القهوه يصير بدالها عصير ليمون >>وحده ماتشرب منبهات كلش ملش خ
اشهالزين يمي يمي توني حاسه بالي سويته فيكم جمني ماكلته فماتشهيته مثل الاكلات اليديده
ونفس حركه الشوربه جايفتها في كابتشينو بس امانه ماذقتها
وتسلمين ياقلبي على المشاركه ولاتحرميني يديدج:36_3_11:

عبادي28
عبادي28
1:15 الظهر ومنزله موضوع عن الاكل؟؟ وبرمضان ؟! يالعنبو ماتخافين الله؟؟؟؟؟ اموت واتخيل شكل الاخت مزون وهي راده عليج الظهر ههه
يعطيج الف الف الف الفين عافيه وموضوع مشوق للظهاري صراحه,
بدخل عليه باجر الظهر بشوف شكلي شلون ههه


خصم يصل إلى 25%