عادل عبدالعزيز
30-09-2022 - 04:55 pm
بسم الله الرحمن الرحيم
السلام عليكم ورحمة الله وبركاته
ياليت يكون فيه موضوع عن الاماكن اللي تستحق الزيارة في جميع المدن وباختصار....يعني على شكل نقاط ومختصرة بدون لف ودوران وسوالف...
يعني في المدينه الفلانيه المطاعم والقهاوي والكافيات والجلسات البحريه والرحلات والمجمعات...
لاني بصراحه انا ان شاء الله مسافر وابي الاماكن اللي اروح لها بكل اختصار
جاكرتا والجبل وبالي ماهي الاماكن اللي تصلح نطلع لها في النهار وفي الليل...
اروجو انكم تتجاوبون معي وماتقولون تابع الرابط التالي او التقرير التالي ولكم جزيل الشكر والتقدير
بالنسبة للمطاعم
مطعم الجزيرة و مطعم السفير و مطعم حضرموت ويوجد كفي بالجزيرة جداً روعة يقدم أجمل الأغاني الحضرمية
والأسواق كثيرة بجاكرتا منها الرخيص و الغالي يوجد سوق منقادوا الجديد و القديم و باسار بارو وسوق الاتريوم و سمنقي
وتمان أنقريك و بلازا سنيان و سنيان ستي و كلابا قادينج و شيمباكا ماس و بلازا اندونيسيا .. وانصحك بزيارة دنيا فنتازيا
وسي ورلد عالم البحار و السمندورا وشاطئ انشول و الجزر القريبة منها بسعر جيد جداً و التلفريك ,,
بونشاك ..
تمان سفاري حديقة الحيوان و زيارة الشلالات السبعة شيبوداس ومنطقة البرشوت و حديقة الزهور ويكفيك الجلسة
بالفلة بالجو الجميل في بنوشاك ..
بالي ..
على بالي ولا انت داري باللي جرالي .. جزيرة ولا أجمل انصحك بزيارتها ولكن تختلف اسعارها عن جاكرتا و بونشاك
انصحك بزيارة شاطي كوتا و شاطي نوسا دوا و جبل البركان و دريم بيتش و شارع لقيان و وتر بوم و القوارب المطاطية
وحديقة سفاري بالي وجبال ابود
ان شاء الله تستفيد اخوي عادل ورحلة سعيدة ان شاء الله واي خدمة انا حاظر ..
متى ان شاء الله رحلتك في اي شهر عشان اشوف الوقت مناسب او لا ..
تحياتي لك ,,