وردة نقية
11-11-2022 - 07:54 pm
السلام عليكم ورحمة الله وبركاته,,,
أخواني وأخواتي الأعضاء الكرام أقسم بالله العظيم والله على ماأقول شهيد.
إن هالمطعم فاشل والله العظيم ان كان اليوم الي رحنا فيه ممطر وكنا تو خلصنا من رحلة المانقاروف ورحلة التلفريك وكانت الساعه تشير.حلوة تشير.
المهم الساعه كانت 2الاعشر ودانا السايق له وكان قريب من طريقنا.وجينا وطلبنا صحنين شوربة عدس لي ولزوجي وطلبنا رز وعصاير.
والله ان العصير جا اكثره ماء،وطول علينا ولما كلم زوجي الي في المطعم قالت الشوربة خالصة والرز مافيه
عصب زوجي ونادى المسؤول طلع المسوؤل وصاحبه واحد سوري تخيلوا من الجنسية العربية السورية. وكان زوجي طالب ربيان وبعدين كنسل الطلب.
لما جا السوري قال لزوجي: انت لي طلبت الربيان ليش تكنسله قال زوجي مابيه
وبعدين شلون تقولون فيه شوربة عدس وبعدي انطر ساعه واخرتها تقولون مافيه اخرتوني على عرض التماسيح مايصير جذي
قال لزوجي الحين بيكون عندك الطلب
ولا يجي الطلب رز قديم يمكن من الزباين الي قبلنا وبارد ثلج ولما زوجي كلم السوري مرة ثانية قاله شنو هذا
تدرون شنو رده
بدك ولامابدك روح هايدي الموجود
والله العظيم عصبت انا بغيت ارد عليه هو ويا وجه على هالاسلوب:112:
واخذ منا الفلوس على شئ مايسوى واخرتها السايق المسكين ماعطوه هو بعد اكل. وانا طول ماني قاعدة اشوف الخليجيين محد يقعد يطلبون ويمشون بسرعه ماعجبهم
والله العظيم اني حلفت اني انزل الموضوع بالمنتدى علشان ماتغلطون غلطتنا.
وليومكم هذا وانا اتحسب عليه ليش الناس لعبة عنده.
واسفة طولت عليكم.
اغلب المطاعم العربيه في اي بلد اوروبي او آسيوي للأسف كلهم استغلال وجشع
ما احب اعمم - لكن الاغلبيه جذيه