المانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
دلع الخليج
11-12-2022 - 06:49 am
بسم الله الرحمن الرحيم
في البدايه احب اشكر الاعضاء اللي ساعدونى في اجابه الاسئله اللي طرحتها عليهم
(بعدين اسافر- بو سارة-w5r- وبالاخص الشكر الجزيل اللا الاخت بنت الصقور)
طبعا هذا اول تقرير لي في هذا المنتدى...........اعذروني ان اخطات في كتابه التقرير
بالبدايه جدول الرحلة(دوسلدورف =3 ليال = فندق nikko)
(بلجيكا = 6ليال = شيراتون بروكسل)
(باريس =3 ليال = فندق واوريك الشانزليزيه )
طبعا تم حجز الباكج من الامارات للعطلات ..ماعدا شيراتون بروكسل حوالي 38000ريال لاربعه اشخاص كبار وطفله ورضيع) الباكج مع سائق لاخذنا من مطار دوسلدورف
اما فندق شيراتون بروكسل تم حجزه امن احد السفريات الليله ب880 ريال)
بالبدايه كانت رحلتنا ع الخطوط الجويه الامارتيه يوم السبت الساعه العاشرة الاربع صباحا من مطار الدوحه الدولي
ترانزيت مطار دبي
واقلعت من مطار دبي الساعه الواحدة والنصف ظهرا بتوقيت الدوحه ووصلنا مطار دوسلدورف الساعه السابعه والنصف مساء ( الرحله استغرقت 6 ساعات ونصف)
طبعا كانت الاجراءات في مطار دوسلدورف سريعه وسهله والموظفه كانت جدا لطيفه بالتعامل
وعلى طول كان في انتظارنا سائق عند البوابه يحمل معه لوحه باسم زوجي
وغادرنا المطار باتجاه الفندق ( فندق نيكو) الذي يبعد حوالي ربع ساعه عن المطار..
الجو في غايه الروعه مائلا للبروده واثار الامطار في الشارع
طبعا الفندق هادئ ونظيف والغرف ممتازة وموقع الفندق في الحي الصينى كله محلات صينيه من سوبرمارك ومطاعم......
هذى صور الفندق من الخارج:
اللوبي:
احد المحلات بجانب الفندق:
اللفت:
ومن الدور التامن:
وطبعا ماقدرنا نطلع لما وصلنا الفندق ع طول رحنا ارتحنا شوي وبعدها نزلنا نبي نتعشى لان الصراحه ميتيين جوع
بعد ساعه راحه نزلنا تحت ندور مطعم قريب لقينا مطعم مقابل الفندق ياباني مدري صيني
ويوم رحنا له قال احنا بنسكر لان يوم السبت وكل شي يسكر بدري الساعه 10 مساء
ورحنا ندور مطعم ثاني مالقينا كلهم ع وشك انهم يسكرون
وبعدها قررنا ناكل بالفندق وهذي الطامه الكبرى:112::112:
طبعا فالفندق مطعمين مطعم ياباني ولقيناه مسكر ومطعم ياباني بحكم ان الفندق ياباني
وجلسنا فيه طلبنا دجاج وشبس
ويوم جانا الطلب طبق كبير وفيه اربع اقراص صغيرة محشوة بالدجاج....صدمه مايشبع حتى قطوة
طبعا محد شبع فينا والمبلغ حوالي 150 يورو ع شنو ؟؟؟؟؟؟:112::112::112:
وطبعا مافي غير النوم يسد جوعنا شوي الى صباح اليوم التالي
تابعوني


رحلتي الى ألمانيا
التعليقات (8)
الفجر
الفجر
هلا اختي
الحمد لله على السلامة
رحلتك مشابهة لرحلتي قبل سنتين عدا دوسلدوف طلعت لها يوم من بروكسل
واختيار رائع للفنادق ,سكنا بشيراتون بروكسل لكن السعر الي اخذناه ب 490 ريال عن طريق موقع hotelclub ..
الصور حلوه لكن يبيلها تصغير شوي
في انتظار بقية التقرير الممتع ..

رحال نجد1
رحال نجد1
دلع الخليج
يعطيك العافيه على التقرير وصور جميله
بس نبي تفاصيل الرحله ومزيد من الصور.... فضلاً لا امراً ... تحياتي .

دلوعة الفارس
دلوعة الفارس
الحمدللة على سلامتك غريبة ماشفتى المطعم البنانى القريب من الفندق اللى اسمة noahs deli لماتطلعين من الفندق أللى أنت فية تمشين على يدك اليسار ولماتجى الاشارة تقطعين الشارع وتلقينة قدامك واضح

صوت القطار
صوت القطار
متابعينك بس ياليت تصغرين الصور..مشكوره

دلع الخليج
دلع الخليج
الفجر
====================================
هلا والله فيك الفجر ...........وشاكرة مرورج ........وانشالله احاول اصغر الصور

دلع الخليج
دلع الخليج
رحال نجد1
الله يعافيك رحال نجد
وانشالله التفاصيل في باقي التقرير ....تحياتي لك

دلع الخليج
دلع الخليج
دلوعة الفارس
الله يسلمك يالغاليه والله انا مانتبهت لمطعم لبناني هناك
اللي لفت نظري واعجبني وايدد هو المطعم الهندي اللي مقابل فندق نيكو مباشرة في الجهه المقابله للفندق اسمه تندوري عجيب واكله حلال راح اذكره بالتقرير

دلع الخليج
دلع الخليج
صوت القطار
انشالله راح اصغر الصور بصراحه اولمرة بحياتي اكتب التقرير فياليت تعذورني


خصم يصل إلى 25%