قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Moyen Orient
03-09-2022 - 10:11 pm
  1. السلام عليكم ورحمة الله

  2. للحجز والاستفسار يرجى الاتصال بالأخ : عمر :


السلام عليكم ورحمة الله

أثناء تجولي في الدوحة .. لفت أنتباهي أن هناك أستيدويهات للأيجار . وكانت الكاميرا في يدي .. وقلت خلني أسأل عن الشقق وكم أسعارهم .. دخلت المكتب .. وذهب بي إلى مكان الشقق .. إذا بالبناية الجديدة .. والبناية بكبرها بنظام استيديوهات .. غرفة + صالة + مطبخ + حمام ( أعزكم الله ) ..
وفي الليله بسعر جداً مناسب في رأيي .. ( 180 ) ريال .. وفي الأسبوع ( 1150 ) ريال .. على ما أعتقد ..
المكان الله يسلمكم ( في الغانم القديم ) ..
تقريباً مسافة 4 كيلو إلى الكرونيش
5 كيلو إلى سوق واقف
يعني بالعربي في منتصف الدوحة بالضبط .. تقريباً ..
علماً بأن فيها مواقف للسيارات .. وكل شئ متوفر إن شاء الله ..
والمطبخ فيه فرن للطبخ ومعدات الطبخ وغسالة . وثلاجة .. والكثير الكثير ..
الشقق ميزتها انها جديده جداً .. ماصار لها أكثر من 3 شهور .. ونظيفة ..
صورت لكم كذا صورة للشقة .. وان شاء الله تنال على إعجابكم

للحجز والاستفسار يرجى الاتصال بالأخ : عمر :

9وفي بعد شقق لنفس الشركة .. لكن قلت لهم باجي بكرة باصور لكم .. وراح أوافيكم بآخر أخبار الشقق في الدوحة .. لأن الشقق في الدوحة جداً منسيه .. من جميع النواحي .. وأحب أبشركم أن هناك شقق كثيرة أنفتحت في قطر .. وراح أوافيكم بآخر مستجداتها
مراسلكم
بومحمد
الدوحة - قطر


التعليقات (9)
البدر
البدر
اخاف انها لك يا بومحمد
علشان ماتسوي لنا دسكون
قول الحقيقه
تراني احب امزح
والله يعطيك العافيه

Moyen Orient
Moyen Orient
لا يالغالي ماهي لي ..
أنا على قد حالي .. دكان يبيع سمبوسة وكيما ماعندي خ
شكراً على مرورك

سفاري للسياحة
سفاري للسياحة
الله يعطيك العافية بومحمد

Moyen Orient
Moyen Orient
هلا بالغالي
الله يعافيك
ويشرفنا زيارتك وتعليقك على الموضوع ..
تحياتي لك

رفيع الشان
رفيع الشان
الله يعطيك العافيه يابو محمد ياشعلة نشاط :kashkhah:
أنا إنشاءالله رايح الدوحه بعد إسبوعين تقريبا وإنشاءالله أسكن فيها بإذن واحد أحد
مشكور وماقصرت

BON VOYAJE
BON VOYAJE
مشكور وجت في وقتها هالاستديوها ..بس هل فيه اماكن للتمشيه بقطر غير الكورنيش

راحل
راحل
شكرا أخوي أبومحمد على هذه المعلومات القيمة .

بنت البحرين
بنت البحرين
bon Voyaje
الدوحة تغيرت مو مثل قبل
الحين فيها مجمعات وكل شي
عندهم مجمع السيتي سنتر
واللاند مارك
وفيه مجمع في الريان على ما اعتقد نسيت اسمه فيه مدينة العاب للأطفال وايد حلوة
هذا غير المطاعم والسينمات
والكورنيش
وفيه جزيرة النخيل ممكن تروح لها بالقارب فيها قعدات وايد حلوه وتصلح للعوايل
وفيه ملاهي علاء الدين
وحديقة الحيوان
والاسواق ( سوق الجبر وسوق الدوحة وسوق واقف وسوق العلي )
ممكن تاخذ لك جولة بالسيارة وتتمشى في شارع السد
وممكن انك يوم تروح تتقهوى في الرتيز كارلتون
وممكن انك تتعشى في احد المطاعم الموجوده في فندق الانتركونتننتال مثل المطعم الهندي وفيه مطعم حق السي فود
بعد شنو نسيت والله
ولا تنسى تمر على مطعم بيروت
هذا مطعم يبيع الحمص والفول والمسبحه
بصراحة اكله فضيع ( تك أوي )

بنت البحرين
بنت البحرين
مشكور اخوي بومحمد
والله يعطيك العافية
وننتظر منك البقية


خصم يصل إلى 25%