لندن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبو مانع
17-12-2022 - 01:49 am
السلام عليكم ورحمة الله وبركاته
كانت لنا رحله السنه اللي طافت رحله الى الريف الانجليزي وكانت جدا جميله وممتعه
واللي ماشاف الرحله وحاب يطلع عليها يلقاها في هالرابط
https://artravelers.com/p/re/122254
هالسنه حبينا نروح الى الريف الانجليزي بس بعد كنا محتارين وين بتكون وجهتنا
وبعد بحث وتحري مع الشركات البريطانيه استقرينا ولله الحمد على المكان ويازينه من مكان
وهو قريه اسمها هونيتون ( Honiton ) وتبعد عن لندن قرابة 3 ساعات بالقطار
وكانت رحلتنا هي الى منتجع جميل جدا جدا واستأجرنا فيه شاليه ( كوخ ) مباشرة على البحيره
تفاصيل الرحله
اسم القرية : Honiton
اسم المنتجع : Otterfalls
موقع المنتجع على النت : http://www.otterfalls.co.uk
طريق الوصول لها من لندن : عن طريق محطة waterloo
البعد عن لندن بالقطار : 3 ساعات بالقطار
سعر التذاكر : 120 باوند لعدد 5 أشخاص 3 كبار مع طفلين ( والأطفال أقل من 5 سنوات مجانا )
(( نصيحتي للعائلات أخذ باكج عائلي يطلع أرخص وهالبكج تقدرو تبلغو اللي يقطع لكم التذاكر وهم يعرفو )
سعر المنتجع : 665 باوند اسبوعيا أو 460 باوند لمدة 4 أو 3 ليالي
وهنا تلقو كل تفاصيل الأسعار وكل توقيت له سعره
http://www.otterfalls.co.uk/prices2.html
طريقة الحجز للمنتجع : أكثر من طريقه للحجز لهم والأسعار نفسها عندهم كلهم
الاولى : عن طريق موقعهم المذكور بالأعلى
الثانيه : عن طريق شركة توماس كوك http://www.thomascook.com/
الثالثه : عن طريق شركة هوسيسن الرائده في هذا المجال http://www.hoseasons.co.uk/
عند وصول المحطه أخذ تاكسي من محطة هونيتون الى منتجع Otterfalls بقيمة 15 باوند والمسافة حول 6 ميل فقط
الايجابيات : المكان رائع ويستحق الزياره وايجابياته كثيره
السلبيات : تكاد تكون معدومه لو أخذت استعدادك لهالرحله وعملت حسابك واشتريت معك كل أغراضك من أكل ومعلبات وماشابه
==
بسم الله الرحمن الرحيم
بعد ماتوجهنا من السكن في لندن الى محطة واترلو أخذنا هذا القطار وكان واسع وجدا مريح
والمناظر الجميله طول الطريق كانت رفيقنا الى ساعة الوصول
هنا لحظة الوصول الى المنتجع وهنا الاستقبال الخاص بالشاليهات
وهذا الشخص اللي فعلا حببنا فالمكان من خدماته ومايقصر معنا بأي شي نطلبه
وهو اللي يدير المكان مع زوجته ويتغاضون عن الشروط المكتوبه عندهم في اللوائح لارضاء زبائنهم
وهذا الريسيبشن ( الاستقبال ) من الزاويه الثانيه
الطريق الى الشاليهات ( الأكواخ )
وهذا الشاليه اللي سكنا فيه وكان المكان والجو قمة الراحه والاستجمام
وهذا حبيبي مانع ونظراته على هالمكان وجماله
كل المناظر حولك نفس هالمنظر ... ولكن عالطبيعه أكيد أحلى
طبيعه ممزوجه بأجواء شاعريه .. مالنفس غنى عنها
وبصراحه الروائح حولك بعد لها طعم غير وبالأخص انها منطقه كلها وأعشاب وطبيعه
الكوخ عباره عن غرفتين وصاله ومطبخ والله يعزكم حمام
صوره للغرفه الاولى وهي عباره عن سرير كبيره مزدوج
والغرفه الثانيه عباره عن سريرين منفصلين
وهذا المطبخ مجهز بكل المعدات .. ولو نقص أو احتجت أي شي تطلبه منهم ومايقصرون
وهاذي الاطلاله البانوراميه على البحيره والنسيم البارد
وان شاء الله للصور والحديث بقيه
اخوكم
أبو مانع


رحلتي الى بريطانيا
التعليقات (9)
مستر عبدالعزيز
مستر عبدالعزيز
لبحمدالله علي سلامتك وسلامة اخوياك
متابع معك وشكل الرحله ممتعه

DUDE911
DUDE911
الحمد لله على السلامة أخوي...
يا سسلام على الريف الانجليزي وطبيعته الخلابة...
سجلني من متابعينك...

صوت القطار
صوت القطار
ماشاء الله مناظر جميله متابعينك

abdulwahab
abdulwahab
ما شاء الله صور روعة
الله يعطيك العافية

redjoory
redjoory
رائعة تلك الصور التي تحدثت عن جمال الطبيعة ..
سبحان من أبدع في خلقها ..

ورد طايفي
ورد طايفي
ماشاء الله تبارك الله
مشكور اخوي بو مانع ع الصور الروعه
الله يعطيك العافيه ان شاء الله
وكنت بانتظار التقرير من يوم ماوعدتنا بالصور
متابعينك اخوي
ورد طايفي

المسافرة من قطر
المسافرة من قطر
متابعين وبقوة ياالله ماأجمل الطبيعة وتصويركم الرائع
هالصورة خيال

faris2k
faris2k
يعطيك العافية اخوي ابو مانع
متعك الله بالصحة والعافية
تحياتي

lamoon_08
lamoon_08
عجيب والله عجيب تسلم يد اللي خذت هالصور الروعة... شكراً بومانع.. خذيتنا شوي شوي من جو الحر والرطوبة....


خصم يصل إلى 25%