- وهذا انطباعى لاول يوم للفندق .
باول اقولكم رمضان كريم ،،، ومبارك عليكم الشهر الفضيل
ويعود عليكم بالصحة والعافية يارب
وبعدين والحمد الله علي سلامة كل من سافر هذي السنة 2008 م
وطبعا ابدي اعجابي باهل البحرين وخصوصاً بالديرة وبصراحة انا أول مرة ازورها وراح اقولكم وين رحت وشنو شفت ( بس ها لحد يقول وين الصور انا صورت بس ما اعرف اشلون انزلهم بس اغلب الصور تكون شخصية للعايلة ) .
طبعا كانت المغادرة من دولتى الحبيبة الكويت فجراً الساعة 4 الفجر صلينى ومشينا وكان الجو روعة وانت تشوف الشروق سبحانة الله وكانت السفرة يوم السبت 27/07/2008 وطبعا علي طريق البر
واما السكن كان في منطقة الجفير ( إيليت 5 ) وبصراحة كان حلو وهادي للغاية ودار مدارنا كله شقق فندقية وبصراحة نظيف والغرف وسعية ويحتوي علي مسبح للسباحة ، وصاله الالعاب الالات الرياضية والبليارود وسونا نسائي ورجالي طبعا كلهم في الدور الثامن .
وهذا انطباعى لاول يوم للفندق .
طعبا اول ماوصلنى دخلنا البحرين الساعة 8 صباحا او 9 ورحنى تريقنا في مطعم هندي بو لاعيال دليل للبحرين ويكون في شارع المعارض تريقنى والحمدالله وبعدين رحنى للشقة ،،،،،، طبعا ريحنه ،، وعلي الساعة5 عصر اتجاها رئاسناً للسوق واكيد اول شي الي مجمع السيف و الحمدالله كان في خصومات حلوة طبعا حريم مايصير مايشترون وتغدينا في مطعم ( ملح زاد ) بناء علي الطلبات المتكررة بالمنتدي الطيب وبصراحى اخص كل الشكر والتقدير لمن وضحلنا الاماكن المميزة بالبحرين ومطاعمها
- * واما ثاني يوم لنا رحنى لمدينةالالعاب المائية ( جنة دلمون المفقود ) وبصراحة صج مقفود وعلي كلام الناس ( البحرين اصغيرة تفرينة بسرعة ) بل بالعكس شفناها كبيرة بحجمها واهلها ،،،
والله طريجها بعدين واحنى نمشى وبعدين وصلنى بس تستاهل العنوة حلوة ونظيفة وتستاهل المبلغ 13دب للكبير واما الصغير 8دب .
والعصر رحنى تغدينا في مطعم الاصفهانى بشارع المعارض علي الساعة 5.30 تقريبا ورحنى بعدين سوق بوابة البحرين بس كان حر واعيالي ملو من المشى وطلعنى بسرعة ورحنى مجمع البحرين
والله انا واايد استانست عليه شريت تشري موطبيعى فيه انا واعيالي واللي يحلي ان في محلات موموجودة بالكويت وبعد فيها خصومات .
- * اما ثالث يوم رحنى للغدا في مجمع الدانة ( بس بصراحة ماعجبي لأن مكان الأكل مونظيف صوب المطاعم فمارتحنى فيه بس تغدو اهم الشي اعيالي وبسرعة طلنى وكان نوعا ما وايد هادي ) عكس المجمعات الثانية ،،، وبعدي علي العصر رحنى سوق المحرق للطلب الحلوي وسنبوسة بالمكسرات والله سوينا طلبيتنى لاستلامها قبل السفر ،،، والله افترينا في سوق المحرق للعبي وطبعا فصلتلي جم عباية انا واختى والله اسعار كانت واايد زينة ارخص من العبي بالكويت .
اما الايام الباجية كانت اماكن الترفيهية لليهال ومجمعات منها ( العالي وشيراتون الجديد ومجمع السترة وكان توي فاتح مو كل المحلات فاتحة اهناك .
واما الر جوع كان يوم 31/07/2008 الخميس العصر وكانت الرحلة حلوة وخفيفة لالقصى حد وعن انطباعي للمملكة البحرين ودي ازورها مرة ثانية بس ان الله سهل علي العيد الاضحى تكون الاجازة طويلة
وحتى اعيالي يبون يروحولها مرة ثانية .
وطبع اكرر شكري كل من الاعضاء اللي كانوا حاطين موضيعهم لديرة البحرين وان شالله اكون وفيت في مشاركتى للمنتدي الطيب واي سؤال انا حاضرة لكم
