حياك الله اخوي دب بس سريع .. مكينة الصرف اللي تسحب اكبر
مبلغ حسب علمي مكينة صراف بنك هونج كونج في مركز التجارة
العالمي والمكينه فيها لغه عربيه واكبر مبلغ اربعه مليون ..
والسؤال الثاني اذا تقصد طيور اقدر اساعدك غيرها ماعندي خبر..
تحياتي لك

دب بس سريع
حي الله دب بس مسرع بخصوص الصرف الله يسلمك ان كنت في جاكرتا في مكتب امام فندق السنترال ابو نبيل يصرف احسن من اسواق الاتريوم وغيرها واحنا مجربين اما لو كنت في الجبل بونشاك عندك الحضرمي الا ساكن فوق دخلتة مع دخلت مكتب عباس واسئل عنه راح تلقا الصرف احسن من كل المكاتب الموجودة في الجبل برضو انا مجربها هناك .
وبخصوص الحيوان الله يسلمك اعتقد والله اعلم انها عادية راح يحطو القفص في محل مخصص للحيوانات مثل ما فعلو معي انا اشتريت بس(قطو سيامي)من الاسكندرية وجبتة معي وعبيت استمارة علشان الاستلام من السعودية وكل شي مشي تمام التمام ..
تقبلو تحياتي
نصيحة:
لاتصرف الفلوس كلها دفعه وحدة قولي ليش اولا اذاصرفت الفلوس كلها بسعر 9084 للدولار
تخيل طلع الدولار ويصير 10000 روبية يعني المية دولار = المليون :upset: ايش راح تسوي
فنصيحتي انك تصرف جزء جزء يعني 200 دولار كل يومين
تقبل تحياتي

اتوقع االحيوانات لازم يكون لهم جواز سفر ....
واتوقع بالإستماره هذي إلي تعبيها يطلعون لك جواز بعد كم يوم ...

اتوقع ان مكينة ستي بنك الي في الاتريوم تصرف اكبر مبلغ على ما اذكر
اما موضوع الحيوانات فما عندي خلفية للاسف

هلا دبدوب...بالنسبة للحيوان خذها مني وخل عنك يقولون...لازم تأخذ له شهادة صحية من اندونيسيا تثبت خلوه من الامراض السارية والمعدية علشان يتم فسحه من قبل المحجر الحيواني والزراعي عند وصولك للسعودية والا الله يعينك على حجزه عند المحجر كم يوم على ذمة التحقيق والتفحص والتمحيص ويمكن يفسح ويمكن يحجر عليه خوفا على الحياة الفطرية عندنا اللي مافيها الا الضبان الا اذا كان ودك تجيب لك ضب من هناك عاد شئ ثاني..وياحبذا تقوم بتصديق الشهادة من قبل السفارة السعودية بس مو اجباري...
بالنسبة للسؤال الثاني : على خبري والله اعلم ان مكينة الصراف اللي تابعة لبنك city bank المركز الرئيسي في جاكرتا تصرف الى 10.000.000 روبية يوميا وللمعلومية اذا كان حسابك الجاري في البنك السعودي الامريكي ترى لهم رقم مجاني تقدر تتصل عليهم من اندونيسيا وتكلمهم براحتك وببلاش..تقدر تتصل على البنك السعودي الامريكي وتسألهم عن الرقم المجاني اللي تقدر تتصل عليه في اندونيسيا ويربطك مع البنك هنا في السعودية..وبالنسبة للمبلغ اللي تقدر تصرفه انا اعتقد ان نسبة البنك على المبلغ المسحوب تساوي 2,5% او خمس وعشرين ريال على كل مبلغ تسحبه ايهما اكثر...يعني اذا سحبت مايعادل 1000 ريال راح يخصمون 25 ريال واذا سحبت 100 ريال راح يخصمون 25 ريال..باختصار اسحب بحدود الف ريال في كل مره مو اقل ...ولك تحياتي

اخوي الدب السريع بالنسبه للحيوان اللي بتجيبه معك
اعتقد انك لازم يكون له جواز وصوره وخلفيتها بيضاء وتستخرج له فيزا مفتوحه
وإذا وصلتو بالسلامه لازم يكون لها اقامه ساريه المفعول والله يعينك على مكتب العمل والجوازات والتأمين الطبي
توصل بالسلامه اخوي الدب المستعجل

بالنسبة للحيوان ماعندي خبر تكفي البساسة اللي ماله كل مكان بعد تبغى أجيب زود !!!!
وبالنسبة للصرف ياعزيزي المبلغ اللي تسحبه عليه عمولة فإذا كنت تقصد في السحبة الوحدة فما راح تفرق معك لأنها عمولة على المبلغ وإذا كنت تقصد السحب في وقت واحد وأكثر من مرة عندك بنك الرالجحي حقهم bca و bii سبعة مليون نسمة . . .. . قصدي ربية
على فكرة كلام سعود 100% وكلام أخونا أبو سلطان على العمولة 100% بس تختلف النسبة من بنك لآخر .
أما أخوي توكس . . . . قصدي TwinsX ما ساتوعب السؤال صح علشان كذا صار عنده لبس . . . تحياتي يا TwinsX . .

جايكم ياشباب بس بعد الصلاه

حبيبي دبدوب..احب افيدك بأن مو كل صرافات city bank تصرف المبلغ اللي تكلمت عنه سابقا..انا صادتني مشكلة سابقا واحتجت اصرف مبلغ كبير شوي..سألت فحصلت ان صرافة البنك المذكور في المركز الرئيسي في جاكرتا هي التي من خلالها تستطيع صرف المبلغ المذكور وانا بنفسي قمت بسحب المبلغ المذكور..وللمعلومية المركز الرئيسي يحتوي على عدد كبير من مكائن الصرف في الداخل فالافضل ان تسأل موظفي البنك عن المكينة التي تستطيع ان تصرف منها المبلغ المذكور..كذلك يوجد مكينة لبنك BCA في شارع رادين صالح تستطيع ان تسحب منها مبلغ يصل الى 8.000.000 روبية بس مو دفعة واحده يعني كل مرة حوالي 2.000.000 روبية...بحكم تجربتي الشخصية فأن سحب مبلغ 2.400.000 روبية في كل مرة افضل لأن عمولة البنك سوف تكون بحدود 2.5% يعني بحدود خمس وعشرون ريال على كل الف والمبلغ المذكور يعادل تقريبا 1000 ريال يعني بالمختصر صرفت 1000 ريال والا 100000 العموله نفسها حوالي 2.5% بس اذا صرفت اقل من 1000 ريال مثلا 200 ريال فالبنك ماراح يخصم 2.5% اي مايعادل خمسة ريالات ..البنك راح يخصم الحد الاعلى وهو خمس وعشرين ريال ..وللمعلومية هذه العمولة تختلف من بنك الى اخر فبعض البنوك عمولتها تصل الى 3.5% او خمس وثلاثون ريال ايهما اكثر ( انتبه لموضوع ايهما اكثر)..
بالنسبة لموضوع الحيوان فأنا بحكم علاقتي باصدقاء يعملون في الجمارك افادوني بأنك يجب من ان تحضر شهادة صحية للحيوان وتستطيع ان تحصل عليها من اية عيادة بيطرية هناك وبسهولة تامة والشهادة الصحية هي (تقرير طبي) يفيد بأن الحيوان خالي من الامراض ..فمثلا اذا اشتريت حيوان من محل متخصص في بيع الحيوانات فسوف يقومون بأعطائك الشهادة الصحية بس اذا اشتريته من مكان ليس لديه شهادة صحية فأذهب به الى اقرب عيادة بيطرية واطلب منهم استخراج شهادة صحية ويمكن ان تسألهم من اين تستخرج له جواز سفر ..وللمعلومية فجواز سفر الحيوان يختلف عن جواز السفر المتداول (يعني مافيه صورة ولابيانات) كل مافيه هي مواصفات الحيوان واسمه (طبعا الاسم انت تختارة ) وكذلك نوع الحيوان.. وللمعلومية جواز سفر الحيوان غير مطلوب لدينا بس يمكن مطلوب في مطار اندونيسيا حين المغادرة.. فالافضل لك ان تسألهم في المطار هل مطلوب احضار جواز سفر للحيوان حين المغادرة اما لا وكيف يمكن عمل جواز سفر للحيوان..ارجوا ان اكون قد وضحت كل شئ لك ..وتمنياتي لكم بالتوفيق