الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عالم من الخيال
20-06-2022 - 11:51 pm
السلام عليكم حبايبي هل الكويت الكرام
انا كتبت العنوان عشان اشدكم لموضوعي
انا زرت اليوم متحف الكويت الوطني الذي يمثل تاريخ البلاد ككل ويكون قبلة كل سائح وفخر للبلاد مما تملكة من ارض
بصراحه صدمت مما رأيت
غبار ورمال وحشائش لا تكاد ترى مثلها إلا في الصراء اشجار ميته او تحتضر ارضيات متصدعة ومنها ما هو يحتظر قرفة استقبال مريبه ومن فيها اشبه ما يكون بناطور سجن ينتظرك عند الزنازن غير الصالات والغرف المهجوره داخل المتحف
والله ان هذا هو اللذي رأيت بلا أي مبالغه فهل يعقل كل هذا بأسم مثل الكويت وهل يعقل ان نرى هذا بدوله يفترض ان تعتز بتاريخها
زرت كثير من البلدان لم ارى في حياتي مثل ما رأيته في هذا المتحف
++++++++++++++++
في المقابل داخل صالات العرض عكس ما رأيت خارجها تماما خاصة قسم التراث الشعبي رأيت الترتيب والتنسيق وما يلفت النظر لكن ما الفائده اذا لم تكتمل الصوره في عين الزائر والسائح
اترك الموضوع لأرائكم
تحياتي


التعليقات (9)
ساره2007
ساره2007
ياشيخ كل متاحف الخليج هالشكل !
ولا كآنه في مسؤؤلين !
خلها على الله

bnt_q8
bnt_q8
وين المسؤولين عن المتحف ...
انا الصراحه ما زرت المتحف ومادري شنو تقصد بالضبط ؟؟

عالم من الخيال
عالم من الخيال
شكرا لتواصلكم
الي اقصد بالضبط سوء في التنظيف وسوء في الاهتمام والصيانه والنظافه وعدم التطوير في مرافق المتحف
خاصه الممرات الخارجيه والممرات بين القاعات
لدرجه ان زاير سعودي للمتحف كان بجنبنا تقوله زوجته (( المتحف هذا شكله متحف ))
ههه
تدرون شتقصد
يعني من كثر ما شكله قديم ومكركب على بعضه تحس انه تراث بحد ذاته
لكن الشهاده لله
بعض الاقسام من الداخل من الداخل فقط شي خيال وحلو

alrashedq8
alrashedq8
ترا هذا الحين مجددينه ههه
بس في اماكن قاعدين يشتغلون فيها داخل المتحف
ان شاء الله يبيضون الويه

عالم من الخيال
عالم من الخيال
والله اتمنى يكون كلامك صحيح
مع اني ما شفت شي يدل انهم يسوون اي صيانه او تجديد
تحياتي

عبدالله73
عبدالله73
السلام عليكم والله يااخي الكريم الكويت تاريخها صحراء وبحر كان في السابق في اهتمام بالمتحف بس الان تم تطوير هذه الفكره بانشاء المركز العلمي وتصدق المتحف اخر مره زرته قبل اكثر من25 سنه ايام الدراسه اتمنى لك التوفيق

Toty
Toty
اخوي انا زرت متحف الكويت .. و اعجبني مكوناته والله .. يمكن يحتاج لشوية اهتمام و صيانة .. بس والله متحف

عالم من الخيال
عالم من الخيال
شكرا لأهتمامكم وفعلا اخوي محتويات المتحف حلوه ما اشكك في ذلك لكن الصيانه والممرات والارصفه والتشجير شي يدق الحيل بصراحه
واخوي اللي قال المتحف زمان والحين المركز العلمي انا اقول وش جاب هذا لهذا اصلا حتى من الاسم فرق في كل شي
وبعدين كل بلدان العالم متاحفها هي الباب الاول للسايح عشان يتعرف على تاريخ البلد
خلنا حنا خليجيين وعارفين بعد
لكن لو دخل هالمكان سايح اجنبي تخيل مدى الاحباط
مدري يمكن اني مبالغ بهالشي
او كوني عاشق للتراث والتاريخ والاثار عشان كذا مقهور من اللي شفته
لكن صدوني حبي للكويت واهلها سبب هالغيره على هالمكان
تحياتي

swiss love2001
swiss love2001
انتمنى انشالله الاهتمام اكثر به


خصم يصل إلى 25%