دبي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
*أم المهند*
29-12-2022 - 08:20 am
السلام علييكم
انا مساافره دبي ان شاءالله الخمييس الجاي
وعندي كم اسئلة
1- ايش هو الباص البرمائي؟؟ووشلوون احجز فييه؟؟او ابي اي رقم له
2- نقدر نلعب بسكاي دبي بعباياتنا ولا لا؟؟
3- سمعت عن مساابح جمب برج العرب يقولون انه فييه يووم خااص للنسااء!!ابي اعرف اي يووم الخاص بالنسااء؟؟ ووين مكاانه؟؟وايش اسمه؟؟
4- ايش هي بطاقة سالك؟؟
ودمتم بود


التعليقات (1)
بنوتة الامارات
بنوتة الامارات
السلام عليكم
مرحبابج اختي الكريمة.
1- ايش هو الباص البرمائي؟؟ووشلوون احجز فييه؟؟او ابي اي رقم له
الباص المائي ياخذكم بجولة في دبي ثم ينزل جولة فالبحر وممتع. ويكون معكم مرشد سياحي.
2- نقدر نلعب بسكاي دبي بعباياتنا ولا لا؟؟
ممكن تدخلون بعباياتكم بس لازم يعطونكم واركوت(جاكيت طويل) أسود تلبسينه فوق العبايا عن البرد
3- سمعت عن مساابح جمب برج العرب يقولون انه فييه يووم خااص للنسااء!!ابي اعرف اي يووم الخاص بالنسااء؟؟ ووين مكاانه؟؟وايش اسمه؟؟
تقصدين الوايلد وادي (حديقة الألعاب المائية) يوم الخميس ، مخصص للنساء فقط
من الساعة 9م -لغاية 1 منتصف الليل. وسعر الدخول =165درهم للشخص.
جنب برج العرب بالظبط.
معلومات أكثر فالرابط:
https://artravelers.com/p/re/191790
4- ايش هي بطاقة سالك؟؟
بطاقة تاخذونها من محطات البترول وتلزقونها على الزجاج الأمامي للسياره ، قيمة البطاقة 100درهم ويكون فيها رصيد 50درهم،
القصد منها إنكم تقدرون اتمرون على شوارع معينه لتفادي الإزدحام ،
وحالياً توجد بوابتين على جسر القرهود والثانيه على شارع زايد قرب الإمارات مول
وفي كل مره اتمرون على هالشارع يخصم من الرصيد 4 دراهم.
إذا بتأجرون سياره مايحتاج تاخذون بطاقة سالك المكتب لحاله بيخصم.
ورحلة سعيدة بإذن الله
.


خصم يصل إلى 25%