لاتلوموني على العنوان
لكن فعلا كتبت العنوان وأعنيه
لأن هالموضوع موضوع عالسريع ومختصر وراح يكون هناك موضوع كامل عن نفس المكان
فمابغيت الكل يدخل ويتعب نفسه بالمشاهده ويحرق على نفسه الموضوع الكامل
==
وأعتذر من الاخت ورده لأني انشغلت الفتره اللي طافت وماقدرت أدخل وأقرا الردود
وأشكر الاخت ميسون كونها نبهتني لوجود رد الاخت ورده
==
بسم الله الرحمن الرحيم
منتجع جميل جدا كنا فيه هالصيف أنا والأهل وهو أكواخ ومكان يستاهل الاقامه والمبيت
والعذر الشيخه راح أكتب عنه عالسريع لأن التفاصيل بتركها للتقرير المكمّل بالصور والمعلومات
==
اسم المنتجع
Otter Falls
موقعهم على النت
http://www.otterfalls.co.uk
المكان
قرية هونيتون = Honiton
طريق الوصول لها من لندن عن طريق محطة waterloo
المده بالقطار من لندن الى محطة هونيتون 3 ساعات
أخذ تاكسي من محطة هونيتون الى منتجع Otterfalls بقيمة 15 باوند والمسافة حول 6 ميل فقط
سعر المنتجع = 460 باوند لمدة 4 ليالي
طريقة الحجز = عن طريق شركة توماس كوك السياحيه
موقعهم على النت
http://www.thomascook.com
أو عن طريق شركة hoseasons الرائده في هذا المجال
موقع على النت
http://www.hoseasons.co.uk
==
وهنا صور عالخفيف عنها ... وان شاء الله باقي الصور في التقرير المفصل
هذا الكوخ اللي سكنا فيه وأحلى مافيه كل مافيه وكل ماحوله
وهذا حبيبي مانع ونظراته على هالمكان وجماله
ماتشوف حولك غير هالطبيعه وهالجمال من كل الجوانب
وحولك كله هالمناظر وماشابهها
والمكان بشكل عام من أروع مايكون
وأصنفه راحه واسترخاء من الدرجه الاولى
فاذا كنت من محبين الطبيعه والجمال وفنفس الوقت الراحه والاستجمام وتبحث عن الهدوء
فأكيد هالمكان يلبي احتياجاتك
==
وباذن الله راح يكون لي موضوع مفصل وصور متنوعه عن هالمكان بالتفصيل الممل
وأتمنى من الاخت ورده تعذرني على التأخير
==
مع تمنياتي لكم برحلات وأوقات سعيده
اخوكم
أبو مانع