اثناء سفرتي لاندونيسيا البهية ، ذات الطبيعة والجمال ، ذهبت مرة الى الجبل وجلست فية كم يوم عاد انتم عارفين الجبل وما ادراك ما الجبل،،،،،، تبي طبيعة حدث ولا حرج ....تبي جو بارد موجود ....تبي امطار وبَرد موجود ....تبي ناس طيبين موجود ...تبي مطاعم موجودة ....تبي اماكن سياحية موجود .....وش تبي موجود .
يوم طلعت من جاكرتا الى الجبل ، وانا في السيارة واشوف يمين ويسار ما صدقت والله الي اشوفة ، من الخضار والعشب الموجود يمين ويسار ، والسحاب اللي غطى كل الجبال والضباب اللي يلعب به الهوى يمين ويسار ، كل ما تقدمنا للجبل تزيد المناظر جمال وجمال ، والله حسيت بقمة سعادتي، يا احبابي ما اقدر اوصف والله لكم بس اللي راح يعرف ، مدري غصب سبحان الله ترتاح ، الطبيعة اللي يشوفه الواحد والله تنسيه كل شي .
وانا يوم كنت في الجبل اقوم الساعة 9 او 10الصباح ، وعلى طول عيوني على قمة الجبل ....اذبحوني في السحاب والمطر ، تجي الساعة 11 والا 12 الا هالرعود والبروق في عز (القايلة) والبَرد (بفتح الباء والراء ) تدهر في كل مكان وانا اعيش اجمل لحظات عمري .
يا زين هذيك الايام والله يردها وحنا كلنا بخير وسعادة .
لا تلومني يالربع خويكم شاف شيي ما يصدق .
تحياتي لك.