1. وهي لا تحتك بسكان الجزر وشكلهم معروف سمر وعراض واحجامهم كبيرة


2. ولا تحتك بالسكارى تلاقيم اخر الاسبوع بوسط البلد

أخوكم ناوي إن شاء الله يزور نيوزيلاندا ------
تروح وتجي بالسلامة
لاتبخلو على أخوكم بأي معلومه مهما كانت صغيره أو قد يراها البعض غير مهمه
هي اغلب المعلومات تكون صغيرة
أرجوكم ياشباب أنا ودي اسافر في شهر أغسطس أو سبتمبر - وش أخبار الجو في هذا الوقت كم درجة الحراره؟
طبعا هذا يصادف اشهر الشتاء واغلب الجو بيكون بارد الى بارد جدا راح تلاقي مشاركات لبعض الشباب والثلج يكسو كل مكان
والجو ودرجة الحرارة تختلف من منطقة لاخرى ويمكن ادفاء جو يكون باوكلاند ( من 8 الى 10 ردجات فوق الصفر
وش أفضل مدينه للسياحه ودراسة اللغه الأنجليزيه؟وش أفضل أسكن في فندق أو شقه أو سكن طلاب أو مع عائله؟وش عاداتهم؟ وش يحبون وش يكرهون؟كيف تعاملهم مع العرب والمسلمين؟ وكيف العرب هناك كثير والا لا؟
البلد حلوة وكل مكان فيه مجال للتمشية والسياحة مع مراعاة الظروف الجوية وهناك اماكن خاصة للسياحة مثل التخييم والقنص والتزلج على الجليد وطبعا المدن ما اقدر احدد لاني رحت اوكلاند بس وبالصيف بعد
طبعا الافضل السكن مع عائلة وحاول يكون سكن العائلة قريب من المعهد
ابد من واقع التجربة الشعب تعامله راقي ومحترم لدرجة كبيرة وهناك نقطتين دائم اشدد عليها

وهي لا تحتك بسكان الجزر وشكلهم معروف سمر وعراض واحجامهم كبيرة

ولا تحتك بالسكارى تلاقيم اخر الاسبوع بوسط البلد

واخذ الحذر عند سحب النقود من الصراف لانك قد تكون مستهدف من بعض الغجر او المتشردين خصوصا في وقت متاخر من الليل (الحذر واجب دائما وفي كل مكان حتى بمكة بجوار الحرم) الكلام بين القوسين حتى لا تتوقع اني اخوفك
يوجد في البلد اكثر من 7000 مهاجر عراقي وعرب من جنسيات مختلفة لبنان الصومال السعودية
وش اللي يتميز به هذا البلد وهذا الشعب؟
شعب منظم لدرجة كبيرة حتى بالطريق راح تشتاق لفوضى شوارع الرياض
لو حصل حادث ولو بسيط راح تلاقي الشرطة والاسعاف والمطافي
التدخين ممنوع داخل الابنية وفقا لقانون اوكلاند وممنوع الوقوف على العشب
وش أفضل خطوط طيران وكم التذكره؟ وهل أحتاج إلى فيزا والا لا؟
صعب التحديد
انا عن نفسي اخترت الكاثي باسفيك (الرياض هونج كونج اوكلاند ) ذهابا وعودة ب 5250 اظن وفي العودة حاولت اغير شوية بالخط وادخل (هونك كونك جاكرتا هونج كونج) طلعت التذكرت بزيادة 3500 ريال وبطلت
واظن الارخص التاليلاندية (المنامة - بانكوك- سدني - اوكلاند) ب 3700 تقريبا
وش الشيء اللي لازم أحتاجه في نيوزيلاندا ولا أحتاجه في أي بلد آخر؟
خذ معاك سجادة صلاة ببوصلة ومصحف طبعا
لا تحضر معاك اي ماكولات ببذور واذا احضرت لازم تفصح عنها بالجمارك
هناك ثلاثة اشياء نحتاجها دائما بالسفر وفي اي مكان معليش اسمح لي اذكرها
1- العقل
2- الجواز
3 الفلوس
اي شي غيرها تقدر تجيبه من هناك
وش أخبار الإتصالات غاليه والا رخيصه؟
الجوال السعودي على خبري ما يشتغل هناك على شبكتهم
طبعا الافضل تاخد معاك جهازك من هنا وتشتري شريحة من هناك وهي رخيصة بحدود 35 ريال والاتصالات مو ذاك الغلا لكن ناسي بكم
وش أفضل معهد لدراسة اللغه الإنجليزيه؟
المعاهد كثير انا درست بمعهد اسبكت وعيبه كثر السعوديين وكثر الصينيين
أنا ناوي أقعد شهر فقط ، كم أحتاج دراهم ؟
شهر مدة قصيرة على بعد المشوار والدراهم مراهم قصدي الدراهم على حسب اللي تعمله
ان كانك رجال ان بتتصرف كا طالب ماراح تصرف كثير
وان كانك راعي روحة وجية وسهر وبتستخدم التاكسي راح تصرف كثير
انا صرفت ما يقارب 25 الف ريال ب 40 يوم تقريبا
وكم سعر الريال ؟
الدولار النيوزلاندي = 2,3 ريال تقريب ريالين و 30 هلله وطبعا يختلف السعر يوميا
وش أفضل آخذ معي نقدا والا شيكات سياحيه وهل جميع المحلات تقبلها؟
الافضل تأخذ معاك دولارات امريكية واذا جيت هناك تفتح حساب بالنيوزلاندي وتودع فلوسك فيه
شرايك تمر من هنا https://artravelers.com

وش رايكم اروح وحدي والا مع صديق آخر؟
ارجع اقلك ان كانك تبي دراسة فلا ثم لا للصديق
وان كانك تبي فلة وناسة وسعة صدر فدور واحد ثالث بعد
وش الأشياء اللي آخذها معي؟
اتوقع ان فيه حاجة تبي تأخذها معك من كثر ما كررت ها السؤال
آسف كثرت الأسئله بس ودي أعرف كل شيء عشان ما أتوهق تعرفون أنتم بلد الأجناب ماهي مثل بلدنا الله يعزها ...
انت كثرت وبس
اخي الكريم تروح وتجي بالف سلامة وربنا يحفظك ويستر عليك واحنا اخوان واللي نعرفه ما راح نقصر ان شاء الله واكيد الاخوان اللي راحوا بيجون ويشاركون بعد
وعندي سؤال بسيط معليش يعني يمكنه بايخ شوي
يوم انك ناوي تروح باغسطس او سبتمبر يعني بعد اكثر من 10 اشهر ليش تسال من الحين ولا زود حرص
لا تبخلون على أخوكم تراني محتاج لكم
بارك الله فيكم

راح الرجال والا لسى ؟؟؟
كانك مارحت علمني اعطيك كم برنامج يحبه قلبك

راح الرجال والا لسى ؟؟؟
كانك مارحت علمني اعطيك كم برنامج يحبه قلبك

1. 2004, 04:26 Am

أخوي saudimfls يعطيك العافيه وشكرا على هالمعلومات القيمه وأنت راعي الأوله وراعي الأوله مايلحق ;)
بالنسبه لسؤالك هو صحيح بدري على السفر بس أخوك شوي حريص ودي أعرف كل شيء عشان ما أتوهق وأنا أخوك ، وما أستغني عن خبرتك وتجربتك،، بس ماقلت لي شيء عن الفيزا !!!!! والتايلنديه ما لها رحله من جده والا الرياض؟
وبارك الله فيك

أخوي المايسترو
أنا لسى في البلد وإذا عندك لي شي تكفى لا تبخل علينا الله يجزاك خير
وأنت وش أخبارك باقي مسافر والا رجعت؟ عطنا أخبارك اول بأول ؟
الله يعطيك العافيه ،،،،،
حفظك الله

انصحك بمدينه كرايست جيرج .... وخل عنك أوكلاندا ... لما تروح كرايست جيرج راح تدعي لي ... لأني مجرب المدينتين وفرق السماء عن الارض

أنا بادعي لك عشان أنت رجال كريم وإن شاء الله أني لعطيك خبر إذا قررت على أي مدينه والأرجح أنها كرايست جيرج ،،،، علشان أنا عاجبتني طريقة سفرتك ويمكن أسوي مثلك،،،وأنت ماقصرت والله يكثر من أمثالك,,,وإذا فيه ملاحظات لا تتأخر علي بها ،،، وشكر الله لك
الله يوفقك ويجزاك خير

هلا اخوي الغالي
الفيزا مجانية لمدة ثلاث شهور مالم يصدر تنظيم جديد
اما الخطوط التايلاندية فليس لدي علم ان كان لها رحلات من الرياض او جدة
ولكن بعض الزملاء اللي قابلتهم هناك كانوا قادمين عليها ام الاغلبية فعلى الكاثي باسفك
وبالتوفيق دائما
ملاحظة ترى اشهر فبراير ومارس بيكون الجو افضل من اغسطس او سبتمبر