بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



surf surf
رحلتي الى بلاد الشمس (اليابان) يونيو 2008
12-12-2014 - 06:53 am

بسم الله الرحمن الرحيم

طبعا هذا اول تقرير اكتبه في حياتي وتحملوني شوي :36_9_2:

المهم

رحلتي كانت عمل لمدة 3 اسابيع , جاني المدير وقالي تراك بتروح اليابان , عندنا دوره تدريبيه وضروري تروح , في البدايه رفضت مب عشاني ماحب البلد لا , بس من كثر مانسمع ان اليابان اغلى دوله بالعالم ومن هالكلام فا ماتحمست لها , المهم عقب شهر تقريبا وافقت على السفره ورحت للسفاره عشان اعطيهم الجواز وثاني يوم اتصلو علي وقالولي تعال اي وقت عشان تستلمه, وصراحه احب اشكر كل اعضاء السفاره اليابانيه في دولة قطر من السفير الى اصغر موظف لما لمسته من احترامهم واخلاقهم العاليه ..

المهم جا وقت السفر وكانت الرحله على متن الخطوط القطريه , تقلع الساعه 12:50 بعد منتصف الليل متجه الى اوساكا , والوصول راح يكون الساعه 5 عصراً بتوقيت اوساكا , ننتظر ساعتين وبعدها نطير الى طوكيو على رحلة شركة خطوط ANA وهي داخليه ..
طارت الطياره بسلام من مطار الدوحه وبعد ما اعلن الكابتن فك احزمة المقاعد سألت المضيفه كم باقي ونوصل :36_9_2: قالت 10 ساعات
الوقت طويل وانا من الناس اللي يدخنون وراسي اكيد بينفجر :110:
المهم عقب العشا قلت بحط راسي شسوي ماباليد حيله الطريق طويل الا واسمع :thumb_ico
شهالصورت !! الا المدير حضرته من الناس اللي تشاخر :109:
كملت الوقت بمتابعة بعض الافلام الين ماحسيت بتعب خصوصا اني مانمت من يومين , تميت مابين قاعد و نايم لين ماخلص شاحن المدير وتوقف الصوت فانمتلي تقريبا ساعتين وبعدها صحونا عشان الفطور وحاولنا نحرق الوقت بالسوالف الى ان حان موعد وصولنا الى مدينة اوساكا ..

حطت الطائره بحفظ الله ورعايته الى مطار كناساي / اوساكا ونزلنا عشان نخلص الجوازات والشنط , ولما وصلنا الى الجوازات ..

حصل شي يخووووووووف




شنو تتوقعوون ؟




راح اكمل لكم في الجزء الثاني

انتظر ردودكم





المشاركات

Cup Cake Cup Cake
رحلتي الى بلاد الشمس (اليابان) يونيو 2008


يلاااااااااا بليييز تراني متحمسسسسه اشووف صووور لليابان لاني عشت فيها قرابة الثلاث سنووات

متشوووقه اشوفهااا

بس انا عشششت بيوكوهاما .. بسس كنا نروح لطوكيو عششان المسسجد

يلا كمل تقريرك بإنتظاارك


surf surf
رحلتي الى بلاد الشمس (اليابان) يونيو 2008


المشاركة الأصلية كتبت بواسطة Cup Cake
يلاااااااااا بليييز تراني متحمسسسسه اشووف صووور لليابان لاني عشت فيها قرابة الثلاث سنووات

متشوووقه اشوفهااا

بس انا عشششت بيوكوهاما .. بسس كنا نروح لطوكيو عششان المسسجد

يلا كمل تقريرك بإنتظاارك
هلا والله اختي وإن شاء الله راح تشوفين صور كثيره لعدة مدن زرتها

تابعي تقريري وفالج طيب


ryan28 ryan28
رحلتي الى بلاد الشمس (اليابان) يونيو 2008


يعطيك العافيه والحمد الله على السلامه ونحن بنتظار تقريرك


العالمي قلبي العالمي قلبي
رحلتي الى بلاد الشمس (اليابان) يونيو 2008


الحمد الله على السلامه


blue77sky blue77sky
رحلتي الى بلاد الشمس (اليابان) يونيو 2008


انا من متابعينك تفضل ومتشوقين لتقريرك

وياليت تنزل اسعار التنقل واسعار المطاعم والفنادق وصور للفندق وافضل منطقه ماهي؟؟
وهل تعتبر اغلي من اوروبا

والف شكر اخوي


ام فرح ام فرح
رحلتي الى بلاد الشمس (اليابان) يونيو 2008


الحمد الله على السلامة

ننتظر بقية التقرير


surf surf
رحلتي الى بلاد الشمس (اليابان) يونيو 2008


اسف يا اخوان على التاخر لاني سافرت وتوني راد

انتظروني ارد عليكم وانزل الجزء الثاني إن شاء الله


surf surf
رحلتي الى بلاد الشمس (اليابان) يونيو 2008


المشاركة الأصلية كتبت بواسطة ryan28
يعطيك العافيه والحمد الله على السلامه ونحن بنتظار تقريرك
الله يسلمك من كل شر وتابع تقريري وفالك طيب :24:
المشاركة الأصلية كتبت بواسطة العالمي قلبي
الحمد الله على السلامه
الله يسلمك :101:
المشاركة الأصلية كتبت بواسطة blue77sky
انا من متابعينك تفضل ومتشوقين لتقريرك

وياليت تنزل اسعار التنقل واسعار المطاعم والفنادق وصور للفندق وافضل منطقه ماهي؟؟
وهل تعتبر اغلي من اوروبا

والف شكر اخوي
الله يسلمك الشيخ وهل شرف لي انكم اتابعون تقريري وتستفيدون منه ..

بالنسبه للفنادق فا انا وصلت اليابان ولقيت كل شي محجوز من سكن ومواصلات وطيارات وقطارات , لكن هذا مايمنع اني سألت عن الاسعار اللي راح ابينها في تقريري إن شاء الله .. تابع تقريري وفالك طيب :24:

المشاركة الأصلية كتبت بواسطة ام فرح
الحمد الله على السلامة

ننتظر بقية التقرير
الله يسلمج يا أختي ام فرح وتابعيني في الاجزاء القادمه


surf surf
رحلتي الى بلاد الشمس (اليابان) يونيو 2008


الجزء الثاني

وصلنا الى مطار كناساي / اوساكا الدولي , طلعنا من الطياره وتبين ان محد نازل لاوساكا الا 6 تقريبا ً , طلع كل الركاب رايحين سيؤل / كوريا الجنوبيه , المهم ماطول عليكم تبعنا اللوحات اللي ادل على كاونترات الجوازات , يوم وصلنا المكان فاضي وفي كذا كاونتر يمكن 6 او 7 وكل كاونتر فيه موظف فاقلنا امورنا سهالات وبنخلص بسرعه واليابانيين احسن من الامريكان مايعطلون ..
كل واحد فينا راح لكاونتر عشان نخلص جوازاتنا , سألني الموظف ليش جاي ؟ قلتله انا تلقيت دعوه من حكومتكم لحضور دوره تدريبيه ( يتكلمون انجليزي بيرفكت :24: ) سألني عندك مايثبت ذلك ؟ قلتله نعم وهذي الاوراق , تم شوي يطيطق عالكومبيوتر شوي الا قام وقالي تفضل معاي , وين ؟ قالي تعال وانا بخبرك , اطالع حولي الا الي معاي بعد اشوفهم نفس الحاله محولينهم على المكتب :110:

المهم دخلنا غرفه الا فيها كم واحد ينطرون وفيه عائله عربيه مابينهم مثل حالتنا سألتهم كم صارلكم ؟ قالولي ساعتين :110: قلت الله يعين ..
عقب نص ساعه جاتنا وحده تعتذر عن التاخير وسلمتنا جوازاتنا مختومه وطلعتنا على مكان العفش بطريق اخر من ورا المكتب عشانه اسرع , وصلنا للعفش الا شناطنا محطوطين على صوب وواحد قاعد يخزها :114: خذيناها ومرينا على الجمارك وخلصنا بسرعه وتونا طالعين من البوابه وقاعدين نسأل وين المطار الداخلي الا رجال لابس بدله ( مدني ) ويسالنا من وين جايين وشعندكم ووسين وجيم بس عالسريع , قلت لحول مايسوى علينا هالجيه هذا وحكومتهم طالبتنا وكذا شلون عجل لو جايين سياحه :114: المهم الرجال عقب ماخذى المعلومات قال وين بتروحون قلنا طوكيو قال امشو معاي ادريبكم منتو دالين , ركبنا اللفت وعقبها ودانا صوب قطار مادري شلون قايل , ركبنا فيه شوي والا اقلع , اطالع تحت الا مركب القطار على سيور وينقلنا فوق من مبني لمبنى :114: روعنا الله يغربله .. وصلنا المطار الداخلي ودخلنا شناطنا ودشينا داخل مع اجرائات بسيطه قعدنا ننطر ساعه ونص لين ما أعلن عن اقلاع رحلتنا المتجهه لطوكيو والحمدلله بتمام الساعه 10 : 9 ليلا وصلنا طوكيو بالسلامه من دون تفتيش ولا عوار راس ,

اللي تبينلي ان اليابانيين متشددين في اجرائات الحدود بس تعاملهم جداً راقي يعني لاتقول بيعصب ولا بيطنشك يوم تسأله لالا , تحصله يحاول انه يساعدك بأي طريقه كانت ..

المهم نكمل محور حديثنا :109: يوم طلعنا من المطار الا موظف قاعد ينطرنا اخذ الاغراض وركبهم فالسياره ووينك يالفندق وانا ميت ابي الرقده يومين ونص مارقدت ..

وصلنا الفندق في منطقة روبنجي مقابل طوكيو تاور , صراحه الفندق ماعجبني مب عشانه مب نظيف لا , بس مب شرح ولاعت كبدي منه:36_1_2: عشان كذا ماصورته واصلا مابت فيه الا ليلتين وعقب طلعت منه . المهم عقب ماحطينا اغراضنا فالغرف وريحنا شوي وصلينا قلنا ننزل نستكشف شوي المنطقه حول الفندق وناكل لنا في مطعم ونرد نرقد بعد يومين طوال , رحنا شارع كله مطاعم ورا طوكيو تاور تعيشنا في فاست فود عشان دارين انهم بوذا واكلهم فالذبح مب حلال
وهذا الشارع


طوكيو تاور يبين من الخلف



ردينا عقبها للفندق عشان نرقد , عاد انا مارقدت عدل تدرون تصلب طياره رقبتي تقوقعت من الكرسي كأني مسافر فسياره وضارب خط الفين كيلو , والله احس اني اون وانا راقد تقولون شيبه :109:
من الساعه 6 ونص ( الغبشه ) الا تيلفونات الحجر ( الغرف ) تصيح لحول شالسالفه الا قالولنا يالله قومو وراكم دوام , لحوول تونا واصلين عطونا راحه نبي نرقد :110: قالولنا :108: مافيه لازم تقومون تتريقون عشان الساعه تسع عندكم إجتماع :112:

المهم قمنا وصلينا وتريقنا واعلنا المغادره للدوام :110:

وهذي صور الطريق





هذا فندق ANA TOKYU HOTEL بجوار سفارة المملكه العربيه السعوديه في منطقة روبونقي





المهم رحنا لدوامنا وكان متعب جدا :36_1_10: من 9 لين 6 المغرب اووووف ويحاسبونا على الثانيه لاتطلع لادخن لاتكلم فالتيلفون ولا ولا اول الايام صراحه تعبت بغيت ارد الدوحه وعقب تعودنا على طبعهم

اول مارديت من الدوام قلت خلني اروح استكشف المنطقه قبل ماتظلم الدنيا بس ماصورت الا صوره وهذي هي



اليوم الثاني رحنا الدوام للعصر وعقب قالولنا بنوديكم هيروشيما وكيوتو وبتمون هناك اسبوعين لان العمل بيكون بهالمدينتين
وهذي صور الطريق واحنا رايحين المطار




الجسر المعلق بطوكيو



اعتقد ميناء طوكيو بالقرب من المطار



وبكذا انتهت رحلتي الاولى لطوكيو وانتظروني في هيروشيما والاحداث والمفاجئات اللي لقيتها , واسمحولي على التقصير بمايخص طوكيو لانكم تدرون اني ماطولت فيها قعدت فيها بس مايقارب يوم ونص وسافرت , لكن فالتقارير الجايه إن شاء الله ابيض الوجه
وانتظر ردودكم
:101:



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

رحلتي الى بلاد الشمس (اليابان) يونيو 2008