بلغاريا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
remoo
16-10-2022 - 08:24 am
السلام عليكم .....
كيف الحال؟؟؟؟
انا توني رادا من بلغاريا واي سؤال انا حاضره
ونبذه عامه الديره اهيا حلوه وحاره الصبح وبارده بليل ودوله رخيصه في
اماكن وغاليه في اماكن ثانيه بس مو وايد
وانا جاهزه لاي سؤال


التعليقات (9)
اماراتي 1
اماراتي 1
شكراً يا remoo على موضوعج هذا
وانا عندي كم سؤال عن بلغاريا وخصوصاً منطقه فارنا ..
كم متوسط اسعار الفنادق الاربع نجوم في فارنا ..
شو الافضل اخذ وياي دولار أم يورو ؟؟
وشو الاماكن السياحيه في فارنا اللي تستاهل الزياره ؟؟
هل فارنا آمنه ليلاً ؟؟؟
وتقبلي تحياتي ..

remoo
remoo
  1. اماراتي 1

  2. اما الاماكن


اماراتي 1

هلا اخوي اماراتي اخوي سنتر فارنا غير عن المنتجعات الي تسمع فيها سني بيج والقولدن ساندس لان كل وحده تبعد ن الثانيه با الساعات
انا سكنت ب سني بيج وكانت معانا مرشده سياحيه بلغاريه وتتكلم انجليزي وكانت تقولنا الافضل السكن في المنتجعات وليس سنتر فارنا لان السنتر غالي مثال للتوضيح الماي بل المنتجع الي سكنت فيه سني بيج اماي بل السوبر ماركت 60 سنت وفي سنتر فارنا 2 ليفا شفت الفرق ؟؟؟وايد غاليه انا اقولك احنا فارينا بلغاريا من الجنوب ليه الشمال كلها رخيصه رخيصه بس فارنا ومنتجعاتها تعتبر عند البعض غاليه انصحك تسكن بل السني بيج ارخص من القولدن ساندس مثل ما قالتلنا مرشدتنا ....
اما الافضل انك تاخذ طبعا يويو وهناك تصرف على حسب حاجتك ليفا بس لاتصرف بفارنا لانها غاليه احنا صرفنا في المدينه الي فيليكو قبل لانشد الرحال لسني بيج
اخوي بالنسبه للامان انا اتكلم عن المنتجعات امان ولا تخاف الحياة هناك 24 ساعه كل شي مفتوح والشرطه بكل مكان وكل واحد ماشي بروحه ومحد له خص بحد
والفنادق رخيصه انا سكنت في بلانيتا 5 نجوم مايقارب 10 دنانير كويتي بل اليوم بس الاسعار تختلف في شهر 7 و 8عن شهر 6 لان السياحه الفعليه عندهم شهر 7و8 بس مو هذاك الاختلاف

اما الاماكن

انا اتكلم عن السني بيج في جزيره نسيبرا وايد حلوه قعداتها شرحه وسوقها عباره عن محلات صغيره بس حلوه وفي رحله ثانيهانا مارحتها بس الي معانا مدحوها وايد مثل قريه تبعد عن المنتجع ثلث ساعه عباره عن رقصات فلكلوريه واغانب بس ربعنا يقولون وايد حلوه وفيه السفاري جيبات روسيه تمشى فيك بل الجبل بس هم مارحتها لان مجرد التمشي وتاجير سيارات الغولف والتمشي فيها بل المنتجع متعه كل شي فيه المنتجع عجيب بس ها حياة صاخبه لابعد الحدود اكيد انت فاهمني
وانشاله اكون فدتك

hhadi
hhadi
وشنو إنطباعك عن صوفيا هل ذهبت لها أو أحد من أصدقائك تكلم عنها أو زارها من ناحيت الأمان أو الناس

hhadi
hhadi
وشنو إنطباعك عن صوفيا هل ذهبت لها أو أحد من أصدقائك تكلم عنها أو زارها من ناحيت الأمان أو الناس... وفارنا في شهر 11 هل فيها حركه وهل فنادق المنتجع القولدن ساندس مفتوحه

hhadi
hhadi
بالنسبه للعاصمه صوفيا أنا حاب أزورها في شهر 11 شنو إنطباعك عنها هل عندك معلومات لها أو أحد أصدقائك ذهب إليها وما هي نسبة الأمان فيها والناس هل يتقبلون السواح خاصه العرب ...... وفارنا في شهر 11 هل منتجعاتها مفتوحه وفنادقها في أحد في سواح بهذا الشهر

الحرف الأول
الحرف الأول
كم سعر التذكرة ؟
وهل تحتاج فيزا ؟
وشكرا جزيلا

remoo
remoo
  1. hhadi

  2. هلا اخوي وحياك الله


hhadi

هلا اخوي وحياك الله

ايه رحت حق صوفيا ضمن رحلتي الى بلغاريا صراحه صوفيا عاديه ما انصح بزيارتها مو على مستوى العواصم الاوربيه يعني فيها مولين بس صوفيا مول والثاني على ما اعتقد ستي سنتر او شي جذي وفيها مسجد تقدر تصلي فيه بل السنتر ما يضيع
انا سكنت بفندق اسمه festa barselo واهوا 4 نجوم اهوا حلو بس اللوبي صغير وقعدات الخارجيه ابرك من الداخليه مافيه بلكونات وكلا يمه بناء مباني جديده وبعيد عن السنتر تقريبا 7 دقايق بل التكسي فيه مطعمن واحد صاحبه لبناني وهذا الي طحنا فيه فلافل وحمص بس اكله الباجي مو حلال
اما الرحلات السياحيه كلها برا صوفيا رحنا جبل بوليانا يبعد ساعه وشي عن صوفيا ومرينا قريه تعشينا فيها طبعا ماكو حلال كله خضروات واليوم الي وراه رحنا جبل ريلا وطبعا هذه رحله عجيبه ياخذك التلفريك لقمه الجبل وتشوف الجبال الي باقي عليها بعض الثلج من الشتاء وهوا بارد واليوم الثالث قضيناه تمشي واسواق لان عن جد المنطقه مافيها شي يسوى كلا رحلات خارج المنطقه
اما الامان كانت تقولنا المرشده دايما تحذرو من الناش الي اشكالهم غريبه انا شفتهم اهوا غالب الظن الغجر يبينون اما الامان ممتاز وما شفت من الي سمعته ماكو شي بس للامانه احنا حدنا 10 وشوي برا الفندق ربعنا والله كانو يرجعون 1 بس انا بل البدايه كنت ايفه بس صج حجي فاظي ان الديره تخوف ....
واما ناسها كانو بس يخزون فينا بس مالهم خص فينا يعني خز وبس وهذا متعودين عليه بدول العرب
اما فارنا بشهر 11 السنتر اكيد موجود لان ناس عاديين عايشين فيه بس القولدن ساندس وسني بيج وباجي المنتجعاتاكيد مصكره لانها بس حزة الصيف
وانشاله اكون فدتك

remoo
remoo
الحرف الأول
هلا اخوي اكيد تحتاج فيزا احنا عطيناها لمكتب الدبوس بل الكويت لانه اهوا متخصص ببلغاريا تقريبا 30 دينار للشخص
اما التذكره انا اخذتها نظام قروب 400 دينار شامل تذاكر وفنادق الاربعه ومواصلات من مكان ليه الثاني مع مرشده وهذا الي فادنا لان ناسها مايتكلمون انجليزي وايد بس هذي طبعا عروض شهر 6 لان الاسعار تتغير لشهر 7 و 8
وانشاله اكون فدتك

redjoory
redjoory
remoo
أول شئ حمدلله على السلامة ..
ثاني شئ .. ماعندي أي سؤال .. لكن ..
ليش ماشفنا تقريرك عن بلغاريا ..؟؟
نبى شي قوي في البوابة ... ممكن ..!!


خصم يصل إلى 25%