للرفع عشان يشوفها الشراح وبقيه الأعضاء الى يقدرون يردون على أستفساراتى
السايق والسياره بارك الله فيكم إذا تعرفون

السلام عليكم ورحمة الله
أخوى ممكن تفيدنى من خبرتك ,,,
شنو أفضل بنا المدينه أو فنخرولا للسكن العائلى وشنو أفضل المنتجعات فيهم كمستوى وأمان (ومومهم السعر)؟
فنخرولا افضل واونس وبعدين فيها مسجد جامع وفيها ملحمة الحمراء وشاطئها اجمل شاطئ في ملقا في رأيي
شرايك بهالسكن altos del higuerron فى بنا المدينه
هذا صراحه ما اعرفه ولكن عموما المنتجعات تكون بعيده عن السنتر وتكون المواصلات صعبه منها واليها يعني لازم سيارة خاصه
بخصوص المواصلات هل تنصحنى بتأجير سياره مع سايقها أو نستخدم التكاسى نبى الأوفر بالمواصلات ؟
الاوفر المترو والباصات وهي ممتازه من حيث المواعيد والانتشار والامان التي لايصلها الترو والباص يكون صعب قليله يعني البورتوبانوس وماربيا بالتاكسي والباقي باص او مترو
للتوضيح مانقدر نأجر سياره أحنا نسوقها يعنى لازم سايق
الطيران الداخلى شنو الأفضل والأمن ؟
مشكلة الطيران الداخلي اذا تم الحجز من الصعب تغييره او الغاؤه يجب الانتباه والتاكد من التاريخ والوقت واعتقد ارخص خطوط http://spanair.comأبى ترشحلى مكتب سفريات بالكويت أحجز عن طريقه السكن والطيران الداخلى إذا فى مكتاب تحجز طيران داخلى
بالنسبة للطيران الداخلي من النت اعتقد احسن
اما المكتب فهو مكتب البدر في مجمع السفريات بس ما اعرف تلفونهم واذا تبي الوصف هذا ايميلي[email protected]
وبالتوفيق

أهلا أخوى وشكرا لك بس تحملنى شوى بتعبك بالأسئله بصراحه أول مره نروح أسبانيا ونبى تفيدنا :$
ماعطيتنى رايك بخصوص السايق والسياره أوفر من التكاسى والا العكس؟ طبعا الباصات بتكون للرحلات بس
شرايك ببينا المدينه أو ميخاس للسكن بعد ماعرفنا رايك بفنخرولا ؟
فنخرولا دورنا فيها سكن بس بصراحه كلها مستواها مادرى عادى ماحبينا فنادقها وشققها
عشان جذى بدينا نفكر ببينا المدينه أو ميخاس ياليت تعطينا رايك
سفريات البدر أعرفها وطلعت رقمهم
وشكرا لك وأعتذر تعبتك بالأسئله

Beatriz Palace & Spa هذا يبعد تقريبا 2كيلومتر عن فنخرولا
Radisson SAS El Marques Resort & Spa هذا يبعد عن فنخرولا 3 كيلومتر

1. شرايك ببينا المدينه أو ميخاس للسكن بعد ماعرفنا رايك بفنخرولا ؟


2. عشان جذى بدينا نفكر ببينا المدينه أو ميخاس ياليت تعطينا رايك

أهلا أخوى وشكرا لك بس تحملنى شوى بتعبك بالأسئله بصراحه أول مره نروح أسبانيا ونبى تفيدنا :$
ماعطيتنى رايك بخصوص السايق والسياره أوفر من التكاسى والا العكس؟ طبعا الباصات بتكون للرحلات بس
على حسب المشاوير بس اتوقع التاكسي اوفر من السيارة مع سائق لأنكم راح تدفعون سعر تأجير السيارة +السائق+الوقود والباصات راح تكون للتنقلات الداخليه يعني من فنخرولا او بين المدينه حسب السكن راح تروحون بالباص لميخاس مثلا او مرينة بين المدينة وبالمترو ممكن تروحون للتلفريك و مدينة الملاهي وملقا سنتر وملقا رنقي مجمع تسوق وتوريمولينوس اما التاكسي راح يكون لماربيا والبورتوبانوس اما باص الرحلات راح يكون للمدن التالية قرطبة وغرناطة واشبيلية وحديقة الحيوان السفاري و جبل طارق

شرايك ببينا المدينه أو ميخاس للسكن بعد ماعرفنا رايك بفنخرولا ؟

فخرولا هذه حبيبتي ما يميزها الشاطئ وخصوص ليلا اما بالنهار فصراحة مفاصيخ اما بالليل فتجد الي يرسم على فحم واللي يرسم بصبغ رش واللي يرسم كراكاتير والي يشكل بالرمل واللي يبيع بطاط واللي يبيع دونات واللي يبيع بافل واللي يبيع تين شوكي واللي يبع مكسرات وحياة كبيره وزحمه فالنهار تقضيه بالرحلات والليل تقضيه بالتمشي على البحر هذا غير القاهي والمطاعم كذالك النطاطيات للكبار والصغار وهناك ملاهي للاطفال وصالة العاب بولنج كبيره ومحلات الآيس كريم المنتشره على طول البلاج وسق الآحد الليلي وسوق المغاربه الذي يغلق في ساعة متأخره من الليل
فنخرولا دورنا فيها سكن بس بصراحه كلها مستواها مادرى عادى ماحبينا فنادقها وشققها
ملقا عموما فنادقها مثل الشاليها من حيث الفرش والفادق اللي تلقاها مفروشه زن اما منتجعات واما تكون اسعارها غاليه

عشان جذى بدينا نفكر ببينا المدينه أو ميخاس ياليت تعطينا رايك

Holiday Palaceهذا منتجع بين فنخرولا وبين المدينة انا بصراحه وايد عاجبني وبعدين من الفندق الى فنخرولا 1.2 يورو و من الفندق الى بين المدينة 1.2 يورو بالباص http://www.tripadvisor.com/Hotel_Review-g562812-d567929-Reviews-Holiday_Palace-Benalmadena_Costa_del_Sol_Andalusia.html
ميخاس بصراحة فنادقها حلوه لكنها شبه مقطوعه يعني اللي ما عنده سياره ما انصح يستأجر هناك وفندق ساس يعتبر منهم
وبالتوفيق

الله يعطيك ألف ألف عافيه
أدرى أنى مصختها بس طلب أخير وماراح أطلب غيره
أنت تقول المنتجعات تكون غاليه مومشكله غاليه المهم تكون حلوه رشحلى أى أسم :$
وألف شكر لك

^^^^^^^
طبعا فى فنخرولا لأنك أقنعتنى فيها

visca el barca
فنخرولا ما فيها منتجعات انا ارشح Holiday Palace وهو بين فنخرولا وبين المدينة وراح يكون المترو قريب من الفندق كذلك الباص والمنتجع به اكوابارك مصغره وهو على البحر مباشرة وتقدر تسهر في فنخرولا وترجع او تسهر في بين المدينة والتاكسي مار اح يكلف وايد اذا تأخرتو عن 12:30 ليلا
كذلك موقع الفندق رائع كل شي قريب سواء بالباص او المترو او التاكسي طب وتخير اسواق واماكن ترفيه وشواطئ
وبالتوفيق واسأل كما تحب ولا يهمك

الله يعطيك العافيه وبيّض الله وجهك