1. الاول :

nokia*nokia
لأهل الخبره في بانكوك ولجميع أعضاء وطاقم عمل وإشراف منتدى العرب المسافرون
تحية طيبة لكم جميعا
ياأخوان أنا متواجد حاليا مع زوجتي في بانكوك بفندق نوفوتيل سيام سكوير
وحبيت أمدد يومين والمفروض يكون الشيك آوت يوم 8 -7-2008
وحاليا ارغب التمديد يومين ابتاء من 8 - 7 - 2008 لغاية 10 - 7 - 2008
المفاجأة بأن نوع الغرفة سويت جونيور وانا ماخذها من الكويت 50 دك
والفندق يطلب سعر الليلة بأضعاف تسعيرة الكويت
الطامه الكبرى ذهبت لمنطقة نانا لأحجز فكانت جميع ردود مكاتب السفريات بأنها لاتتعامل
مع فندق نوفوتيل والسبب كما يقولون : أي حجز لفندق نوفوتيل سيام عن طريق بانكوك تعتبر ملغية!!؟
أتمنى منكم يا أهل الخبره وجود حل لى إذا أمكن مكتب سياحي معروف وثقه وقادر على تخطي هذه المشكله
أهم شي السعر يكون مقارب والمكتب يكون قادر على الحجز من بانكوك ولايعتبر ملغي .
منتظر الردود .
مرحبا اخي الحبيب الله يكون في عونك انا بعطيك حلين بناءا على ما قلت بان كل الحجوزات من اي مكتب سياحي في بانكوك تعتبر ملغيه :

الاول :

اتصل باحد الاصدقاء والا اخوانك او اقاربك في الكويت يمر على نفس المكتب الا انتا حجزت منه ويطلب لك تمديد ويدفع لهم كاش او انك تكلم المكتب نفسه في الكويت و تعطيهم رقم الفيزا ويقصون لك منها ويمددون لك الحجز .
الحل الثاني :
ممكن تحجز بالانترنت مباشرتا
http://www.asiatravel.com/
اخوك ابو بدر

mzen2100
جزاك الله خير يا أخ بوبدر وكثر الله من أمثالك
أقسم بالله شي يرفع الضغط حتى مكاتب السياحيه ببانكوك مالها نفعه مع هالفنادق الحراميه
أهم شي عندهم يمصون السايح بأي طريقة ، عالعموم أنا ناطر لى باجر الصبح وبروح مره ثانيه لنانا
واذا مافي حل بسوي اللى قلت عليه يابوبدر واتصل بأخوي ويضبطها من الكويت
وألف شكر لك والله يوفقك يارب .

عزيزي ..
نفس ما تفضل أخوي بالحل وأعتقد يمكن يكون هذا أفضل لك.. بس بتكون فيه مشكلة شلون يقدر يوصلك الفاوتشر ليه تايلند ؟؟ أهوا فيه حل إنك تعرف شنو المكتب الوسيط مال تايلند مع مال الكويت وتكلمهم دايركت .. أقصد بالكويت لكا تسوي حجز مكتب الكويت يكلم مكتب في تايلند يتعامل معاه ويسويلك حجز ف إنته لازم تعرف شنو المكتب الوسيط وكلمه وتقدر تعرفه عن طريق الفاوتشر مالك إلي عند الفندق ..
وتبي الصج أنا كنت مع زوجتي في سيام سكوير بشهر 2 والصراحة الفندق حلو وممتاز بس للأسف معاملة الريسبشن كلش مو شي ف الله يعينك عليهم

dr_ydentist
أشكرك أخوي dr_ydentist على مرورك لمشكلتي
والله ينور عليك بالنسبه للفاوتشر طافتني ولا كانت بالحسبان من هالمشكله وقف مخي
بس بوجودكم صج نورتوني وبحاول اعرف المكتب الوسيط وانشالله خير
وألف ألف شكر لك وللأخ ابوبدر ويعطيكم العافيه

ليش ما تفك روحك وتدور فندق ثاني ما دام عندك وقت لين تاريخ 8 خذلك كم اسم من الشباب وافتر عليهم و شوف الي يعجبك واسكن فيه (هم تغير )
ولا تعور راسك معاهم ,

عندي لك حل بسيط جدا وهو:
ياخي لا تحسسهم انك في حاجتهم رح باكر الى فندق اللاند مارك land mark واحجز فيه ليلتين وراح تدعي لي
اترك سيام وطقه سيام
ملاحظه: هالمشكله ستأخذ من وقتك الكثير وانت مامددت الا تبي ترتاح وتستانس فلا تعور راسك وهل مع الفندق عليك صك ،،، غيره وافتك منهم

الاستشهادي
أشكر أخواني الاستشهادي ونجيب وكل من شارك وطرح برأيه :
تغيير الفندق مشكله بالنسبه لى والسويت اللى عندي متروس اغراض من التسوق اليومي
وخلاص انحلت المشكلة ودخلت اليوم على مدير الفندق وخفضلي السعر وأخذ زيادة عن الكويت
تقريبا 10 دنانير يعني احسبوها 63 دينار كويتي لليلة
أقسم بالله أنى فرحت بردودكم ووقفتكم معاي وأشكركم وجزاكم الله الف خير
ونعم الأعضاء والمنتدى والله يكثر من أمثالكم
أخوكم فيصل الشمري

بالسلامة أخوي فيصل .. والله يوفقك وتستمتع بوقتك .. ..

الحمدلله علي السلامه زين حليت المشكله
وتوصلون بالسلامه ان شاءالله
وننطر تقريرك بالتفصيل