تايلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بيمو
17-06-2022 - 07:28 am
السلام عليكم ،،
صراحة بعد قرائتي لتقرير الاخت ام الحناين بيض الله وجهها على تقريرها قررت اروح كوسوماي من غير تردد .. فقلت في نفسي انو بوكيت وكوسوماي تقريبا نفس الستايل .. فماله داعي اروح للاثنين .. ولكن كل الناس يمدحون بوكيت وانا اعجبتني كوسوماي .. فما أدري ايش الافضل ؟؟
خصوصا انو بوكيت معروفة اكثر وشكلها راح تكون زحمة اكثر .. ( ادري اني قاعد اقنع نفسي ) .. لكن ودي من الاخوة والاخوات لو يعطوني رايهم الله يبيّض راياتهم ...
اخوكم ابو عبدالاله ،،


التعليقات (9)
أم حناين
أم حناين
مرحبا اخوي بيمو
انا عن نفسي بقولك كوسوماي ثم كوسوماي
صح مثل ماقلت انهم نفس الستايل بس الناس قاعده تتركز على بوكيت اكثر ؟؟ انا جربت بوكيت لكن شدتني كوسوماي
فليش ماتجرب كوسوماي ماراح تندم
تحياتي لك
::
::
::

بيمو
بيمو
الف شكر لك اختي الفاضلة .. لم اكن احتاج الا تأييدك وها قد حصل بالاصرار .. بارك الله فيك ،،
وممكن سؤال مادام صدناك الحين .. بخصوص اني اذا حصلت على الفيزا من المطار ( للسعوديين ) وهي مدتها 15 يوم وفرضاً اني بغيت أزيد المدة اكثر كم يحسبون او يغرموني على اليوم اذا عندك فكرة ؟؟
ومشكور على سعة صدرك مقدماً ...

أم حناين
أم حناين
بيمو
هلا اخوي
لا والله ماعندي فكرة عن هالموضوع بالنسبة للفيزا ... ان شالله اخوانه واخواتنا السعوديين يفيدونك بخصوص هالموضوع .. والسموحه منك
تحياتي لك
::
::
::

بيمو
بيمو
جزاكِ الله خير .. ماقصرتي اختي الكريمة ،،

دولي
دولي
هلا اخوي بيمو
شوف خليني اشرحلك ممكن تتحملني شوي ،،
تروح بوكيت ليش ؟؟؟
1- المزار الاول في تايلند
2- اذا مارحتلها ماشفت تاليلند
3- انت اول مرة تروح عشان كذا لازم تروح للاحلى والاجمل والاضمن
4- ساماوي جزء مصغر من بوكيت
5- بوكيت ،،، مدينه وجزيرة = كبيرة = رحلات اكثر ،، مزارات اكثر ،،، شاطئ عام مفتوح ،،، خيارات الفنادق اكثر ،،،رحلات طيران اكثر ،،، اسواق ومجمعات اكثر
ساموي ليش ؟؟؟
1- في سفريتك الثانيه تشوفها
2- اذا ماودك تشوف اي عربي هناك
3- اذا انت منتب راعي رحلات وتمشي كثيرة
4- اذا انت مانتب مللول
تروحلهم كلهم مع بعض ،،، ممكن بس هذي بحر وذيك بحر نفس الشي
الفيزا ( قلنا كثير من هينا افضل واضمن ) اذا جلست اكثر من 15 يوم
يحققو معك في المطار شوي وياخذو 50 ريال عن كل يوم تقريبا
تقدر تمدد من اقرب مركز شرطه
تحياتي

بيمو
بيمو
حياك الله اخوي الدولي ،،
شكلك خربت سوق اختنا ام الحناين ههه .. الصراحة يالغالي اليوم بعد صلاة الجمعة قعدت اسولف مع اخوي اللي سبق له زيارة تايلند وقالي نفس كلامك بالضبط .. وقال كوسوموي حقت روقان وشهر عسل وبما انك اول رحلة فانصحك ببوكيت .. لانها اكثر مزارات وخيارات من كوسوموي .. والظاهر اني بحوّل على بوكيت ( بعد ماتسمح لنا اختنا ام الحناين ) ,,,
وبخصوص الفبزا اللي اعرفه انو التفييز من هنا للتجارة او ماشابه .. وماعندي خبر اذا ممكن للسياحة وكيف الاجراءات هنا اذا عندك خبر الله لايهينك ؟؟
تحياتي لك يالعزيز ..

اواب
اواب
بالنسبه للتاشيره من السفاره بالرياض بحي السفارات يومين وهي طالعه وطبعا فيزا سياحيه ومدتها 3 شهور
ولاتعقيد ولا شي اهم شي
الابلكيشن تطبعه من النت وتعبيه
الجوازات ساريه المفعول
وصور شمسيه لك ولزوجتك ولابنائك
ومبلغ 130 لكل فرد
وتذكر ذهاب وعوده
وتعريف من العمل
وادخل موقع السفاره فيه توضيح لكل شي ومواعيد الاستلام

بيمو
بيمو
شكرا لك اخوي اواب وماقصرت .. كفيت ووفيت ،، ولو تقولي وين مكان السفارة اكون لك من الشاكريين ..
تحياتي لك ،،

اواب
اواب
في شارع ابن البنا خلف السفاره البريطانيه تقريبا وهذا رقمهم
Tel: (966-1) 488-1174, 488-0797, 488-0300, 488-1507
وهذا موقعهم بالنت
http://riyadh.thaiembassy.org


خصم يصل إلى 25%