Q-T
16-06-2022 - 05:48 am
ابتدا حبي او عشقي للاكل الصيني
في لندن تحديدا منطقة الكوينز وي
بسطرة السكيتنج وقريب من بيتزا هت
في مطعم صيني خيال
منه بديت ابحث وادور عن الاماكولات الصينيه في اسفارنا،،،
من المطاعم الصينيه الي عجبتني
في مطعم بالسولدير رحت له مره بس ماعرف اروح له مره ثانيه
والله كليت اكله حسيت انه الدم الي بريولي يتحرك!!
والله صج خطير واكله لذيذ والمطعم راقي
ياليت لو بس اطيح عليه مره ثانيه
احتمال هالصيفيه اهناك ومراح اخليه
ردينا الكويت الغاليه
رحت كذا مطعم بس للاسف
ماعحبني شي!!
ابي اسئلكم...
شنو احسن مطعم صيني بالكويت
رحت مطعم الهوليدي ان السالميه في مطعم صيني اهناك مادري شسمه،،، موذاك الزود اكله
مطعم صيني في الجابريه،،صوب جسر السره،،،، حده باصج وماله طعم
وابي مطاعم صينيه مو يابانيه
هنالك فرق
ابي مطعم صيني معتبر
يامن يدلني على طريجه ^_^
عشان ماتقولون سويت واجبي
وسيت سرج على المطاعم الصينيه الي بالكويت بالنت
وظهر لي الاتي:
=============
Wok Master
الصراحة كل ما اطلب منه ، أطلب سفري
يعني مادري عن المطعم و قعداته
و هذا رقمه
1===========
أرشح لك المطعم الصيني الموجود في هوليداي إن السالميه ومايميزه وجود كبائن خاصه للعائلات .
هاتف رقم : 847777
وعليكم السلام
مشكور للرد
اذا قصدك اللي اسمه تانج تشاو
ففعلا جربته وهو خوش مطعم
هذا الي رحت له لاخوش مطعم ولاشي ماعجبني
شسوي عقب ماذقت الصيني وعرفته مافي شي يقنعني !!
==================
اكو مطعم صيني خبري فيه من زمان اسمه Greens على ما عتقد..
في بنيد القار على البحر صاير يم عمارة الmbc
تقريبا مقابل فرايديز.. (خبري فيه اهني بس مادري اذا ليلحين موجود)
المطعم تسكر فتحو مطعم ثاني غيره بس صراحه مادري شنو يبيع
===============
خواتي التجريه خير برهان...
مطعم ( ووك ماستر ) للأطباق الصينيه .. نظافه و نزاكه في السالميه ق (4) عمارة السالميه كلينك رقم (7)ت (5750081 ).... من مقبلات و شوربه و ارز و معكرونه الشاومين و المعكرونه السنغافوريه و الدجاج و البط و اللحم و السمك و الربيان و القباقب و الكالاماري و الخضار و ديم سوم (معجنات بحشوات الدجاج و السمك و الربيان) و الحلويات (توفي الموز و التفاح و فاكهة الليجي)....
طبعا من كل نوع فيه اكثر من نوع... تحتارين بس ما تندمين ... ريحه و طعم و نظافه... اصحاب المحل كويتيين و يباشرون مطعمهم اول باول و اسعارهم مو مبالغين فيها.
تعرفون الشارع اللي فيه محل لاباجيت ؟ قباله محل زهور ساشا .. اللفه اللي بعد ساشابعدين تلقون محل آرت شوب... مطعم ووك ماستر حواليه في عمارة السالميه كلينك رقم (7).
متوفر عندهم خدمة توصيل للمنازل (تقدرون ادقون عليهم و تستفسرون) او تاخذون طلباتكم بيدكم
و عليكم بالعافيه مقدما
ثاني ترشيح حق ووك ماستر تبي له روحه واجربه ^_^
منو الحلو والشاطر بعد الي يقولنا على مطعم صيني عجيب