صراحة آنا كل سنة أسافر دولة وبسفرتي أتحسف أحس إن ديرتي كلشي فيها _ باستثناء الطبيعة
بس التغيير طبعا له لذته عشان جذي أنا من هواة السفر ..
اذا بتستانس بالكويت وبغيرها من الدول لازم نعرف ان مافي كمال بالدنيا بس الانسان يحاول يسعد نفسه بطيب نفسه
يعني مثلا العام سافرت لتركيا وقريت عنها الكثير لدرجةاني تخيلت انها جنة من جنات الله
لكن لما سافرت وجدت ان كثير من الناس تبالغ بالمدح والذم ( وصراحة اذا انت حاط ببالك ان الديرة مو حلوة وما تقبلتها ماراح تستانس ) المهم بهالسفرة كنت ماخذة اختي وزوجها معانا وكان طول وقتهم يتذمرون من الحر والغلا و... ، بالرغم انهمكانوا عرسان واحنا عازمينهم لكنولله الحمد انا وزوجي وولدي جدا استمتعنا رغم تضايقنا من امور كثيرة لأنا نحاول نونس عمرنا ونسوي جو بالسفر بالضبط جذي بكل الدول ! هذي وجهة نظري وعشان جذي ناس وايد يجدون متعتهم بمكة اكثر من اي مكان رغم الحر لأن العبادة لها طعم ثاني بس قليل من يجده والله المستعان
الكويت حلوة
اذا انت عرفت السياحة فيها وين تروح وترد الشعب ، الترفيهية ، الابراج ، الشاليهات و...
حلوة بطيب قلب أهلها
حلوة بلذة مطاعمها مثل اورينتال وقيصر باستثناء قيصر حولي حدة كسيف ، وفريج الصويلح ومطاعم كثيرة ماتحضرني الان
حلوة بأسواقها الغالية والرخيصة للي يعرفلها يعني حتى ب10 فلوس فيه أشياء! وفي الغالي واللي يسأل مايضيع
حلوة اذا ما طلعت بالحر يعني انا سويت برنامج لوحدة بتزور الكويت اذكر منه اني قتلها تطلع الساعة6 الصبح تتريق بمركز السلطان او الأبراج وبعدها تاخذ جولة عالبحر وترد ترتاح قبل الحر وما تطلع الا قبل المغرب حسب برنامجها وبجذي تتقي حر الصيف:112:
هذا والله يوفق ويسعد الجميع ... دعواتكم