وعليكم السلام ورحمة الله وبركاته
حياك الله اختي معنا في بيتك الثاني العرب المسافرون
وحياك الله في بلدك الثاني السعودية
شخصياً ما سبق جربت شقق أو شاليه بمسبح خاص بالخبر
لكن سمعت فيه بالدمام النادي البحري على ما أظن اسمه
عموماً هذا الموضوع بيفيدك إن شاء الله :
http://www.travel.maktoob.com/vb/travel195328/
=======

الاخت تبغى شقق مفروشة بمسبح خاص للسيدات .. وليس مسبح في شقة أو شاليه .. هذا اللي فهمته .. على العموم ماعندي فكرة والله يساعدك ..

حياج الله اختي في ديرتج الثانية بالنسبة لميلان أول مره أسمع فيه بصراحه
بس أنا عندي لج راي ثاني
في شاليهات في الدمام...بس مو على البحر طبعا...عبارة عن فله..ومسبح مستقل..ولك كامل الخصوصية...وأنصح فيهم وبقوة وأسعارهم مره حلوه بس في الصيف مادري عن الأسعار
عندكم شاليهات ليمار...على طريق الجبيل الظهران...وبعد شاليهات الربيع...على نفس الطريق...ولو بغيتوا أرقامهم أنا حاضر...من عيوني كل ماتامر عليه.....
بالنسبة لموقع الشاليهات
موقع ليمار والربيع على نفس طريق الجبيل الظهران يعني على الخط
تمسكون خط الجبيل ....روح سيده بتمرون على الدمام
راح تمشون 15 الى عشرين كيلو راح يجيكم كوبري وعليه لوحه (صفوى) خذوا فوق تحت وارجعوا كأنكم راجعين للدمام(ترا المكان مو بعيد يمكن وصفي بس مبعد المكان والا ترا جريب)
امسكوا خط الخدمة وراح يجيكم أول شي منتجع ليمار...ورقمهم...(صابر)0558444205
ولو كملت شوي قدام يعني مادري كيلو أقل أكثر...المهم على نفس الطريق راح تلاقون شاليهات الربيع
ورقمهم.....8387336..........طبعا فتح الخط03
أتمنى لكم اقامة طيبة...واسمحوا لي على التقصير

مهند
يعطيك الف عافيه اخوي على المجهود , بس احنا بصراحه مانبغي نبعد
لان عندنا طفل ونخاف من الدروب الطويله
وياليت تفيدنا اكثر

ما فيه مسافات طويلة اختي
الدمام اخت الخبر يعني ملاصقة فيها والطريق 10 دقايق

مرحبا باهل البحرين الطيبين
انا من سكان الرياض ومن فترة قصيرة ذهبت للدمام وسكنت في اجنحة الخليج السعر حلو وبها مسبح
غرفتين وصاله ومطبخ ودورتين مياه الله يكرمكم 400
الشقق قريبه من البحر بجوار الشيرتون وانتم متوجهون للكورنيش تجي الاشارة وعلى يمينك الشيرتون تروح يمين 100 تجدونها على اليسار داخل المنطقة من جد حلوه

اكاسيا جاليري
يا هلا بأهل البحرين عندكم يا أختي شقق مدهل يوجد به مسبح وقد كتب عنها أحد الأخوه جزاه الله خير موضوع هذا الرابط كل ما يتعلق بشقق بصور .
https://artravelers.com/p/re/160314
موفقين