الخبر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
نسمة الليل
24-06-2022 - 10:38 am
لوسمحتوا انا بروح ان شاء الله السعوديه علشان اشتريلى بدلة سهره بس مادرى ايهو احلى مجمعات ومحلات الخبر والا الدمام
ابى بدلة كشخه
الله يخليكم لاتكشتون لانى بالويك اند بروح ومحتاره


التعليقات (7)
Memi
Memi
كشخة.. بدلة يعني ماركة فخمة تقصدين..؟ إذا ماركة فخمة فراح تلقين غايتك في مجمع الراشد قسم التوسعة.. أو بالظهران مول.. وإثنينهم بالخبر
أما إذا غايتك فستان سهرة فراح تلقين غايتك في فينيسا مول في الخبر.. الجمعة سنتر في الخبر.. مارينا مول في الدمام.. وفي محلات متفرقة تلقينها على الكرنيش بالخبر.. أو بشوارع الخبر.. وتكون حق بدل وماركات..

alzien
alzien
حياج الله أختي نسمة الليل في ديرتج الثانية السعودية
بالنسبة للمجمعات فا احسن مجمات للتسوق مجمع الراشدبالخبر ومجمع الظهران
ولكن في مجمعات فيها محلات تبيع فساتين سهرة وبشكل ملفت للنظرمثل مجمع جمعه سنتر بالخبر ...
وفي عندج سوق السويكت بالخبر أيضا.....وهناك يوجد مجمع الحياة بلازا...وفيه فساتين سهرات بالهبل
بالدمام سوق الحب ولكنه مو زي السويكت.....ومجمع الواحه بالدمام,,,وهم يعني
يعني تبين سوق الخبر وبس......وإن شاء الله افدتج بشي وسامحيني على القصور

Memi
Memi
^
^
الزين يعطيك العافية.. بس حبيت اضيف وأعقب على كلامك واسمحلي بذلك.. بما أنك ذكرت السويكت ففي محل فساتين فخمة ويمكن تلقين عنده بدل يصير مقابل الخبر بلازا البوابة الرئيسية .. أما باقي المحلات الي في السويكت فجدا جداً عادية مافيها جديد.. الأغلب محلات اقمشة وخياطين
والحياة بلازا مافيه شي فخم ومافي أمل تلقى عنده شي كشخة سوقه قديم.. يعني مستواه مو مرة بس فيه كم محل أقمشة وأسعارهم أرخص من غيرهم يعني الي بيروح الحياة بلازا لايفوتهم.. ولكن مايتقارنون باللي في السويكت او سوق الحب من ناحية النوعية والجودة والأحدث..
سوق الحب والسويكت مرة مشهورين في خياط فساتين السهرات تلقى عندهم شي حلو وسعره جدا جداً معقول.. وفي بعضهم يفصلون الفستان في يومين ثلاثة بس كل شي بحسابه.. وطبعاً محلات الأقمشة طب وتخير هناك
نسمة ليل..
وزي ماذكرت فوق إن كنتي تدورين على بدل.. تلقينها بس في المجمعات الفخمة زي الراشد والظهران.. على فكرة المحلات مثل بربريز.. أرماني.. رباعيات.. موجودة فقط في الراشد مش موجودة في الظهران..
في محل في الظهران مول.. جنب ستار بوكس.. في محل بدل سهرات فخمة.. أحيان ينزل قطع تجنن وأسعاره معقولة جداً يعني تلقين في حدود الألف

C i e l o
C i e l o
ما حددتي نوع البدله هي فساتين والا ملابس عاديه
روحي الخبر الراشد فيه أكثر المولات ..

نسمة الليل
نسمة الليل
انا ابى بدلة سهره حق عرس
ومشكورين مشكورين ماقصرتوا
كفيتوا وفيتوا
خلاص انا ان شاء الله عقب كلامكم قررت اروح الخبر
وان شاء الله الاقى اللى ابيه اهناك

حلوة المعاني
حلوة المعاني
يعطيكم الف عافيه بنات من تعرف وين يبيعون الشنط التقليد درجه اولى في الخبر يعني الي يشوفهم ما يقدر يفرق بينها وبين الاصليه
الله يخليكم فيدوني لاني مسافره للخبر بعد بكره ان شاء الله وتسلمون

Memi
Memi
حلوة المعاني
في بالسويكت صديقتي شرت شنطة تقليد بس قيمتها غالية بألف وشوي تقليد على جست كفال.. أما اسم المحل ماعرفه
وفي يقولون خلف الجامع الكبير بالدمام سوق شنط فيه تقليد ماركات لكن ماعرفه يعني الاإثنين مجرد على السمع


خصم يصل إلى 25%